+MN 33 Mahā-gopālaka:
Longer Discourse on the Cowherd
all
Longer Discourse on the Cowherd

+Opening
| (derived from B. Sujato 2018/12) | (derived from B. Sujato 2018/12) | |
| Evaṃ me sutaṃ— | So I have heard. | 我曾這樣聽說。 |
| ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. | At one time the Buddha was staying near Sāvatthī in Jeta’s Grove, Anāthapiṇḍika’s monastery. | 有一次,佛陀住在舍衛城附近的祇樹林給孤獨園。 |
| Tatra kho bhagavā bhikkhū āmantesi: | There the Buddha addressed the monks: | 在那裡,佛陀對比丘們說: |
| “bhikkhavo”ti. | “monks!” | “比丘們!” |
| “Bhadante”ti te bhikkhū bhagavato paccassosuṃ. | “Venerable sir,” they replied. | “尊者,”他們回答道。 |
| Bhagavā etadavoca: | The Buddha said this: | 佛陀這樣說: |
+33.1 – (unskilled cowherd with 11 factors can’t maintain herd of cattle)
| “Ekādasahi, bhikkhave, aṅgehi samannāgato gopālako abhabbo gogaṇaṃ pariharituṃ phātiṃ kātuṃ. | “monks, a cowherd with eleven factors can’t maintain and expand a herd of cattle. | “比丘們,一個具有十一個因素的牧牛人,無法維持和擴大牛群。 |
| Katamehi ekādasahi? | What eleven? | 哪十一個? |
| Idha, bhikkhave, gopālako na rūpaññū hoti, na lakkhaṇakusalo hoti, na āsāṭikaṃ hāretā hoti, na vaṇaṃ paṭicchādetā hoti, na dhūmaṃ kattā hoti, na titthaṃ jānāti, na pītaṃ jānāti, na vīthiṃ jānāti, na gocarakusalo hoti anavasesadohī ca hoti. Ye te usabhā gopitaro gopariṇāyakā te na atirekapūjāya pūjetā hoti. | It’s when a cowherd doesn’t know form, is unskilled in characteristics, doesn’t pick out flies’ eggs, doesn’t dress wounds, doesn’t smoke out pests, doesn’t know the ford, doesn’t know when they’re satisfied, doesn’t know the trail, is not skilled in pastures, milks dry, and doesn’t show extra respect to the bulls who are fathers and leaders of the herd. | 是當一個牧牛人不知道形態,不擅長特徵,不挑出蒼蠅卵,不處理傷口,不燻走害蟲,不知道渡口,不知道它們何時吃飽,不知道小徑,不擅長牧場,擠奶擠得乾乾淨淨,對那些作為牛群父親和首領的公牛不給予額外尊重。 |
| Imehi kho, bhikkhave, ekādasahi aṅgehi samannāgato gopālako abhabbo gogaṇaṃ pariharituṃ phātiṃ kātuṃ. | A cowherd with these eleven factors can’t maintain and expand a herd of cattle. | 一個具有這十一個因素的牧牛人,無法維持和擴大牛群。 |
+33.2 – (unskilled monk with 11 dharmas can’t accomplish Dharma and training)
all
| Evameva kho, bhikkhave, ekādasahi dhammehi samannāgato bhikkhu abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. | In the same way, a monk with eleven dharmas can’t achieve growth, improvement, or maturity in this Dharma and training. | 同樣地,一個具有十一種法的比丘,無法在此佛法和訓練中取得成長、進步或成熟。 |
| Katamehi ekādasahi? | What eleven? | 哪十一種? |
| Idha, bhikkhave, bhikkhu na rūpaññū hoti, na lakkhaṇakusalo hoti, na āsāṭikaṃ hāretā hoti, na vaṇaṃ paṭicchādetā hoti, na dhūmaṃ kattā hoti, na titthaṃ jānāti, na pītaṃ jānāti, na vīthiṃ jānāti, na gocarakusalo hoti, anavasesadohī ca hoti. Ye te bhikkhū therā rattaññū cirapabbajitā saṃghapitaro saṃghapariṇāyakā te na atirekapūjāya pūjetā hoti. | It’s when a monk doesn’t know form, is unskilled in characteristics, doesn’t pick out flies’ eggs, doesn’t dress wounds, doesn’t smoke out pests, doesn’t know the ford, doesn’t know satisfaction, doesn’t know the trail, is not skilled in pastures, milks dry, and doesn’t show extra respect to senior monks of long standing, long gone forth, fathers and leaders of the Saṅgha. | 是當一個比丘不知道形態,不擅長特徵,不挑出蒼蠅卵,不處理傷口,不燻走害蟲,不知道渡口,不知道滿足,不知道小徑,不擅長牧場,擠奶擠得乾乾淨淨,對那些資深、久已出家、作為僧團父親和領袖的比丘不給予額外尊重。 |
+§2.1 – (And how does a monk not know form?)
| Kathañca, bhikkhave, bhikkhu na rūpaññū hoti? | And how does a monk not know form? | 那麼,比丘如何不知道形態呢? |
| Idha, bhikkhave, bhikkhu yaṃ kiñci rūpaṃ sabbaṃ rūpaṃ ‘cattāri mahābhūtāni, catunnañca mahābhūtānaṃ upādāyarūpan’ti yathābhūtaṃ nappajānāti. | It’s when a monk doesn’t truly understand that all form is the four primary elements, or form derived from the four primary elements. | 是當一個比丘不真正了解所有形態都是四大元素,或是四大元素所衍生的形態。 |
| Evaṃ kho, bhikkhave, bhikkhu na rūpaññū hoti. (1) | That’s how a monk doesn’t know form. | 比丘就是這樣不知道形態的。 |
+§2.2 – (And how is a monk not skilled in characteristics?)
| Kathañca, bhikkhave, bhikkhu na lakkhaṇakusalo hoti? | And how is a monk not skilled in characteristics? | 那麼,比丘如何不擅長特徵呢? |
| Idha, bhikkhave, bhikkhu ‘kammalakkhaṇo bālo, kammalakkhaṇo paṇḍito’ti yathābhūtaṃ nappajānāti. | It’s when a monk doesn’t understand that a fool is characterized by their deeds, and an astute person is characterized by their deeds. | 是當一個比丘不了解愚者的特徵在於他們的行為,而智者的特徵也在於他們的行為。 |
| Evaṃ kho, bhikkhave, bhikkhu na lakkhaṇakusalo hoti. (2) | That’s how a monk isn’t skilled in characteristics. | 比丘就是這樣不擅長特徵的。 |
+§2.3 – (And how does a monk not pick out flies’ eggs?)
| Kathañca, bhikkhave, bhikkhu na āsāṭikaṃ hāretā hoti? | And how does a monk not pick out flies’ eggs? | 那麼,比丘如何不挑出蒼蠅卵呢? |
| Idha, bhikkhave, bhikkhu uppannaṃ kāmavitakkaṃ adhivāseti, nappajahati na vinodeti na byantī karoti na anabhāvaṃ gameti. Uppannaṃ byāpādavitakkaṃ … pe … uppannaṃ vihiṃsāvitakkaṃ … pe … uppannuppanne pāpake akusale dhamme adhivāseti, nappajahati na vinodeti na byantī karoti na anabhāvaṃ gameti. | It’s when a monk tolerates a sensual, malicious, or cruel thought that’s arisen. They tolerate any bad, unskillful Dharmas that have arisen. They don’t give them up, get rid of them, eliminate them, and obliterate them. | 是當一個比丘容忍已經生起的感官、惡意或殘忍的念頭。他們容忍任何已經生起的壞的、不善的法。他們不放棄、不擺脫、不消除、不徹底根除它們。 |
| Evaṃ kho, bhikkhave, bhikkhu na āsāṭikaṃ hāretā hoti. (3) | That’s how a monk doesn’t pick out flies’ eggs. | 比丘就是這樣不挑出蒼蠅卵的。 |
+§2.4 – (And how does a monk not dress wounds?)
| Kathañca, bhikkhave, bhikkhu na vaṇaṃ paṭicchādetā hoti? | And how does a monk not dress wounds? | 那麼,比丘如何不處理傷口呢? |
| Idha, bhikkhave, bhikkhu cakkhunā rūpaṃ disvā nimittaggāhī hoti anubyañjanaggāhī. | When a monk sees a sight with their eyes, they get caught up in the features and details. | 當比丘用眼睛看到景象時,他們會被特徵和細節所吸引。 |
| Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati. | Since the faculty of sight is left unrestrained, bad unskillful Dharmas of desire and aversion become overwhelming. They don’t practice restraint, they don’t protect the faculty of sight, and they don’t achieve its restraint. | 由於視覺器官沒有得到控制,貪欲和嗔恨的不善法變得勢不可擋。他們不實行節制,不保護視覺器官,也無法實現其節制。 |
| Sotena saddaṃ sutvā … pe … | When they hear a sound with their ears … | 當他們用耳朵聽到聲音時…… |
| ghānena gandhaṃ ghāyitvā … pe … | smell an odor with their nose … | 用鼻子聞到氣味時…… |
| jivhāya rasaṃ sāyitvā … pe … | taste a flavor with their tongue … | 用舌頭嚐到味道時…… |
| kāyena phoṭṭhabbaṃ phusitvā … pe … | feel a touch with their body … | 用身體感受到觸覺時…… |
| manasā dhammaṃ viññāya nimittaggāhī hoti anubyañjanaggāhī. | know a thought with their mind, they get caught up in the features and details. | 用心知道念頭時,他們會被特徵和細節所吸引。 |
| Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati manindriyaṃ, manindriye na saṃvaraṃ āpajjati. | Since the faculty of the mind is left unrestrained, bad unskillful Dharmas of desire and aversion become overwhelming. They don’t practice restraint, they don’t protect the faculty of the mind, and they don’t achieve its restraint. | 由於意根沒有得到控制,貪欲和嗔恨的不善法變得勢不可擋。他們不實行節制,不保護意根,也無法實現其節制。 |
| Evaṃ kho, bhikkhave, bhikkhu na vaṇaṃ paṭicchādetā hoti. (4) | That’s how a monk doesn’t dress wounds. | 比丘就是這樣不處理傷口的。 |
+§2.5 – (And how does a monk not smoke out pests?)
| Kathañca, bhikkhave, bhikkhu na dhūmaṃ kattā hoti? | And how does a monk not smoke out pests? | 那麼,比丘如何不燻走害蟲呢? |
| Idha, bhikkhave, bhikkhu yathāsutaṃ yathāpariyattaṃ dhammaṃ na vitthārena paresaṃ desetā hoti. | It’s when a monk doesn’t teach others the Dhamma in detail as they learned and memorized it. | 是當一個比丘不詳細地教導他人他所學習和記住的佛法。 |
| Evaṃ kho, bhikkhave, bhikkhu na dhūmaṃ kattā hoti. (5) | That’s how a monk doesn’t smoke out pests. | 比丘就是這樣不燻走害蟲的。 |
+§2.6 – (And how does a monk not know the ford?)
| Kathañca, bhikkhave, bhikkhu na titthaṃ jānāti? | And how does a monk not know the ford? | 那麼,比丘如何不知道渡口呢? |
| Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā, te kālena kālaṃ upasaṅkamitvā na paripucchati, na paripañhati: | It’s when a monk doesn’t from time to time go up to those monks who are very learned—knowledgeable in the scriptures, who have memorized the Dharmas, the Vinaya, and the outlines—and ask them questions: | 是當一個比丘不時常去拜訪那些博學多聞的比丘——精通經典,背誦佛法、律藏和大綱的人——並向他們提問: |
| ‘idaṃ, bhante, kathaṃ? | ‘Why, sir, does it say this? | “先生,為什麼這樣說? |
| Imassa ko attho’ti? | What does that mean?’ | 那是什麼意思?” |
| Tassa te āyasmanto avivaṭañceva na vivaranti, anuttānīkatañca na uttānīkaronti, anekavihitesu ca kaṅkhāṭhānīyesu dhammesu kaṅkhaṃ na paṭivinodenti. | Those venerables don’t clarify what is unclear, reveal what is obscure, and dispel doubt regarding the many doubtful matters. | 那些尊者不澄清不清楚的地方,不揭示模糊的地方,也不消除許多可疑事項的疑慮。 |
| Evaṃ kho, bhikkhave, bhikkhu na titthaṃ jānāti. (6) | That’s how a monk doesn’t know the ford. | 比丘就是這樣不知道渡口的。 |
+§2.7 – (And how does a monk not know satisfaction?)
| Kathañca, bhikkhave, bhikkhu na pītaṃ jānāti? | And how does a monk not know satisfaction? | 那麼,比丘如何不知道滿足呢? |
| Idha, bhikkhave, bhikkhu tathāgatappavedite dhammavinaye desiyamāne na labhati atthavedaṃ, na labhati dhammavedaṃ, na labhati dhammūpasaṃhitaṃ pāmojjaṃ. | It’s when a monk, when The Dharma and training proclaimed by the Realized One are being taught, finds no joy in the meaning and The Dharma, and finds no joy connected with The Dharma. | 是當一個比丘,在宣說如來所宣講的佛法和訓練時,在意義和佛法中找不到喜悅,也找不到與佛法相關的喜悅。 |
| Evaṃ kho, bhikkhave, bhikkhu na pītaṃ jānāti. (7) | That’s how a monk doesn’t know satisfaction. | 比丘就是這樣不知道滿足的。 |
+§2.8 – (And how does a monk not know the trail?)
| Kathañca, bhikkhave, bhikkhu na vīthiṃ jānāti? | And how does a monk not know the trail? | 那麼,比丘如何不知道小徑呢? |
| Idha, bhikkhave, bhikkhu ariyaṃ aṭṭhaṅgikaṃ maggaṃ yathābhūtaṃ nappajānāti. | It’s when a monk doesn’t truly understand the noble eightfold path. | 是當一個比丘不真正了解八聖道。 |
| Evaṃ kho, bhikkhave, bhikkhu na vīthiṃ jānāti. (8) | That’s how a monk doesn’t know the trail. | 比丘就是這樣不知道小徑的。 |
+§2.9 – (And how is a monk not skilled in pastures?)
| Kathañca, bhikkhave, bhikkhu na gocarakusalo hoti? | And how is a monk not skilled in pastures? | 那麼,比丘如何不擅長牧場呢? |
| Idha, bhikkhave, bhikkhu cattāro satipaṭṭhāne yathābhūtaṃ nappajānāti. | It’s when a monk doesn’t truly understand the four kinds of rememberfulness meditation. | 是當一個比丘不真正了解四種念住禪修。 |
| Evaṃ kho, bhikkhave, bhikkhu na gocarakusalo hoti. (9) | That’s how a monk is not skilled in pastures. | 比丘就是這樣不擅長牧場的。 |
+§2.10 – (And how does a monk milk dry?)
| Kathañca, bhikkhave, bhikkhu anavasesadohī hoti? | And how does a monk milk dry? | 那麼,比丘如何擠奶擠得乾乾淨淨呢? |
| Idha, bhikkhave, bhikkhuṃ saddhā gahapatikā abhihaṭṭhuṃ pavārenti cīvarapiṇḍapātasenāsanagilānappaccayabhesajjaparikkhārehi, tatra bhikkhu mattaṃ na jānāti paṭiggahaṇāya. | It’s when a monk is invited by a householder to accept robes, alms-food, lodgings, and medicines and supplies for the sick, and that monk doesn’t know moderation in accepting. | 是當一個比丘被在家居士邀請接受袈裟、食物、住所和生病所需的藥物和用品時,而這個比丘在接受時不知道節制。 |
| Evaṃ kho, bhikkhave, bhikkhu anavasesadohī hoti. (10) | That’s how a monk milks dry. | 比丘就是這樣擠奶擠得乾乾淨淨的。 |
+§2.11 – (And how does a monk not show extra respect to senior monks)
| Kathañca, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā te na atirekapūjāya pūjetā hoti? | And how does a monk not show extra respect to senior monks of long standing, long gone forth, fathers and leaders of the Saṅgha? | 那麼,比丘如何不額外尊重那些資深、久已出家、作為僧團父親和領袖的比丘呢? |
| Idha, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, tesu na mettaṃ kāyakammaṃ paccupaṭṭhāpeti āvi ceva raho ca; na mettaṃ vacīkammaṃ paccupaṭṭhāpeti āvi ceva raho ca; na mettaṃ manokammaṃ paccupaṭṭhāpeti āvi ceva raho ca. |
It’s when a monk doesn’t consistently treat senior monks of long standing, long gone forth, fathers and leaders of the Saṅgha with kindness by way of body, speech, and mind, both in public and in private. | 是當一個比丘在公開和私下,都不始終如一地以身、語、意對待那些資深、久已出家、作為僧團父親和領袖的比丘。 |
| Evaṃ kho, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā te na atirekapūjāya pūjetā hoti. (11) | That’s how a monk doesn’t show extra respect to senior monks of long standing, long gone forth, fathers and leaders of the Saṅgha. | 比丘就是這樣不額外尊重那些資深、久已出家、作為僧團父親和領袖的比丘的。 |
| Imehi kho, bhikkhave, ekādasahi dhammehi samannāgato bhikkhu abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. | A monk with these eleven dharmas can’t achieve growth, improvement, or maturity in this Dharma and training. | 一個具有這十一種法的比丘,無法在此佛法和訓練中取得成長、進步或成熟。 |
❧
+33.3 – (skilled cowherd with 11 factors can maintain herd of cattle)
| Ekādasahi, bhikkhave, aṅgehi samannāgato gopālako bhabbo gogaṇaṃ pariharituṃ phātiṃ kātuṃ. | A cowherd with eleven factors can maintain and expand a herd of cattle. | 一個具有十一個因素的牧牛人,可以維持和擴大牛群。 |
| Katamehi ekādasahi? | What eleven? | 哪十一個? |
| Idha, bhikkhave, gopālako rūpaññū hoti, lakkhaṇakusalo hoti, āsāṭikaṃ hāretā hoti, vaṇaṃ paṭicchādetā hoti, dhūmaṃ kattā hoti, titthaṃ jānāti, pītaṃ jānāti, vīthiṃ jānāti, gocarakusalo hoti, sāvasesadohī ca hoti. Ye te usabhā gopitaro gopariṇāyakā te atirekapūjāya pūjetā hoti. | It’s when a cowherd knows form, is skilled in characteristics, picks out flies’ eggs, dresses wounds, smokes out pests, knows the ford, knows when they’re satisfied, knows the trail, is skilled in pastures, doesn’t milk dry, and shows extra respect to the bulls who are fathers and leaders of the herd. | 是當一個牧牛人知道形態,擅長特徵,挑出蒼蠅卵,處理傷口,燻走害蟲,知道渡口,知道它們何時吃飽,知道小徑,擅長牧場,不擠奶擠得乾乾淨淨,並額外尊重那些作為牛群父親和首領的公牛。 |
| Imehi kho, bhikkhave, ekādasahi aṅgehi samannāgato gopālako bhabbo gogaṇaṃ pariharituṃ phātiṃ kātuṃ. | A cowherd with these eleven factors can maintain and expand a herd of cattle. | 一個具有這十一個因素的牧牛人,可以維持和擴大牛群。 |
+33.4 – (skilled monk with 11 dharmas can accomplish Dharma and training)
| Evameva kho, bhikkhave, ekādasahi dhammehi samannāgato bhikkhu bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. | In the same way, a monk with eleven dharmas can achieve growth, improvement, and maturity in this Dharma and training. | 同樣地,一個具有十一種法的比丘,可以在此佛法和訓練中取得成長、進步和成熟。 |
| Katamehi ekādasahi? | What eleven? | 哪十一種? |
| Idha, bhikkhave, bhikkhu rūpaññū hoti, lakkhaṇakusalo hoti, āsāṭikaṃ hāretā hoti, vaṇaṃ paṭicchādetā hoti, dhūmaṃ kattā hoti, titthaṃ jānāti, pītaṃ jānāti, vīthiṃ jānāti, gocarakusalo hoti, sāvasesadohī ca hoti. Ye te bhikkhū therā rattaññū cirapabbajitā saṅghapitaro saṅghapariṇāyakā te atirekapūjāya pūjetā hoti. | It’s when a monk knows form, is skilled in characteristics, picks out flies’ eggs, dresses wounds, smokes out pests, knows the ford, knows satisfaction, knows the trail, is skilled in pastures, doesn’t milk dry, and shows extra respect to senior monks of long standing, long gone forth, fathers and leaders of the Saṅgha. | 是當一個比丘知道形態,擅長特徵,挑出蒼蠅卵,處理傷口,燻走害蟲,知道渡口,知道滿足,知道小徑,擅長牧場,不擠奶擠得乾乾淨淨,並額外尊重那些資深、久已出家、作為僧團父親和領袖的比丘。 |
| Kathañca, bhikkhave, bhikkhu rūpaññū hoti? | And how does a monk know form? | 那麼,比丘如何知道形態呢? |
| Idha, bhikkhave, bhikkhu yaṃ kiñci rūpaṃ sabbaṃ rūpaṃ ‘cattāri mahābhūtāni, catunnañca mahābhūtānaṃ upādāyarūpan’ti yathābhūtaṃ pajānāti. | It’s when a monk truly understands that all form is the four primary elements, or form derived from the four primary elements. | 是當一個比丘真正了解所有形態都是四大元素,或是四大元素所衍生的形態。 |
| Evaṃ kho, bhikkhave, bhikkhu rūpaññū hoti. (1) | That’s how a monk knows form. | 比丘就是這樣知道形態的。 |
| Kathañca, bhikkhave, bhikkhu lakkhaṇakusalo hoti? | And how is a monk skilled in characteristics? | 那麼,比丘如何擅長特徵呢? |
| Idha, bhikkhave, bhikkhu kammalakkhaṇo bālo, kammalakkhaṇo paṇḍitoti yathābhūtaṃ pajānāti. | It’s when a monk understands that a fool is characterized by their deeds, and an astute person is characterized by their deeds. | 是當一個比丘了解愚者的特徵在於他們的行為,而智者的特徵也在於他們的行為。 |
| Evaṃ kho, bhikkhave, bhikkhu lakkhaṇakusalo hoti. (2) | That’s how a monk is skilled in characteristics. | 比丘就是這樣擅長特徵的。 |
| Kathañca, bhikkhave, bhikkhu āsāṭikaṃ hāretā hoti? | And how does a monk pick out flies’ eggs? | 那麼,比丘如何挑出蒼蠅卵呢? |
| Idha, bhikkhave, bhikkhu uppannaṃ kāmavitakkaṃ nādhivāseti, pajahati vinodeti byantī karoti anabhāvaṃ gameti. Uppannaṃ byāpādavitakkaṃ … pe … uppannaṃ vihiṃsāvitakkaṃ … pe … uppannuppanne pāpake akusale dhamme nādhivāseti, pajahati vinodeti byantī karoti anabhāvaṃ gameti. | It’s when a monk doesn’t tolerate a sensual, malicious, or cruel thought that’s arisen. They don’t tolerate any bad, unskillful Dharmas that have arisen, but give them up, get rid of them, eliminate them, and obliterate them. | 是當一個比丘不容忍已經生起的感官、惡意或殘忍的念頭。他們不容忍任何已經生起的壞的、不善的法,而是放棄、擺脫、消除、徹底根除它們。 |
| Evaṃ kho, bhikkhave, bhikkhu āsāṭikaṃ hāretā hoti. (3) | That’s how a monk picks out flies’ eggs. | 比丘就是這樣挑出蒼蠅卵的。 |
| Kathañca, bhikkhave, bhikkhu vaṇaṃ paṭicchādetā hoti? | And how does a monk dress wounds? | 那麼,比丘如何處理傷口呢? |
| Idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī. | When a monk sees a sight with their eyes, they don’t get caught up in the features and details. | 當比丘用眼睛看到景象時,他們不會被特徵和細節所吸引。 |
| Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. | If the faculty of sight was left unrestrained, bad unskillful Dharmas of desire and aversion would become overwhelming. For this reason, they practice restraint, protecting the faculty of sight, and achieving its restraint. | 如果視覺器官沒有得到控制,貪欲和嗔恨的不善法就會變得勢不可擋。因此,他們實行節制,保護視覺器官,並實現其節制。 |
| Sotena saddaṃ sutvā … pe … | When they hear a sound with their ears … | 當他們用耳朵聽到聲音時…… |
| ghānena gandhaṃ ghāyitvā … pe … | smell an odor with their nose … | 用鼻子聞到氣味時…… |
| jivhāya rasaṃ sāyitvā … pe … | taste a flavor with their tongue … | 用舌頭嚐到味道時…… |
| kāyena phoṭṭhabbaṃ phusitvā … pe … | feel a touch with their body … | 用身體感受到觸覺時…… |
| manasā dhammaṃ viññāya na nimittaggāhī hoti nānubyañjanaggāhī. | know a thought with their mind, they don’t get caught up in the features and details. | 用心知道念頭時,他們不會被特徵和細節所吸引。 |
| Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. | If the faculty of mind was left unrestrained, bad unskillful Dharmas of desire and aversion would become overwhelming. For this reason, they practice restraint, protecting the faculty of mind, and achieving its restraint. | 如果意根沒有得到控制,貪欲和嗔恨的不善法就會變得勢不可擋。因此,他們實行節制,保護意根,並實現其節制。 |
| Evaṃ kho, bhikkhave, bhikkhu vaṇaṃ paṭicchādetā hoti. (4) | That’s how a monk dresses wounds. | 比丘就是這樣處理傷口的。 |
| Kathañca, bhikkhave, bhikkhu dhūmaṃ kattā hoti? | And how does a monk smoke out pests? | 那麼,比丘如何燻走害蟲呢? |
| Idha, bhikkhave, bhikkhu yathāsutaṃ yathāpariyattaṃ dhammaṃ vitthārena paresaṃ desetā hoti. | It’s when a monk teaches others the Dhamma in detail as they learned and memorized it. | 是當一個比丘詳細地教導他人他所學習和記住的佛法。 |
| Evaṃ kho, bhikkhave, bhikkhu dhūmaṃ kattā hoti. (5) | That’s how a monk smokes out pests. | 比丘就是這樣燻走害蟲的。 |
| Kathañca, bhikkhave, bhikkhu titthaṃ jānāti? | And how does a monk know the ford? | 那麼,比丘如何知道渡口呢? |
| Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā te kālena kālaṃ upasaṅkamitvā paripucchati, paripañhati: | It’s when from time to time a monk goes up to those monks who are very learned—knowledgeable in the scriptures, who have memorized the Dharmas, the Vinaya, and the outlines—and asks them questions: | 是當一個比丘不時常去拜訪那些博學多聞的比丘——精通經典,背誦佛法、律藏和大綱的人——並向他們提問: |
| ‘idaṃ, bhante, kathaṃ? | ‘Why, sir, does it say this? | “先生,為什麼這樣說? |
| Imassa ko attho’ti? | What does that mean?’ | 那是什麼意思?” |
| Tassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhānīyesu dhammesu kaṅkhaṃ paṭivinodenti. | Those venerables clarify what is unclear, reveal what is obscure, and dispel doubt regarding the many doubtful matters. | 那些尊者澄清不清楚的地方,揭示模糊的地方,並消除許多可疑事項的疑慮。 |
| Evaṃ kho, bhikkhave, bhikkhu titthaṃ jānāti. (6) | That’s how a monk knows the ford. | 比丘就是這樣知道渡口的。 |
| Kathañca bhikkhave, bhikkhu pītaṃ jānāti? | And how does a monk know satisfaction? | 那麼,比丘如何知道滿足呢? |
| Idha, bhikkhave, bhikkhu tathāgatappavedite dhammavinaye desiyamāne labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. | It’s when a monk, when The Dharma and training proclaimed by the Realized One are being taught, finds joy in the meaning and The Dharma, and finds joy connected with The Dharma. | 是當一個比丘,在宣說如來所宣講的佛法和訓練時,在意義和佛法中找到喜悅,也找到與佛法相關的喜悅。 |
| Evaṃ kho, bhikkhave, bhikkhu pītaṃ jānāti. (7) | That’s how a monk knows satisfaction. | 比丘就是這樣知道滿足的。 |
| Kathañca, bhikkhave, bhikkhu vīthiṃ jānāti? | And how does a monk know the trail? | 那麼,比丘如何知道小徑呢? |
| Idha, bhikkhave, bhikkhu ariyaṃ aṭṭhaṅgikaṃ maggaṃ yathābhūtaṃ pajānāti. | It’s when a monk truly understands the noble eightfold path. | 是當一個比丘真正了解八聖道。 |
| Evaṃ kho, bhikkhave, bhikkhu vīthiṃ jānāti. (8) | That’s how a monk knows the trail. | 比丘就是這樣知道小徑的。 |
| Kathañca, bhikkhave, bhikkhu gocarakusalo hoti? | And how is a monk skilled in pastures? | 那麼,比丘如何擅長牧場呢? |
| Idha, bhikkhave, bhikkhu cattāro satipaṭṭhāne yathābhūtaṃ pajānāti. | It’s when a monk truly understands the four kinds of rememberfulness meditation. | 是當一個比丘真正了解四種念住禪修。 |
| Evaṃ kho, bhikkhave, bhikkhu gocarakusalo hoti. (9) | That’s how a monk is skilled in pastures. | 比丘就是這樣擅長牧場的。 |
| Kathañca, bhikkhave, bhikkhu sāvasesadohī hoti? | And how does a monk not milk dry? | 那麼,比丘如何不擠奶擠得乾乾淨淨呢? |
| Idha, bhikkhave, bhikkhuṃ saddhā gahapatikā abhihaṭṭhuṃ pavārenti cīvarapiṇḍapātasenāsanagilānappaccayabhesajjaparikkhārehi. | It’s when a monk is invited by a householder to accept robes, alms-food, lodgings, and medicines and supplies for the sick, | 是當一個比丘被在家居士邀請接受袈裟、食物、住所和生病所需的藥物和用品時, |
| Tatra bhikkhu mattaṃ jānāti paṭiggahaṇāya. | and that monk knows moderation in accepting. | 而這個比丘在接受時知道節制。 |
| Evaṃ kho, bhikkhave, bhikkhu sāvasesadohī hoti. (10) | That’s how a monk doesn’t milk dry. | 比丘就是這樣不擠奶擠得乾乾淨淨的。 |
| Kathañca, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, te atirekapūjāya pūjetā hoti? | And how does a monk show extra respect to senior monks of long standing, long gone forth, fathers and leaders of the Saṅgha? | 那麼,比丘如何額外尊重那些資深、久已出家、作為僧團父親和領袖的比丘呢? |
| Idha, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā tesu mettaṃ kāyakammaṃ paccupaṭṭhāpeti āvi ceva raho ca; mettaṃ vacīkammaṃ paccupaṭṭhāpeti āvi ceva raho ca; mettaṃ manokammaṃ paccupaṭṭhāpeti āvi ceva raho ca. |
It’s when a monk consistently treats senior monks of long standing, long gone forth, fathers and leaders of the Saṅgha with kindness by way of body, speech, and mind, both in public and in private. | 是當一個比丘在公開和私下,都始終如一地以身、語、意對待那些資深、久已出家、作為僧團父親和領袖的比丘。 |
| Evaṃ kho, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā te atirekapūjāya pūjetā hoti. (11) | That’s how a monk shows extra respect to senior monks of long standing, long gone forth, fathers and leaders of the Saṅgha. | 比丘就是這樣額外尊重那些資深、久已出家、作為僧團父親和領袖的比丘的。 |
| Imehi kho, bhikkhave, ekādasahi dhammehi samannāgato bhikkhu bhabbo imasmiṃ dhammavinaye vuddhiṃ virūḷhiṃ vepullaṃ āpajjitun”ti. | A monk with these eleven dharmas can achieve growth, improvement, and maturity in this Dharma and training.” | 一個具有這十一種法的比丘,可以在此佛法和訓練中取得成長、進步和成熟。” |
| Idamavoca bhagavā. | That is what the Buddha said. | 佛陀如是說。 |
| Attamanā te bhikkhū bhagavato bhāsitaṃ abhinandunti. | Satisfied, the monks were happy with what the Buddha said. | 聽完後,比丘們對佛陀所說感到滿意,心生歡喜。 |
❧