+MN 146 Nandakovāda:
Advice from Nandaka
all
Advice from Nandaka

+Opening
| (derived from B. Sujato 2018/12) | ||
| Majjhima Nikāya 146 | Middle Discourses 146 | 中部146經 |
| Nandakovādasutta | Advice from Nandaka | 難陀的忠告 |
| Evaṃ me sutaṃ— | So I have heard. | 我曾這樣聽聞。 |
| ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. | At one time the Buddha was staying near Sāvatthī in Jeta’s Grove, Anāthapiṇḍika’s monastery. | 有一次,佛陀住在舍衛城附近的祇樹給孤獨園。 |
| Atha kho mahāpajāpatigotamī pañcamattehi bhikkhunisatehi saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpatigotamī bhagavantaṃ etadavoca: | Then Mahāpajāpatī Gotamī together with around five hundred nuns approached the Buddha, bowed, stood to one side, and said to him: | 那時,大愛道瞿曇彌與大約五百名比丘尼一同來到佛陀面前,頂禮,站立在一旁,對他說: |
| “ovadatu, bhante, bhagavā bhikkhuniyo; | “Sir, may the Buddha please advise | “世尊,請佛陀為比丘尼們說法, |
| anusāsatu, bhante, bhagavā bhikkhuniyo; | and instruct the nuns. | 並教導比丘尼們。 |
| karotu, bhante, bhagavā bhikkhunīnaṃ dhammiṃ kathan”ti. | Please give the nuns a Dhamma talk.” | 請給比丘尼們一次佛法開示。” |
| Tena kho pana samayena therā bhikkhū bhikkhuniyo ovadanti pariyāyena. | Now at that time the senior monks were taking turns to advise the nuns. | 那時,長老比丘們輪流給比丘尼們說法。 |
| Āyasmā nandako na icchati bhikkhuniyo ovadituṃ pariyāyena. | But Venerable Nandaka didn’t want to take his turn. | 但難陀尊者不想輪到他。 |
| Atha kho bhagavā āyasmantaṃ ānandaṃ āmantesi: | Then the Buddha said to Venerable Ānanda: | 然後佛陀對阿難尊者說: |
| “kassa nu kho, ānanda, ajja pariyāyo bhikkhuniyo ovadituṃ pariyāyenā”ti? | “Ānanda, whose turn is it to advise the nuns today?” | “阿難,今天輪到誰給比丘尼們說法?” |
| “Sabbeheva, bhante, kato pariyāyo bhikkhuniyo ovadituṃ pariyāyena. | “It’s Nandaka’s turn, sir, | “是難陀的輪次,世尊, |
| Ayaṃ, bhante, āyasmā nandako na icchati bhikkhuniyo ovadituṃ pariyāyenā”ti. | but he doesn’t want to do it.” | 但他不想做。” |
+146.1 – Buddha tells Nandaka to give Dhamma talk to 500 nuns
| Atha kho bhagavā āyasmantaṃ nandakaṃ āmantesi: | Then the Buddha said to Nandaka: | 然後佛陀對難陀說: |
| “ovada, nandaka, bhikkhuniyo; | “Nandaka, please advise | “難陀,請給比丘尼們說法, |
| anusāsa, nandaka, bhikkhuniyo; | and instruct the nuns. | 並教導比丘尼們。 |
| karohi tvaṃ, brāhmaṇa, bhikkhunīnaṃ dhammiṃ kathan”ti. | Please, brahmin, give the nuns a Dhamma talk.” | 請,婆羅門,給比丘尼們一次佛法開示。” |
| “Evaṃ, bhante”ti kho āyasmā nandako bhagavato paṭissutvā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. | “Yes, sir,” replied Nandaka. Then, in the morning, he robed up and, taking his bowl and robe, entered Sāvatthī for alms. | “是的,世尊,”難陀回答。然後,早上,他穿好僧袍,拿起缽和僧袍,進入舍衛城乞食。 |
| Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami. | He wandered for alms in Sāvatthī. After the meal, on his return from alms-round, he went to the Royal Monastery with a companion. | 他在舍衛城乞食。飯後,從乞食回來,他與一位同伴去了王室精舍。 |
| Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ. | Those nuns saw him coming off in the distance, | 那些比丘尼遠遠地看到他走來, |
| Disvāna āsanaṃ paññāpesuṃ, udakañca pādānaṃ upaṭṭhapesuṃ. | so they spread out a seat and placed water for washing the feet. | 於是她們鋪好座位,並放好洗腳水。 |
| Nisīdi kho āyasmā nandako paññatte āsane. | Nandaka sat down on the seat spread out, | 難陀坐在鋪好的座位上, |
| Nisajja pāde pakkhālesi. | and washed his feet. | 洗了腳。 |
| Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu. | Those nuns bowed, and sat down to one side. | 那些比丘尼頂禮,然後坐在一旁。 |
| Ekamantaṃ nisinnā kho tā bhikkhuniyo āyasmā nandako etadavoca: | Nandaka said to them: | 難陀對她們說: |
| “paṭipucchakathā kho, bhaginiyo, bhavissati. | “Sisters, this talk shall be in the form of questions. | “姐妹們,這次談話將以提問的形式進行。 |
| Tattha ājānantīhi: ‘ājānāmā’ tissa vacanīyaṃ, na ājānantīhi: ‘na ājānāmā’ tissa vacanīyaṃ. | When you understand, say so. When you don’t understand, say so. | 當你理解時,就說理解。當你不理解時,就說不理解。 |
| Yassā vā panassa kaṅkhā vā vimati vā ahameva tattha paṭipucchitabbo: | If anyone has a doubt or uncertainty, ask me about it: | 如果任何人有疑問或不確定,就問我: |
| ‘idaṃ, bhante, kathaṃ; imassa kvattho’”ti? | ‘Why, sir, does it say this? What does that mean?’” | ‘世尊,為什麼會這樣說?那是什麼意思?’” |
| “Ettakenapi mayaṃ, bhante, ayyassa nandakassa attamanā abhiraddhā yaṃ no ayyo nandako pavāretī”ti. | “We’re already delighted and satisfied with Venerable Nandaka, since he invites like this.” | “我們已經很高興和滿意難陀尊者,因為他這樣邀請我們。” |
❧
+146.2 – is the eye permanent, suffering, self?
| “Taṃ kiṃ maññatha, bhaginiyo, | “What do you think, sisters? | “姐妹們,你們認為呢? |
| cakkhu niccaṃ vā aniccaṃ vā”ti? | Is the eye permanent or impermanent?” | 眼睛是常還是無常?” |
| “Aniccaṃ, bhante”. | “Impermanent, sir.” | “無常,世尊。” |
| “Yaṃ panāniccaṃ dukkhaṃ vā taṃ sukhaṃ vā”ti? | “But if it’s impermanent, is it suffering or happiness?” | “但是如果它是無常的,它是苦還是樂?” |
| “Dukkhaṃ, bhante”. | “Suffering, sir.” | “苦,世尊。” |
| “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: | “But if it’s impermanent, suffering, and perishable, is it fit to be regarded thus: | “但是如果它是無常的,是苦的,是會壞的,它適合被認為是: |
| ‘etaṃ mama, esohamasmi, eso me attā’”ti? | ‘This is mine, I am this, this is my self’?” | ‘這是我的,我就是這個,這是我的自我’嗎?” |
| “No hetaṃ, bhante”. | “No, sir.” | “不,世尊。” |
+146.3 – permutate for nose, tongue, body, mind
| “Taṃ kiṃ maññatha, bhaginiyo, | “What do you think, sisters? | “姐妹們,你們認為呢? |
| sotaṃ niccaṃ vā aniccaṃ vā”ti? “Aniccaṃ, bhante … pe … |
Is the ear … | 耳朵…… |
| ghānaṃ niccaṃ vā aniccaṃ vā”ti? “Aniccaṃ, bhante” … |
nose … | 鼻子…… |
| “jivhā niccā vā aniccā vā”ti? “Aniccā, bhante” … |
tongue … | 舌頭…… |
| “kāyo nicco vā anicco vā”ti? “Anicco, bhante” … |
body … | 身體…… |
| “mano nicco vā anicco vā”ti? | mind permanent or impermanent?” | 心是常還是無常?” |
| “Anicco, bhante”. | “Impermanent, sir.” | “無常,世尊。” |
| “Yaṃ panāniccaṃ dukkhaṃ vā taṃ sukhaṃ vā”ti? | “But if it’s impermanent, is it suffering or happiness?” | “但是如果它是無常的,它是苦還是樂?” |
| “Dukkhaṃ, bhante”. | “Suffering, sir.” | “苦,世尊。” |
| “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: | “But if it’s impermanent, suffering, and perishable, is it fit to be regarded thus: | “但是如果它是無常的,是苦的,是會壞的,它適合被認為是: |
| ‘etaṃ mama, esohamasmi, eso me attā’”ti? | ‘This is mine, I am this, this is my self’?” | ‘這是我的,我就是這個,這是我的自我’嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
+146.4 – nuns see with right wisdom: these 6 internal senses impermanent
| “Pubbeva no etaṃ, bhante, yathābhūtaṃ sammappaññāya sudiṭṭhaṃ: | Because we have already truly seen this with right wisdom: | 因為我們已經以正智真實地看到了這一點: |
| ‘itipime cha ajjhattikā āyatanā aniccā’”ti. | ‘So these six interior sense fields are impermanent.’” | ‘這六個內感官都是無常的。’” |
| “Sādhu sādhu, bhaginiyo. | “Good, good, sisters! | “善哉,善哉,姐妹們! |
| Evañhetaṃ, bhaginiyo, hoti ariyasāvakassa yathābhūtaṃ sammappaññāya passato. | That’s how it is for a noble-one's-disciple who truly sees with right wisdom. | 聖弟子以正智真實地看到,就是這樣。 |
+146.5 – are 6 external sense objects impermanent, suffering, self?
| Taṃ kiṃ maññatha, bhaginiyo, | What do you think, sisters? | 姐妹們,你們認為呢? |
| rūpā niccā vā aniccā vā”ti? | Are sights permanent or impermanent?” | 色是常還是無常?” |
| “Aniccā, bhante”. | “Impermanent, sir.” | “無常,世尊。” |
| “Yaṃ panāniccaṃ dukkhaṃ vā taṃ sukhaṃ vā”ti? | “But if they're impermanent, are they suffering or happiness?” | “但是如果它們是無常的,它們是苦還是樂?” |
| “Dukkhaṃ, bhante”. | “Suffering, sir.” | “苦,世尊。” |
| “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: | “But if they're impermanent, suffering, and perishable, are they fit to be regarded thus: | “但是如果它們是無常的,是苦的,是會壞的,它們適合被認為是: |
| ‘etaṃ mama, esohamasmi, eso me attā’”ti? | ‘This is mine, I am this, this is my self’?” | ‘這是我的,我就是這個,這是我的自我’嗎?” |
| “No hetaṃ, bhante”. | “No, sir.” | “不,世尊。” |
| “Taṃ kiṃ maññatha, bhaginiyo, | “What do you think, sisters? | “姐妹們,你們認為呢? |
| saddā niccā vā aniccā vā”ti? “Aniccā, bhante … pe … |
Are sounds … | 聲…… |
| gandhā niccā vā aniccā vā”ti? “Aniccā, bhante” … |
smells … | 香…… |
| “rasā niccā vā aniccā vā”ti? “Aniccā, bhante” … |
tastes … | 味…… |
| “phoṭṭhabbā niccā vā aniccā vā”ti? “Aniccā, bhante” … |
touches … | 觸…… |
| “dhammā niccā vā aniccā vā”ti? | thoughts permanent or impermanent?” | 法是常還是無常?” |
| “Aniccā, bhante”. | “Impermanent, sir.” | “無常,世尊。” |
| “Yaṃ panāniccaṃ dukkhaṃ vā taṃ sukhaṃ vā”ti? | “But if they're impermanent, are they suffering or happiness?” | “但是如果它們是無常的,它們是苦還是樂?” |
| “Dukkhaṃ, bhante”. | “Suffering, sir.” | “苦,世尊。” |
| “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: | “But if they're impermanent, suffering, and perishable, are they fit to be regarded thus: | “但是如果它們是無常的,是苦的,是會壞的,它們適合被認為是: |
| ‘etaṃ mama, esohamasmi, eso me attā’”ti? | ‘This is mine, I am this, this is my self’?” | ‘這是我的,我就是這個,這是我的自我’嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Pubbeva no etaṃ, bhante, yathābhūtaṃ sammappaññāya sudiṭṭhaṃ: | Because we have already truly seen this with right wisdom: | 因為我們已經以正智真實地看到了這一點: |
| ‘itipime cha bāhirā āyatanā aniccā’”ti. | ‘So these six exterior sense fields are impermanent.’” | ‘這六個外感官都是無常的。’” |
| “Sādhu sādhu, bhaginiyo. | “Good, good, sisters! | “善哉,善哉,姐妹們! |
| Evañhetaṃ, bhaginiyo, hoti ariyasāvakassa yathābhūtaṃ sammappaññāya passato. | That’s how it is for a noble-one's-disciple who truly sees with right wisdom. | 聖弟子以正智真實地看到,就是這樣。 |
❧
+146.6 – are the six kinds of consciousness impermanent, suffering, self?
| Taṃ kiṃ maññatha, bhaginiyo, | What do you think, sisters? | 姐妹們,你們認為呢? |
| cakkhuviññāṇaṃ niccaṃ vā aniccaṃ vā”ti? “Aniccaṃ, bhante”. “Yaṃ panāniccaṃ dukkhaṃ vā taṃ sukhaṃ vā”ti? “Dukkhaṃ, bhante”. “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: ‘etaṃ mama, esohamasmi, eso me attā’”ti? “No hetaṃ, bhante”. |
Is eye consciousness … | 眼識…… |
| “Taṃ kiṃ maññatha, bhaginiyo, sotaviññāṇaṃ niccaṃ vā aniccaṃ vā”ti? “Aniccaṃ, bhante … pe … |
ear consciousness … | 耳識…… |
| ghānaviññāṇaṃ niccaṃ vā aniccaṃ vā”ti? “Aniccaṃ, bhante” … |
nose consciousness … | 鼻識…… |
| “jivhāviññāṇaṃ niccaṃ vā aniccaṃ vā”ti? “Aniccaṃ, bhante” … |
tongue consciousness … | 舌識…… |
| “kāyaviññāṇaṃ niccaṃ vā aniccaṃ vā”ti? “Aniccaṃ, bhante” … |
body consciousness … | 身識…… |
| “manoviññāṇaṃ niccaṃ vā aniccaṃ vā”ti? | mind consciousness permanent or impermanent?” | 意識是常還是無常?” |
| “Aniccaṃ, bhante”. | “Impermanent, sir.” | “無常,世尊。” |
| “Yaṃ panāniccaṃ dukkhaṃ vā taṃ sukhaṃ vāti”? | “But if it’s impermanent, is it suffering or happiness?” | “但是如果它是無常的,它是苦還是樂?” |
| “Dukkhaṃ, bhante”. | “Suffering, sir.” | “苦,世尊。” |
| “Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ: | “But if it’s impermanent, suffering, and perishable, is it fit to be regarded thus: | “但是如果它是無常的,是苦的,是會壞的,它適合被認為是: |
| ‘etaṃ mama, esohamasmi, eso me attā’”ti? | ‘This is mine, I am this, this is my self’?” | ‘這是我的,我就是這個,這是我的自我’嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Pubbeva no etaṃ, bhante, yathābhūtaṃ sammappaññāya sudiṭṭhaṃ: | Because we have already truly seen this with right wisdom: | 因為我們已經以正智真實地看到了這一點: |
| ‘itipime cha viññāṇakāyā aniccā’”ti. | ‘So these six classes of consciousness are impermanent.’” | ‘這六識身都是無常的。’” |
| “Sādhu sādhu, bhaginiyo. | “Good, good, sisters! | “善哉,善哉,姐妹們! |
| Evañhetaṃ, bhaginiyo, hoti ariyasāvakassa yathābhūtaṃ sammappaññāya passato. | That’s how it is for a noble-one's-disciple who truly sees with right wisdom. | 聖弟子以正智真實地看到,就是這樣。 |
❧
+146.7 – simile of oil lamp ↔ wick and flame impermanent, but light eternal?
all
| Seyyathāpi, bhaginiyo, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā, ābhāpi aniccā vipariṇāmadhammā. | Suppose there was an oil lamp burning. The oil, wick, flame, and light were all impermanent and perishable. | 假設有一盞油燈在燃燒。油、燈芯、火焰和光都是無常和會壞的。 |
| Yo nu kho, bhaginiyo, evaṃ vadeyya: | Now, suppose someone was to say: | 現在,假設有人說: |
| ‘amussa telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā; | ‘While this oil lamp is burning, the oil, the wick, and the flame are all impermanent and perishable. | ‘當這盞油燈燃燒時,油、燈芯和火焰都是無常和會壞的。 |
| yā ca khvāssa ābhā sā niccā dhuvā sassatā avipariṇāmadhammā’ti; | But the light is permanent, lasting, eternal, and imperishable.’ | 但光是常住的,持久的,永恆的,不會壞的。’ |
| sammā nu kho so, bhaginiyo, vadamāno vadeyyā”ti? | Would they be speaking rightly?” | 他們說得對嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Amussa hi, bhante, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā; | Because that oil lamp’s oil, wick, and flame are all impermanent and perishable, | 因為那盞油燈的油、燈芯和火焰都是無常和會壞的, |
| pagevassa ābhā aniccā vipariṇāmadhammā”ti. | let alone the light.” | 更何況是光呢。” |
+§7.2 – six internal senses impermanent, but 3 sensations eternal?
| “Evameva kho, bhaginiyo, yo nu kho evaṃ vadeyya: | “In the same way, suppose someone was to say: | “同樣地,假設有人說: |
| ‘cha khome ajjhattikā āyatanā aniccā; | ‘These six interior sense fields are impermanent. | ‘這六個內感官都是無常的。 |
| yañca kho cha ajjhattike āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamman’ti; | But the feeling—whether pleasant, painful, or neutral—that I experience due to these six interior sense fields is permanent, lasting, eternal, and imperishable.’ | 但由於這六個內感官而體驗到的感受——無論是樂、苦或不苦不樂——都是常住的,持久的,永恆的,不會壞的。’ |
| sammā nu kho so, bhaginiyo, vadamāno vadeyyā”ti? | Would they be speaking rightly?” | 他們說得對嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. | Because each kind of feeling arises dependent on the corresponding condition. | 因為每一種感受都依賴於相應的條件而生起。 |
| Tajjassa tajjassa paccayassa nirodhā tajjā tajjā vedanā nirujjhantī”ti. | When the corresponding condition ceases, the appropriate feeling ceases.” | 當相應的條件止息時,相應的感受也止息。” |
| “Sādhu sādhu, bhaginiyo. | “Good, good, sisters! | “善哉,善哉,姐妹們! |
| Evañhetaṃ, bhaginiyo, hoti ariyasāvakassa yathābhūtaṃ sammappaññāya passato. | That’s how it is for a noble-one's-disciple who truly sees with right wisdom. | 聖弟子以正智真實地看到,就是這樣。 |
❧
+146.9 – simile of tree ↔ trunk is impermanent, but shadow eternal?
all
| Seyyathāpi, bhaginiyo, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ, chāyāpi aniccā vipariṇāmadhammā. | Suppose there was a large tree standing with heartwood. The roots, trunk, branches and leaves, and shadow were all impermanent and perishable. | 假設有一棵大樹,有心材。根、樹幹、枝葉和影子都是無常和會壞的。 |
| Yo nu kho, bhaginiyo, evaṃ vadeyya: | Now, suppose someone was to say: | 現在,假設有人說: |
| ‘amussa mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ, yā ca khvāssa chāyā sā niccā dhuvā sassatā avipariṇāmadhammā’ti; | ‘There’s a large tree standing with heartwood. The roots, trunk, and branches and leaves are all impermanent and perishable. But the shadow is permanent, lasting, eternal, and imperishable.’ | ‘有一棵大樹,有心材。根、樹幹、枝葉都是無常和會壞的。但影子是常住的,持久的,永恆的,不會壞的。’ |
| sammā nu kho so, bhaginiyo, vadamāno vadeyyā”ti? | Would they be speaking rightly?” | 他們說得對嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Amussa hi, bhante, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ; | “Because that large tree’s roots, trunk, and branches and leaves are all impermanent and perishable, | 因為那棵大樹的根、樹幹、枝葉都是無常和會壞的, |
| pagevassa chāyā aniccā vipariṇāmadhammā”ti. | let alone the shadow.” | 更何況是影子呢。” |
+§9.2 – six external sense objects impermanent, but 3 sensations eternal?
| “Evameva kho, bhaginiyo, yo nu kho evaṃ vadeyya: | “In the same way, suppose someone was to say: | “同樣地,假設有人說: |
| ‘cha khome bāhirā āyatanā aniccā. | ‘These six exterior sense fields are impermanent. | ‘這六個外感官都是無常的。 |
| Yañca kho cha bāhire āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamman’ti; | But the feeling—whether pleasant, painful, or neutral—that I experience due to these six exterior sense fields is permanent, lasting, eternal, and imperishable.’ | 但由於這六個外感官而體驗到的感受——無論是樂、苦或不苦不樂——都是常住的,持久的,永恆的,不會壞的。’ |
| sammā nu kho so, bhaginiyo, vadamāno vadeyyā”ti? | Would they be speaking rightly?” | 他們說得對嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? | Why is that? | 為什麼呢? |
| “Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. | Because each kind of feeling arises dependent on the corresponding condition. | 因為每一種感受都依賴於相應的條件而生起。 |
| Tajjassa tajjassa paccayassa nirodhā tajjā tajjā vedanā nirujjhantī”ti. | When the corresponding condition ceases, the appropriate feeling ceases.” | 當相應的條件止息時,相應的感受也止息。” |
| “Sādhu sādhu, bhaginiyo. | “Good, good, sisters! | “善哉,善哉,姐妹們! |
| Evañhetaṃ, bhaginiyo, hoti ariyasāvakassa yathābhūtaṃ sammappaññāya passato. | That’s how it is for a noble-one's-disciple who truly sees with right wisdom. | 聖弟子以正智真實地看到,就是這樣。 |
❧
+146.11 – simile of butcher ↔ kill, separate hide, tendons, sinews
all
| Seyyathāpi, bhaginiyo, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. | Suppose an expert butcher or butcher’s apprentice was to kill a cow and carve it with a sharp meat cleaver. Without damaging the flesh inside or the hide outside, | 假設一個熟練的屠夫或屠夫的學徒,殺死一頭牛,用鋒利的切肉刀肢解它。在不損壞內部的肉或外部的皮的情況下, |
| Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. | they’d cut, carve, sever, and slice through the connecting tendons, sinews, and ligaments, | 他們會切開、雕刻、分離、切割連接的肌腱、筋腱和韌帶, |
| Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā evaṃ vadeyya: | and then peel off the outer hide. Then they’d wrap that cow up in that very same hide and say: | 然後剝下外皮。然後他們會用同樣的皮把那頭牛包裹起來,說: |
| ‘tathevāyaṃ gāvī saṃyuttā imināva cammenā’ti; | ‘This cow is joined to its hide just like before.’ | ‘這頭牛和它的皮像以前一樣連接在一起。’ |
| sammā nu kho so, bhaginiyo, vadamāno vadeyyā”ti? | Would they be speaking rightly?” | 他們說得對嗎?” |
| “No hetaṃ, bhante”. | “No, sir. | “不,世尊。 |
| “Taṃ kissa hetu”? “Amu hi, bhante, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. |
Why is that? | 為什麼呢? |
| Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā kiñcāpi so evaṃ vadeyya: | Because even if they wrap that cow up in that very same hide and say: | 因為即使他們用同樣的皮把那頭牛包裹起來,說: |
| ‘tathevāyaṃ gāvī saṃyuttā imināva cammenā’ti; | ‘This cow is joined to its hide just like before,’ | ‘這頭牛和它的皮像以前一樣連接在一起,’ |
| atha kho sā gāvī visaṃyuttā teneva cammenā”ti. | still that cow is not joined to that hide.” | 那頭牛仍然沒有和那張皮連接在一起。” |
+§11.2 – reconnecting cow hide to cow parts doesn’t restore cow ↔ knife is wisdom, inner flesh are 6 senses, hide is 6 outer objects
| “Upamā kho me ayaṃ, bhaginiyo, katā atthassa viññāpanāya. | “I’ve made up this simile to make a point. | “我之所以作這個譬喻,是為了說明一個要點。 |
| Ayamevettha attho; | And this is the point. | 要點就是這個。 |
| ‘antarā maṃsakāyo’ti kho, bhaginiyo, channetaṃ ajjhattikānaṃ āyatanānaṃ adhivacanaṃ; | ‘The inner flesh’ is a term for the six interior sense fields. | ‘內肉’是六個內感官的代稱。 |
| ‘bāhiro cammakāyo’ti kho, bhaginiyo, channetaṃ bāhirānaṃ āyatanānaṃ adhivacanaṃ; | ‘The outer hide’ is a term for the six exterior sense fields. | ‘外皮’是六個外感官的代稱。 |
| ‘antarā vilimaṃsaṃ, antarā nhāru, antarā bandhanan’ti kho, bhaginiyo, nandīrāgassetaṃ adhivacanaṃ; | ‘The connecting tendons, sinews, and ligaments’ is a term for desire with relishing. | ‘連接的肌腱、筋腱和韌帶’是貪愛與喜樂的代稱。 |
| ‘tiṇhaṃ govikantanan’ti kho, bhaginiyo, ariyāyetaṃ paññāya adhivacanaṃ; | ‘A sharp meat cleaver’ is a term for noble wisdom. | ‘鋒利的切肉刀’是聖智慧的代稱。 |
| yāyaṃ ariyā paññā antarā kilesaṃ antarā saṃyojanaṃ antarā bandhanaṃ sañchindati saṅkantati sampakantati samparikantati. | And it is that noble wisdom which cuts, carves, severs, and slices the connecting corruption, fetter, and bond. | 而正是那聖智慧斬斷、雕刻、分離、切割連接的腐敗、束縛和繫縛。 |
❧
+146.12 – develop 7sb☀️ awakening factors
| Satta kho panime, bhaginiyo, bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. | Sisters, by developing and cultivating these seven awakening factors, a monk realizes the undefiled freedom of heart and freedom by wisdom in this very life. And they live having realized it with their own insight due to the ending of defilements. | 姐妹們,通過修習和培育這七種覺支,比丘在此生中證得無垢解脫心和智慧解脫。並且由於煩惱的滅盡,他們以自己的洞察力證得並安住於此。 |
| Katame satta? | What seven? | 哪七種呢? |
| Idha, bhaginiyo, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, dhammavicayasambojjhaṅgaṃ bhāveti … pe … vīriyasambojjhaṅgaṃ bhāveti … pītisambojjhaṅgaṃ bhāveti … passaddhisambojjhaṅgaṃ bhāveti … samādhisambojjhaṅgaṃ bhāveti … upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. | It’s when a monk develops the awakening factors of remembering, investigation of dharmas, vigor, mental-joy, pacification, undistractible-lucidity, and equanimous-observation, which rely on seclusion, fading away, and cessation, and ripen as letting go. | 當比丘修習憶念、擇法、精進、喜、輕安、定、舍七覺支,這些覺支依止於離欲、滅盡、舍離,並以放下為究竟。 |
| Ime kho, bhaginiyo, satta bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī”ti. | It is by developing and cultivating these seven awakening factors that a monk realizes the undefiled freedom of heart and freedom by wisdom in this very life. And they live having realized it with their own insight due to the ending of defilements.” | 通過修習和培育這七種覺支,比丘在此生中證得無垢解脫心和智慧解脫。並且由於煩惱的滅盡,他們以自己的洞察力證得並安住於此。” |
+146.13 – nuns are happy with Dhamma talk, report to Buddha
| Atha kho āyasmā nandako tā bhikkhuniyo iminā ovādena ovaditvā uyyojesi: | Then after giving this advice to the nuns, Nandaka dismissed them, saying: | 然後,難陀對這些比丘尼們作了這樣的忠告後,便遣散她們,說道: |
| “gacchatha, bhaginiyo; kālo”ti. | “Go, sisters, it is time.” | “去吧,姐妹們,時候到了。” |
| Atha kho tā bhikkhuniyo āyasmato nandakassa bhāsitaṃ abhinanditvā anumoditvā uṭṭhāyāsanā āyasmantaṃ nandakaṃ abhivādetvā padakkhiṇaṃ katvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca: | And then those nuns approved and agreed with what Nandaka had said. They got up from their seat, bowed, and respectfully circled him, keeping him on their right. Then they went up to the Buddha, bowed, and stood to one side. The Buddha said to them: | 然後那些比丘尼認同並同意了難陀所說的話。她們從座位上起身,頂禮,恭敬地右繞他。然後她們走到佛陀面前,頂禮,站立在一旁。佛陀對她們說: |
| “gacchatha, bhikkhuniyo; kālo”ti. | “Go, nuns, it is time.” | “去吧,比丘尼們,時候到了。” |
| Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu. | Then those nuns bowed to the Buddha respectfully circled him, keeping him on their right, before departing. | 然後那些比丘尼頂禮佛陀,恭敬地右繞他,然後離開了。 |
| Atha kho bhagavā acirapakkantīsu tāsu bhikkhunīsu bhikkhū āmantesi: | Soon after those nuns had left, the Buddha addressed the monks: | 那些比丘尼離開後不久,佛陀對比丘們說: |
| “seyyathāpi, bhikkhave, tadahuposathe cātuddase na hoti bahuno janassa kaṅkhā vā vimati vā: | “Suppose, monks, it was the sabbath of the fourteenth day. You wouldn’t get lots of people | “比丘們,假設今天是十四日布薩日。你們不會有很多人 |
| ‘ūno nu kho cando, puṇṇo nu kho cando’ti, atha kho ūno cando tveva hoti. | wondering whether the moon is full or not, since it is obviously not full. | 疑惑月亮是否圓滿,因為它明顯不圓滿。 |
| Evameva kho, bhikkhave, tā bhikkhuniyo nandakassa dhammadesanāya attamanā honti no ca kho paripuṇṇasaṅkappā”ti. | In the same way, those nuns were uplifted by Nandaka’s Dhamma teaching, but they still haven’t found what they’re looking for.” | 同樣地,那些比丘尼們被難陀的佛法教導所振奮,但她們還沒有找到她們正在尋找的東西。” |
+146.14 – Buddha asks Nandaka to give same talk to same nuns again next day
| Atha kho bhagavā āyasmantaṃ nandakaṃ āmantesi: | Then the Buddha said to Nandaka: | 然後佛陀對難陀說: |
| “tena hi tvaṃ, nandaka, svepi tā bhikkhuniyo tenevovādena ovadeyyāsī”ti. | “Well, then, Nandaka, tomorrow you should give those nuns the same advice again.” | “那麼,難陀,明天你再給那些比丘尼們同樣的忠告吧。” |
| “Evaṃ, bhante”ti kho āyasmā nandako bhagavato paccassosi. | “Yes, sir,” Nandaka replied. | “是的,世尊,”難陀回答。 |
| Atha kho āyasmā nandako tassā rattiyā accayena pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami. Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ. Disvāna āsanaṃ paññāpesuṃ, udakañca pādānaṃ upaṭṭhapesuṃ. Nisīdi kho āyasmā nandako paññatte āsane. Nisajja pāde pakkhālesi. Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu. Ekamantaṃ nisinnā kho tā bhikkhuniyo āyasmā nandako etadavoca: “paṭipucchakathā kho, bhaginiyo, bhavissati. Tattha ājānantīhi ‘ājānāmā’ tissa vacanīyaṃ, na ājānantīhi ‘na ājānāmā’ tissa vacanīyaṃ. Yassā vā panassa kaṅkhā vā vimati vā, ahameva tattha paṭipucchitabbo: ‘idaṃ, bhante, kathaṃ; imassa kvattho’”ti. “Ettakenapi mayaṃ, bhante, ayyassa nandakassa attamanā abhiraddhā yaṃ no ayyo nandako pavāretī”ti. |
And the next day he went to those nuns, and all unfolded just like the previous day. | 第二天他去見那些比丘尼們,一切都像前一天一樣展開。 |
+146.15 – this time after talk 500 nuns are all at the minimum stream enterers
| Atha kho āyasmā nandako tā bhikkhuniyo iminā ovādena ovaditvā uyyojesi: “gacchatha, bhaginiyo; kālo”ti. Atha kho tā bhikkhuniyo āyasmato nandakassa bhāsitaṃ abhinanditvā anumoditvā uṭṭhāyāsanā āyasmantaṃ nandakaṃ abhivādetvā padakkhiṇaṃ katvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca: “gacchatha, bhikkhuniyo; kālo”ti. Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu. |
||
| Atha kho bhagavā acirapakkantīsu tāsu bhikkhunīsu bhikkhū āmantesi: | Soon after those nuns had left, the Buddha addressed the monks: | 那些比丘尼離開後不久,佛陀對比丘們說: |
| “seyyathāpi, bhikkhave, tadahuposathe pannarase na hoti bahuno janassa kaṅkhā vā vimati vā: | “Suppose, monks, it was the sabbath of the fifteenth day. You wouldn’t get lots of people | “比丘們,假設今天是十五日布薩日。你們不會有很多人 |
| ‘ūno nu kho cando, puṇṇo nu kho cando’ti, atha kho puṇṇo cando tveva hoti; | wondering whether the moon is full or not, since it is obviously full. | 疑惑月亮是否圓滿,因為它明顯是圓滿的。 |
| evameva kho, bhikkhave, tā bhikkhuniyo nandakassa dhammadesanāya attamanā ceva paripuṇṇasaṅkappā ca. | In the same way, those nuns were uplifted by Nandaka’s Dhamma teaching, and they found what they’re looking for. | 同樣地,那些比丘尼們被難陀的佛法教導所振奮,她們找到了她們正在尋找的東西。 |
| Tāsaṃ, bhikkhave, pañcannaṃ bhikkhunisatānaṃ yā pacchimikā bhikkhunī sā sotāpannā avinipātadhammā niyatā sambodhiparāyanā”ti. | Even the last of these five hundred nuns is a stream-enterer, not liable to be reborn in the underworld, bound for awakening.” | 這五百比丘尼中,即使是最後一位,也是入流者,不再墮入惡道,註定將證得覺悟。” |
| Idamavoca bhagavā. | That is what the Buddha said. | 佛陀如是說。 |
| Attamanā te bhikkhū bhagavato bhāsitaṃ abhinandunti. | Satisfied, the monks were happy with what the Buddha said. | 比丘們心滿意足,對佛陀所說感到高興。 |
❧