lucid24.org home 🏛️ MN 149 all   
+

MN 149 Mahā-saḷāyatanika:
The Great Discourse on the Six Sense Fields

all
mn149.jpg


+

Opening

(derived from B. Sujato 2018/12) (摘自 B. Sujato 2018/12)
Majjhima Nikāya 149 Middle Discourses 149 中部 149
Mahāsaḷāyatanikasutta The Great Discourse on the Six Sense Fields 六處大經
Evaṃ me sutaṃ—​ So I have heard. 我曾聽到過。
ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. At one time the Buddha was staying near Sāvatthī in Jeta’s Grove, Anāthapiṇḍika’s monastery. 一時,佛陀住在舍衛城祇樹給孤獨園。
Tatra kho bhagavā bhikkhū āmantesi: There the Buddha addressed the monks: 在那裡,佛陀對比丘們說:
“bhikkhavo”ti. “monks!” “比丘們!”
“Bhadante”ti te bhikkhū bhagavato paccassosuṃ. “Venerable sir,” they replied. “世尊,”他們回答。
Bhagavā etadavoca: The Buddha said this: 佛陀如此說:
“mahāsaḷāyatanikaṃ vo, bhikkhave, desessāmi. “monks, I shall teach you the great discourse on the six sense fields. “比丘們,我將教導你們六處大經。
Taṃ suṇātha, sādhukaṃ manasi karotha, bhāsissāmī”ti. Listen and pay close attention, I will speak.” 仔細聽,用心注意,我將說。”
“Evaṃ, bhante”ti kho te bhikkhū bhagavato paccassosuṃ. “Yes, sir,” they replied. “是的,世尊,”他們回答。
Bhagavā etadavoca: The Buddha said this: 佛陀如此說:
+

149.1 – (when you don’t truly know and see the six sense doors)

“Cakkhuṃ, bhikkhave, ajānaṃ apassaṃ yathābhūtaṃ, rūpe ajānaṃ apassaṃ yathābhūtaṃ, cakkhuviññāṇaṃ ajānaṃ apassaṃ yathābhūtaṃ, cakkhusamphassaṃ ajānaṃ apassaṃ yathābhūtaṃ, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ajānaṃ apassaṃ yathābhūtaṃ, cakkhusmiṃ sārajjati, rūpesu sārajjati, cakkhuviññāṇe sārajjati, cakkhusamphasse sārajjati, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi sārajjati. “monks, when you don’t truly know and see the eye, sights, eye consciousness, eye contact, and what is felt as pleasant, painful, or neutral that arises conditioned by eye contact, you’re aroused by desire for these things. “比丘們,當你們不真正知見眼、色、眼識、眼觸,以及由眼觸所生的愉快、痛苦或中性之受時,你們就會被對這些事物的欲望所激起。
Tassa sārattassa saṃyuttassa sammūḷhassa assādānupassino viharato āyatiṃ pañcupādānakkhandhā upacayaṃ gacchanti. Someone who lives aroused like this—fettered, confused, concentrating on gratification—accumulates the five grasping aggregates for themselves in the future. 一個人如此被激起而生活——被束縛、困惑、專注於滿足——他們會為自己未來積累五取蘊。
Taṇhā cassa ponobbhavikā nandīrāgasahagatā tatratatrābhinandinī, sā cassa pavaḍḍhati. And their craving—which leads to future rebirth, mixed up with relishing and greed, looking for enjoyment in various different realms—grows. 而他們的渴愛——導致未來再生,與貪愛和欲樂混雜,在各種不同境界中尋找享樂——會增長。
Tassa kāyikāpi darathā pavaḍḍhanti, cetasikāpi darathā pavaḍḍhanti; Their physical and mental stress, 他們的身心壓力、
kāyikāpi santāpā pavaḍḍhanti, cetasikāpi santāpā pavaḍḍhanti; torment, 折磨、
kāyikāpi pariḷāhā pavaḍḍhanti, cetasikāpi pariḷāhā pavaḍḍhanti. and fever grow. 和熱惱會增長。
So kāyadukkhampi cetodukkhampi paṭisaṃvedeti. And they experience physical and mental suffering. 他們會體驗到身心痛苦。
Sotaṃ, bhikkhave, ajānaṃ apassaṃ yathābhūtaṃ … pe … When you don’t truly know and see the ear … 當你們不真正知見耳……
ghānaṃ, bhikkhave, ajānaṃ apassaṃ yathābhūtaṃ … pe … nose … 鼻……
jivhaṃ, bhikkhave, ajānaṃ apassaṃ yathābhūtaṃ … pe … tongue … 舌……
kāyaṃ, bhikkhave, ajānaṃ apassaṃ yathābhūtaṃ … pe … body … 身……
manaṃ, bhikkhave, ajānaṃ apassaṃ yathābhūtaṃ, dhamme, bhikkhave, ajānaṃ apassaṃ yathābhūtaṃ, manoviññāṇaṃ, bhikkhave, ajānaṃ apassaṃ yathābhūtaṃ, manosamphassaṃ, bhikkhave, ajānaṃ apassaṃ yathābhūtaṃ, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ajānaṃ apassaṃ yathābhūtaṃ, manasmiṃ sārajjati, dhammesu sārajjati, manoviññāṇe sārajjati, manosamphasse sārajjati, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi sārajjati. mind, thoughts, mind consciousness, mind contact, and what is felt as pleasant, painful, or neutral that arises conditioned by mind contact, you’re aroused by desire for these things. 意、法、意識、意觸,以及由意觸所生的愉快、痛苦或中性之受時,你們就會被對這些事物的欲望所激起。
Tassa sārattassa saṃyuttassa sammūḷhassa assādānupassino viharato āyatiṃ pañcupādānakkhandhā upacayaṃ gacchanti. Someone who lives aroused like this—fettered, confused, concentrating on gratification—accumulates the five grasping aggregates for themselves in the future. 一個人如此被激起而生活——被束縛、困惑、專注於滿足——他們會為自己未來積累五取蘊。
Taṇhā cassa ponobbhavikā nandīrāgasahagatā tatratatrābhinandinī, sā cassa pavaḍḍhati. And their craving—which leads to future rebirth, mixed up with relishing and greed, looking for enjoyment in various different realms—grows. 而他們的渴愛——導致未來再生,與貪愛和欲樂混雜,在各種不同境界中尋找享樂——會增長。
Tassa kāyikāpi darathā pavaḍḍhanti, cetasikāpi darathā pavaḍḍhanti; Their physical and mental stress, 他們的身心壓力、
kāyikāpi santāpā pavaḍḍhanti, cetasikāpi santāpā pavaḍḍhanti; torment, 折磨、
kāyikāpi pariḷāhā pavaḍḍhanti, cetasikāpi pariḷāhā pavaḍḍhanti. and fever grow. 和熱惱會增長。
So kāyadukkhampi cetodukkhampi paṭisaṃvedeti. And they experience physical and mental suffering. 他們會體驗到身心痛苦。
❧
+

149.2 – (when you truly know and see the six sense doors)

Cakkhuñca kho, bhikkhave, jānaṃ passaṃ yathābhūtaṃ, rūpe jānaṃ passaṃ yathābhūtaṃ, cakkhuviññāṇaṃ jānaṃ passaṃ yathābhūtaṃ, cakkhusamphassaṃ jānaṃ passaṃ yathābhūtaṃ, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jānaṃ passaṃ yathābhūtaṃ, cakkhusmiṃ na sārajjati, rūpesu na sārajjati, cakkhuviññāṇe na sārajjati, cakkhusamphasse na sārajjati, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi na sārajjati. When you do truly know and see the eye, sights, eye consciousness, eye contact, and what is felt as pleasant, painful, or neutral that arises conditioned by eye contact, you’re not aroused by desire for these things. 當你們真正知見眼、色、眼識、眼觸,以及由眼觸所生的愉快、痛苦或中性之受時,你們就不會被對這些事物的欲望所激起。
Tassa asārattassa asaṃyuttassa asammūḷhassa ādīnavānupassino viharato āyatiṃ pañcupādānakkhandhā apacayaṃ gacchanti. Someone who lives unaroused like this—unfettered, unconfused, concentrating on drawbacks—disperses the the five grasping aggregates for themselves in the future . 一個人如此不被激起而生活——不被束縛、不困惑、專注於過患——他們會為自己未來分散五取蘊。
Taṇhā cassa ponobbhavikā nandīrāgasahagatā tatratatrābhinandinī, sā cassa pahīyati. And their craving—which leads to future rebirth, mixed up with relishing and greed, looking for enjoyment in various different realms—is given up. 而他們的渴愛——導致未來再生,與貪愛和欲樂混雜,在各種不同境界中尋找享樂——會被捨棄。
Tassa kāyikāpi darathā pahīyanti, cetasikāpi darathā pahīyanti; Their physical and mental stress, 他們的身心壓力、
kāyikāpi santāpā pahīyanti, cetasikāpi santāpā pahīyanti; torment, 折磨、
kāyikāpi pariḷāhā pahīyanti, cetasikāpi pariḷāhā pahīyanti. and fever are given up. 和熱惱會被捨棄。
So kāyasukhampi cetosukhampi paṭisaṃvedeti. And they experience physical and mental pleasure. 他們會體驗到身心愉悅。
Yā tathābhūtassa diṭṭhi sāssa hoti sammādiṭṭhi; The view of such a person is right view. 這樣的人的正見是正見。
yo tathābhūtassa saṅkappo svāssa hoti sammāsaṅkappo; Their intention is right intention, 他們的意圖是正意圖,
yo tathābhūtassa vāyāmo svāssa hoti sammāvāyāmo; their effort is right effort, 他們的精進是正精進,
yā tathābhūtassa sati sāssa hoti sammāsati; their remembering is right remembering, 他們的憶念是正憶念,
yo tathābhūtassa samādhi svāssa hoti sammāsamādhi. and their undistractible-lucidity is right undistractible-lucidity. 他們的無散亂明智是正無散亂明智。
Pubbeva kho panassa kāyakammaṃ vacīkammaṃ ājīvo suparisuddho hoti. But their actions of body and speech have already been fully purified before. 但他們的身語行為在此之前已完全清淨。
Evamassāyaṃ ariyo aṭṭhaṅgiko maggo bhāvanāpāripūriṃ gacchati. So this noble eightfold path is developed to perfection. 因此,這八聖道被髮展至圓滿。
+

149.3 – (when eightfold path perfected, 37bp🕊️‍ also)

Tassa evaṃ imaṃ ariyaṃ aṭṭhaṅgikaṃ maggaṃ bhāvayato cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchanti. When the noble eightfold path is developed, the following are developed to perfection: the four kinds of remembering meditation, the four right efforts, the four bases of psychic power, the five faculties, the five powers, and the seven awakening factors. 當八聖道被髮展時,以下這些也發展至圓滿:四念住、四正勤、四神足、五根、五力、七覺支。
Tassime dve dhammā yuganandhā vattanti— And these two qualities proceed in conjunction: 這兩種特質同時進行:
samatho ca vipassanā ca. serenity and discernment. 止和觀。
So ye dhammā abhiññā pariññeyyā te dhamme abhiññā parijānāti. They completely understand by direct knowledge those things that should be completely understood by direct knowledge. 他們通過直接知曉完全理解那些應該通過直接知曉而完全理解的事物。
Ye dhammā abhiññā pahātabbā te dhamme abhiññā pajahati. They give up by direct knowledge those things that should be given up by direct knowledge. 他們通過直接知曉放棄那些應該通過直接知曉而放棄的事物。
Ye dhammā abhiññā bhāvetabbā te dhamme abhiññā bhāveti. They develop by direct knowledge those things that should be developed by direct knowledge. 他們通過直接知曉發展那些應該通過直接知曉而發展的事物。
Ye dhammā abhiññā sacchikātabbā te dhamme abhiññā sacchikaroti. They realize by direct knowledge those things that should be realized by direct knowledge. 他們通過直接知曉實現那些應該通過直接知曉而實現的事物。
+

149.4 – (what should be completely understood by direct knowledge?)

Katame ca, bhikkhave, dhammā abhiññā pariññeyyā? And what are the things that should be completely understood by direct knowledge? 那麼,哪些是應該通過直接知曉而完全理解的事物呢?
‘Pañcupādānakkhandhā’ tissa vacanīyaṃ, You should say: ‘The five grasping aggregates.’ 你們應該說:“五取蘊。”
seyyathidaṃ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. That is: form, feeling, perception, co-activities, and consciousness. 也就是:色、受、想、行、識。
Ime dhammā abhiññā pariññeyyā. These are the things that should be completely understood by direct knowledge. 這些是應該通過直接知曉而完全理解的事物。
+

149.5 – (what are the things that should be given up by direct knowledge?)

Katame ca, bhikkhave, dhammā abhiññā pahātabbā? And what are the things that should be given up by direct knowledge? 那麼,哪些是應該通過直接知曉而放棄的事物呢?
Avijjā ca bhavataṇhā ca— Ignorance and craving for continued existence. 無明和對存在的渴愛。
ime dhammā abhiññā pahātabbā. These are the things that should be given up by direct knowledge. 這些是應該通過直接知曉而放棄的事物。
+

149.6 – (what are the things that should be developed by direct knowledge?)

Katame ca, bhikkhave, dhammā abhiññā bhāvetabbā? And what are the things that should be developed by direct knowledge? 那麼,哪些是應該通過直接知曉而發展的事物呢?
Samatho ca vipassanā ca— Serenity and discernment. 止和觀。
ime dhammā abhiññā bhāvetabbā. These are the things that should be developed by direct knowledge. 這些是應該通過直接知曉而發展的事物。
+

149.7 – (what are the things that should be realized by direct knowledge?)

Katame ca, bhikkhave, dhammā abhiññā sacchikātabbā? And what are the things that should be realized by direct knowledge? 那麼,哪些是應該通過直接知曉而實現的事物呢?
Vijjā ca vimutti ca— Knowledge and freedom. 智慧和解脫。
ime dhammā abhiññā sacchikātabbā. These are the things that should be realized by direct knowledge. 這些是應該通過直接知曉而實現的事物。
+

149.8 – (repeat all of above for all 6 sense doors)

Sotaṃ, bhikkhave, jānaṃ passaṃ yathābhūtaṃ … pe … When you truly know and see the ear … 當你們真正知見耳……
ghānaṃ bhikkhave, jānaṃ passaṃ yathābhūtaṃ … pe … nose … 鼻……
jivhaṃ, bhikkhave, jānaṃ passaṃ yathābhūtaṃ … pe … tongue … 舌……
kāyaṃ, bhikkhave, jānaṃ passaṃ yathābhūtaṃ … pe … body … 身……
manaṃ, bhikkhave, jānaṃ passaṃ yathābhūtaṃ, dhamme jānaṃ passaṃ yathābhūtaṃ, manoviññāṇaṃ jānaṃ passaṃ yathābhūtaṃ, manosamphassaṃ jānaṃ passaṃ yathābhūtaṃ, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jānaṃ passaṃ yathābhūtaṃ, manasmiṃ na sārajjati, dhammesu na sārajjati, manoviññāṇe na sārajjati, manosamphasse na sārajjati, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi na sārajjati. mind, thoughts, mind consciousness, mind contact, and what is felt as pleasant, painful, or neutral that arises conditioned by mind contact, you are not aroused by desire for these things. … 意、法、意識、意觸,以及由意觸所生的愉快、痛苦或中性之受時,你們就不會被對這些事物的欲望所激起。……
Katame ca, bhikkhave, dhammā abhiññā sacchikātabbā?
Vijjā ca vimutti ca—
ime dhammā abhiññā sacchikātabbā”ti. These are the things that should be realized by direct knowledge.” 這些是應該通過直接知曉而實現的事物。”
+

149.9 – (conclusion: monks satisfied with Buddha’s talk)

Idamavoca bhagavā. That is what the Buddha said. 佛陀如是說。
Attamanā te bhikkhū bhagavato bhāsitaṃ abhinandunti. Satisfied, the monks were happy with what the Buddha said. 比丘們歡喜,滿意佛陀所說。
❧