1.1 dukkhe ñāṇaṃ
DN
DN 16
DN 2, 3. mahāparinibbānasuttaṃ, catusaṃvejanīyaṭṭhānāni DN 16.29, para. 2 ⇒
“cattārimāni, ānanda, saddhassa kulaputtassa dassanīyāni saṃvejanīyāni ṭhānāni. katamāni cattāri? ‘idha tathāgato jāto’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgato anuttaraṃ sammāsambodhiṃ abhisambuddho’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgatena anuttaraṃ dhammacakkaṃ pavattitan’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgato anupādisesāya nibbānadhātuyā parinibbuto’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. imāni kho, ānanda, cattāri saddhassa kulaputtassa dassanīyāni saṃvejanīyāni ṭhānāni.
DN 33
DN 3, 10. saṅgītisuttaṃ, dukaṃ DN 33.5, para. 31 ⇒
“saṃvego ca saṃvejanīyesu ṭhānesu saṃviggassa ca yoniso padhānaṃ.
MN
MN 37
MN 1, 4. mahāyamakavaggo, 7. cūḷataṇhāsaṅkhayasuttaṃ MN 37.1, para. 6 ⇒
393. atha kho sakko ca devānamindo vessavaṇo ca mahārājā āyasmantaṃ mahāmoggallānaṃ purakkhatvā yena vejayanto pāsādo tenupasaṅkamiṃsu. addasaṃsu kho sakkassa devānamindassa paricārikāyo āyasmantaṃ mahāmoggallānaṃ dūratova āgacchantaṃ; disvā ottappamānā hirīyamānā sakaṃ sakaṃ ovarakaṃ pavisiṃsu. seyyathāpi nāma suṇisā sasuraṃ disvā ottappati hirīyati, evameva sakkassa devānamindassa paricārikāyo āyasmantaṃ mahāmoggallānaṃ disvā ottappamānā hirīyamānā sakaṃ sakaṃ ovarakaṃ pavisiṃsu. atha kho sakko ca devānamindo vessavaṇo ca mahārājā āyasmantaṃ mahāmoggallānaṃ vejayante pāsāde anucaṅkamāpenti anuvicarāpenti — “idampi, mārisa moggallāna, passa vejayantassa pāsādassa rāmaṇeyyakaṃ; idampi, mārisa moggallāna, passa vejayantassa pāsādassa rāmaṇeyyakan”ti. “sobhati idaṃ āyasmato kosiyassa, yathā taṃ pubbe katapuññassa. manussāpi kiñcideva rāmaṇeyyakaṃ disvā {diṭṭhā (sī. pī. ka.)} evamāhaṃsu — ‘sobhati vata bho yathā devānaṃ tāvatiṃsānan’ti. tayidaṃ āyasmato kosiyassa sobhati, yathā taṃ pubbe katapuññassā”ti. atha kho āyasmato mahāmoggallānassa etadahosi — “atibāḷhaṃ kho ayaṃ yakkho pamatto viharati. yaṃnūnāhaṃ imaṃ yakkhaṃ saṃvejeyyan””ti. atha kho āyasmā mahāmoggallāno tathārūpaṃ iddhābhisaṅkhāraṃ abhisaṅkhāsi {abhisaṅkhāresi (ka.), abhisaṅkhāreti (syā. kaṃ.)} yathā vejayantaṃ pāsādaṃ pādaṅguṭṭhakena saṅkampesi sampakampesi sampavedhesi. atha kho sakko ca devānamindo, vessavaṇo ca mahārājā, devā ca tāvatiṃsā acchariyabbhutacittajātā ahesuṃ — “acchariyaṃ vata, bho, abbhutaṃ vata, bho, samaṇassa mahiddhikatā mahānubhāvatā, yatra hi nāma dibbabhavanaṃ pādaṅguṭṭhakena saṅkampessati sampakampessati sampavedhessatī”ti! atha kho āyasmā mahāmoggallāno sakkaṃ devānamindaṃ saṃviggaṃ lomahaṭṭhajātaṃ viditvā sakkaṃ devānamindaṃ etadavoca — “yathā kathaṃ pana kho, kosiya, bhagavā saṃkhittena taṇhāsaṅkhayavimuttiṃ abhāsi? sādhu mayampi etissā kathāya bhāgino assāma savanāyā”ti.
MN 50
MN 1, 5. cūḷayamakavaggo, 10. māratajjanīyasuttaṃ MN 50.1, para. 34 ⇒
iddhibalenupatthaddho, saṃvejesi ca devatā.
SN
SN 6.3
SN 1, 6. brahmasaṃyuttaṃ, 1. paṭhamavaggo, 3. brahmadevasuttaṃ SN 6.3, para. 3 ⇒
atha kho āyasmā brahmadevo pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. sāvatthiyaṃ sapadānaṃ piṇḍāya caramāno yena sakamātu nivesanaṃ tenupasaṅkami. tena kho pana samayena āyasmato brahmadevassa mātā brāhmaṇī brahmuno āhutiṃ niccaṃ paggaṇhāti. atha kho brahmuno sahampatissa etadahosi — “ayaṃ kho āyasmato brahmadevassa mātā brāhmaṇī brahmuno āhutiṃ niccaṃ paggaṇhāti. yaṃnūnāhaṃ taṃ upasaṅkamitvā saṃvejeyyan””ti. atha kho brahmā sahampati — seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva — brahmaloke antarahito āyasmato brahmadevassa mātu nivesane pāturahosi. atha kho brahmā sahampati vehāsaṃ ṭhito āyasmato brahmadevassa mātaraṃ brāhmaṇiṃ gāthāya ajjhabhāsi —
SN 6.5
SN 1, 6. brahmasaṃyuttaṃ, 1. paṭhamavaggo, 5. aññatarabrahmasuttaṃ SN 6.5, para. 12 ⇒
atha kho bhagavā taṃ brahmānaṃ saṃvejetvā — seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva — tasmiṃ brahmaloke antarahito jetavane pāturahosi. atha kho so brahmā aññataraṃ brahmapārisajjaṃ āmantesi — “ehi tvaṃ, mārisa, yenāyasmā mahāmoggallāno tenupasaṅkama; upasaṅkamitvā āyasmantaṃ mahāmoggallānaṃ evaṃ vadehi — ‘atthi nu kho, mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā; seyyathāpi bhavaṃ moggallāno kassapo kappino anuruddho’”ti? “evaṃ, mārisā”ti kho so brahmapārisajjo tassa brahmuno paṭissutvā yenāyasmā mahāmoggallāno tenupasaṅkami; upasaṅkamitvā āyasmantaṃ mahāmoggallānaṃ etadavoca — “atthi nu kho, mārisa moggallāna, aññepi tassa bhagavato sāvakā evaṃmahiddhikā evaṃmahānubhāvā; seyyathāpi bhavaṃ moggallāno kassapo kappino anuruddho”ti? atha kho āyasmā mahāmoggallāno taṃ brahmapārisajjaṃ gāthāya ajjhabhāsi —
SN 6.6
SN 1, 6. brahmasaṃyuttaṃ, 1. paṭhamavaggo, 6. brahmalokasuttaṃ SN 6.6, para. 1 ⇒
177. sāvatthinidānaṃ. tena kho pana samayena bhagavā divāvihāragato hoti paṭisallīno. atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ {paccekadvārabāhaṃ (pī. ka.)} upanissāya aṭṭhaṃsu. atha kho subrahmā paccekabrahmā suddhāvāsaṃ paccekabrahmānaṃ etadavoca — “akālo kho tāva, mārisa, bhagavantaṃ payirupāsituṃ; divāvihāragato bhagavā paṭisallīno ca. asuko ca brahmaloko iddho ceva phīto ca, brahmā ca tatra pamādavihāraṃ viharati. āyāma, mārisa, yena so brahmaloko tenupasaṅkamissāma; upasaṅkamitvā taṃ brahmānaṃ saṃvejeyyāmā””ti. “evaṃ, mārisā”ti kho suddhāvāso paccekabrahmā subrahmuno paccekabrahmuno paccassosi.
SN 6.6
SN 1, 6. brahmasaṃyuttaṃ, 1. paṭhamavaggo, 6. brahmalokasuttaṃ SN 6.6, para. 13 ⇒
atha kho subrahmā ca paccekabrahmā suddhāvāso ca paccekabrahmā taṃ brahmānaṃ saṃvejetvā tatthevantaradhāyiṃsu. agamāsi ca kho so brahmā aparena samayena bhagavato upaṭṭhānaṃ arahato sammāsambuddhassāti.
SN 6.14
SN 1, 6. brahmasaṃyuttaṃ, 2. dutiyavaggo, 4. aruṇavatīsuttaṃ SN 6.14, para. 4 ⇒
“atha kho, bhikkhave, sikhī bhagavā arahaṃ sammāsambuddho abhibhuṃ bhikkhuṃ āmantesi — ‘ujjhāyanti kho te, brāhmaṇa, brahmā ca brahmaparisā ca brahmapārisajjā ca — acchariyaṃ vata, bho, abbhutaṃ vata, bho, kathañhi nāma satthari sammukhībhūte sāvako dhammaṃ desessatīti! tena hi tvaṃ brāhmaṇa, bhiyyosomattāya brahmānañca brahmaparisañca brahmapārisajje ca saṃvejehī’’ti. ‘evaṃ, bhante’ti kho, bhikkhave, abhibhū bhikkhu sikhissa bhagavato arahato sammāsambuddhassa paṭissutvā dissamānenapi kāyena dhammaṃ desesi, adissamānenapi kāyena dhammaṃ desesi, dissamānenapi heṭṭhimena upaḍḍhakāyena adissamānena uparimena upaḍḍhakāyena dhammaṃ desesi, dissamānenapi uparimena upaḍḍhakāyena adissamānena heṭṭhimena upaḍḍhakāyena dhammaṃ desesi. tatra sudaṃ, bhikkhave, brahmā ca brahmaparisā ca brahmapārisajjā ca acchariyabbhutacittajātā ahesuṃ — ‘acchariyaṃ vata, bho, abbhutaṃ vata, bho, samaṇassa mahiddhikatā mahānubhāvatā’”ti!
SN 6.14
SN 1, 6. brahmasaṃyuttaṃ, 2. dutiyavaggo, 4. aruṇavatīsuttaṃ SN 6.14, para. 10 ⇒
“atha kho, bhikkhave, sikhī ca bhagavā arahaṃ sammāsambuddho abhibhū ca bhikkhu brahmānañca brahmaparisañca brahmapārisajje ca saṃvejetvā — seyyathāpi nāma. pe. tasmiṃ brahmaloke antarahitā aruṇavatiyā rājadhāniyā pāturahesuṃ. atha kho, bhikkhave, sikhī bhagavā arahaṃ sammāsambuddho bhikkhū āmantesi — ‘assuttha no, tumhe, bhikkhave, abhibhussa bhikkhuno brahmaloke ṭhitassa gāthāyo bhāsamānassā’ti? ‘assumha kho mayaṃ, bhante, abhibhussa bhikkhuno brahmaloke ṭhitassa gāthāyo bhāsamānassā’ti. ‘yathā kathaṃ pana tumhe, bhikkhave, assuttha abhibhussa bhikkhuno brahmaloke ṭhitassa gāthāyo bhāsamānassā’”ti? evaṃ kho mayaṃ, bhante, assumha abhibhussa bhikkhuno brahmaloke ṭhitassa gāthāyo bhāsamānassa —
SN 9.1
SN 1, 9. vanasaṃyuttaṃ, 1. vivekasuttaṃ SN 9.1, para. 1 ⇒
221. evaṃ me sutaṃ — ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. tena kho pana samayena so bhikkhu divāvihāragato pāpake akusale vitakke vitakketi gehanissite. atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi —
SN 9.1
SN 1, 9. vanasaṃyuttaṃ, 1. vivekasuttaṃ SN 9.1, para. 10 ⇒
atha kho so bhikkhu tāya devatāya saṃvejito saṃvegamāpādīti.
SN 9.2
SN 1, 9. vanasaṃyuttaṃ, 2. upaṭṭhānasuttaṃ SN 9.2, para. 1 ⇒
222. ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. tena kho pana samayena so bhikkhu divāvihāragato supati. atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi —
SN 9.3
SN 1, 9. vanasaṃyuttaṃ, 3. kassapagottasuttaṃ SN 9.3, para. 1 ⇒
223. ekaṃ samayaṃ āyasmā kassapagotto kosalesu viharati aññatarasmiṃ vanasaṇḍe. tena kho pana samayena āyasmā kassapagotto divāvihāragato aññataraṃ chetaṃ ovadati. atha kho yā tasmiṃ vanasaṇḍe adhivatthā devatā āyasmantaṃ kassapagottaṃ saṃvejetukāmā yenāyasmā kassapagotto tenupasaṅkami; upasaṅkamitvā āyasmantaṃ kassapagottaṃ gāthāhi ajjhabhāsi —
SN 9.3
SN 1, 9. vanasaṃyuttaṃ, 3. kassapagottasuttaṃ SN 9.3, para. 8 ⇒
atha kho āyasmā kassapagotto tāya devatāya saṃvejito saṃvegamāpādīti.
SN 9.5
SN 1, 9. vanasaṃyuttaṃ, 5. ānandasuttaṃ SN 9.5, para. 1 ⇒
225. ekaṃ samayaṃ āyasmā ānando kosalesu viharati aññatarasmiṃ vanasaṇḍe. tena kho pana samayena āyasmā ānando ativelaṃ gihisaññattibahulo viharati. atha kho yā tasmiṃ vanasaṇḍe adhivatthā devatā āyasmato ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami; upasaṅkamitvā āyasmantaṃ ānandaṃ gāthāya ajjhabhāsi —
SN 9.5
SN 1, 9. vanasaṃyuttaṃ, 5. ānandasuttaṃ SN 9.5, para. 4 ⇒
atha kho āyasmā ānando tāya devatāya saṃvejito saṃvegamāpādīti.
SN 9.7
SN 1, 9. vanasaṃyuttaṃ, 7. nāgadattasuttaṃ SN 9.7, para. 1 ⇒
227. ekaṃ samayaṃ āyasmā nāgadatto kosalesu viharati aññatarasmiṃ vanasaṇḍe. tena kho pana samayena āyasmā nāgadatto atikālena gāmaṃ pavisati, atidivā paṭikkamati. atha kho yā tasmiṃ vanasaṇḍe adhivatthā devatā āyasmato nāgadattassa anukampikā atthakāmā āyasmantaṃ nāgadattaṃ saṃvejetukāmā yenāyasmā nāgadatto tenupasaṅkami; upasaṅkamitvā āyasmantaṃ nāgadattaṃ gāthāhi ajjhabhāsi —
SN 9.7
SN 1, 9. vanasaṃyuttaṃ, 7. nāgadattasuttaṃ SN 9.7, para. 6 ⇒
atha kho āyasmā nāgadatto tāya devatāya saṃvejito saṃvegamāpādīti.
SN 9.8
SN 1, 9. vanasaṃyuttaṃ, 8. kulagharaṇīsuttaṃ SN 9.8, para. 1 ⇒
228. ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. tena kho pana samayena so bhikkhu aññatarasmiṃ kule ativelaṃ ajjhogāḷhappatto viharati. atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yā tasmiṃ kule kulagharaṇī, tassā vaṇṇaṃ abhinimminitvā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi —
SN 9.9
SN 1, 9. vanasaṃyuttaṃ, 9. vajjiputtasuttaṃ SN 9.9, para. 6 ⇒
atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi —
SN 9.9
SN 1, 9. vanasaṃyuttaṃ, 9. vajjiputtasuttaṃ SN 9.9, para. 9 ⇒
atha kho so bhikkhu tāya devatāya saṃvejito saṃvegamāpādīti.
SN 9.11
SN 1, 9. vanasaṃyuttaṃ, 11. akusalavitakkasuttaṃ SN 9.11, para. 1 ⇒
231. ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. tena kho pana samayena so bhikkhu divāvihāragato pāpake akusale vitakke vitakketi, seyyathidaṃ — kāmavitakkaṃ, byāpādavitakkaṃ, vihiṃsāvitakkaṃ. atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi —
SN 9.11
SN 1, 9. vanasaṃyuttaṃ, 11. akusalavitakkasuttaṃ SN 9.11, para. 7 ⇒
atha kho so bhikkhu tāya devatāya saṃvejito saṃvegamāpādīti.
SN 9.13
SN 1, 9. vanasaṃyuttaṃ, 13. pākatindriyasuttaṃ SN 9.13, para. 1 ⇒
233. ekaṃ samayaṃ sambahulā bhikkhū kosalesu viharanti aññatarasmiṃ vanasaṇḍe uddhatā unnaḷā capalā mukharā vikiṇṇavācā muṭṭhassatino asampajānā asamāhitā vibbhantacittā pākatindriyā. atha kho yā tasmiṃ vanasaṇḍe adhivatthā devatā tesaṃ bhikkhūnaṃ anukampikā atthakāmā te bhikkhū saṃvejetukāmā yena te bhikkhū tenupasaṅkami; upasaṅkamitvā te bhikkhū gāthāhi ajjhabhāsi —
SN 9.13
SN 1, 9. vanasaṃyuttaṃ, 13. pākatindriyasuttaṃ SN 9.13, para. 11 ⇒
atha kho te bhikkhū tāya devatāya saṃvejitā saṃvegamāpādunti.
SN 9.14
SN 1, 9. vanasaṃyuttaṃ, 14. gandhatthenasuttaṃ SN 9.14, para. 1 ⇒
234. ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. tena kho pana samayena so bhikkhu pacchābhattaṃ piṇḍapātapaṭikkanto pokkharaṇiṃ ogāhetvā padumaṃ upasiṅghati. atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi —
SN 9.14
SN 1, 9. vanasaṃyuttaṃ, 14. gandhatthenasuttaṃ SN 9.14, para. 16 ⇒
atha kho so bhikkhu tāya devatāya saṃvejito saṃvegamāpādīti.
SN 51.14
SN 5, 7. iddhipādasaṃyuttaṃ, 2. pāsādakampanavaggo, 4. moggallānasuttaṃ SN 51.14, para. 2 ⇒
atha kho bhagavā āyasmantaṃ mahāmoggallānaṃ āmantesi — “ete kho, moggallāna, sabrahmacārino heṭṭhāmigāramātupāsāde viharanti uddhatā unnaḷā capalā mukharā vikiṇṇavācā muṭṭhassatino asampajānā asamāhitā bhantacittā pākatindriyā. gaccha, moggallāna, te bhikkhū saṃvejehī””ti.
SN 51.14
SN 5, 7. iddhipādasaṃyuttaṃ, 2. pāsādakampanavaggo, 4. moggallānasuttaṃ SN 51.14, para. 4 ⇒
atha kho bhagavā yena te bhikkhū tenupasaṅkami; upasaṅkamitvā te bhikkhū bhagavā etadavoca — “kiṃ nu tumhe, bhikkhave, saṃviggā lomahaṭṭhajātā ekamantaṃ ṭhitā”ti? “acchariyaṃ, bhante, abbhutaṃ bhante! nivātañca vata ayañca migāramātupāsādo gambhīranemo sunikhāto acalo asampakampī, atha ca pana saṅkampito sampakampito sampacālito”ti! “tumheva kho, bhikkhave, saṃvejetukāmena moggallānena bhikkhunā pādaṅguṭṭhakena migāramātupāsādo, saṅkampito sampakampito sampacālito. taṃ kiṃ maññatha, bhikkhave, katamesaṃ dhammānaṃ bhāvitattā bahulīkatattā moggallāno bhikkhu evaṃmahiddhiko evaṃmahānubhāvo”ti? “bhagavaṃmūlakā no, bhante, dhammā, bhagavaṃnettikā bhagavaṃpaṭisaraṇā. sādhu vata, bhante, bhagavantaṃyeva paṭibhātu etassa bhāsitassa attho. bhagavato sutvā bhikkhū dhāressantī”ti.
AN
AN 1, 16. ekadhammapāḷi, 4. catutthavaggo (AN 1.322-363-365), para. 11 ⇒
331.. evamevaṃ kho, bhikkhave, appakā te sattā ye saṃvejaniyesu ṭhānesu saṃvijjanti; atha kho eteva sattā bahutarā ye saṃvejaniyesu ṭhānesu na saṃvijjanti.
AN 4.118
AN 4, 3. tatiyapaṇṇāsakaṃ, (12) 2. kesivaggo, 8. saṃvejanīyasuttaṃ AN 4.118, para. 1 ⇒
118. “cattārimāni, bhikkhave, saddhassa kulaputtassa dassanīyāni saṃvejanīyāni ṭhānāni. katamāni cattāri? ‘idha tathāgato jāto’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgato anuttaraṃ sammāsambodhiṃ abhisambuddho’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgato anuttaraṃ dhammacakkaṃ pavattesī’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘idha tathāgato anupādisesāya nibbānadhātuyā parinibbuto’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. imāni kho, bhikkhave, cattāri saddhassa kulaputtassa dassanīyāni saṃvejanīyāni ṭhānānī”ti. aṭṭhamaṃ.
AN 4.120
AN 4, 3. tatiyapaṇṇāsakaṃ, (12) 2. kesivaggo, 10. dutiyabhayasuttaṃ AN 4.120, para. 5 ⇒
appamādo ca ārakkho, saṃvejanīyañca dve bhayāti.
KN
KN 3.10
KN Ud, 1. bodhivaggo, 10. bāhiyasuttaṃ KN 3.10, para. 4 ⇒
atha kho bāhiyo dārucīriyo tāya devatāya saṃvejito tāvadeva suppārakamhā pakkāmi. sabbattha ekarattiparivāsena yena sāvatthi jetavanaṃ anāthapiṇḍikassa ārāmo tenupasaṅkami. tena kho pana samayena sambahulā bhikkhū abbhokāse caṅkamanti. atha kho bāhiyo dārucīriyo yena te bhikkhū tenupasaṅkami; upasaṅkamitvā te bhikkhū etadavoca — “kahaṃ nu kho, bhante, etarahi bhagavā viharati arahaṃ sammāsambuddho? dassanakāmamhā mayaṃ taṃ bhagavantaṃ arahantaṃ sammāsambuddhan”ti. “antaragharaṃ paviṭṭho kho, bāhiya, bhagavā piṇḍāyā”ti.
KN Iti 37
KN It, 2. dukanipāto, 1. paṭhamavaggo, 10. somanassasuttaṃ 37, para. 2 ⇒
“dvīhi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa {yoniso (sī. syā. pī.), yonissa (ka.)} āraddhā hoti āsavānaṃ khayāya. katamehi dvīhi? saṃvejanīyesu ṭhānesu saṃvejanena, saṃviggassa ca yoniso padhānena. imehi kho, bhikkhave, dvīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāyā”ti. etamatthaṃ bhagavā avoca. tatthetaṃ iti vuccati —
KN Iti 37
KN It, 2. dukanipāto, 1. paṭhamavaggo, 10. somanassasuttaṃ 37, para. 3 ⇒
“saṃvejanīyaṭṭhānesu {saṃvejanīyesu ṭhānesu (syā. pī.)}, saṃvijjetheva paṇḍito.
KN Iti 49
KN It, 2. dukanipāto, 2. dutiyavaggo, 12. diṭṭhigatasuttaṃ 49, para. 14 ⇒
anottāpī kuhanā dve ca, saṃvejanīyena te dasa.
KN Thag 263
KN Thera, 20. saṭṭhinipāto 263, para. 167 ⇒
iddhibalenupatthaddho, saṃvejesi ca devatā.
KN 10.115
KN Ap.1, (paṭhamo bhāgo), 12. mahāparivāravaggo, 3. saraṇagamaniyattherāpadānaṃ KN 10.115, para. 6 ⇒
antalikkhe ṭhito satthā, saṃvejesi mahājanaṃ.
KN 10.127
KN Ap.1, (paṭhamo bhāgo), 13. sereyyavaggo, 5. sammukhāthavikattherāpadānaṃ KN 10.127, para. 32 ⇒
“saṃvejayitvā janataṃ, thavitvā lokanāyakaṃ.
KN 10.189
KN Ap.1, (paṭhamo bhāgo), 19. kuṭajapupphiyavaggo, 7. ekacintikattherāpadānaṃ KN 10.189, para. 27 ⇒
atthadhammānusāsitvā, saṃvejesi mamaṃ tadā.
KN 10.329
KN Ap.1, (paṭhamo bhāgo), 33. umāpupphiyavaggo, 7. nigguṇḍipupphiyattherāpadānaṃ KN 10.329, para. 27 ⇒
atthadhammānusāsitvā, saṃvejesi mamaṃ tadā.
KN 11.5
KN Ap.2, 1. sumedhāvaggo, 5. naḷamālikātherīapadānaṃ KN 11.5, para. 13 ⇒
saṃvejetvāna me cittaṃ {vedayitvāna kusalaṃ (syā.), saṃvedayitvā kusalaṃ (pī.)}, pabbajiṃ anagāriyaṃ.
KN Nidd I, 15. attadaṇḍasuttaniddeso, para. 44 ⇒
yathā saṃvijitaṃ mayāti. yathā mayā attanāyeva attānaṃ saṃvejito ubbejito saṃvegamāpāditoti — yathā saṃvijitaṃ mayā.
KN Paṭis, 1. mahāvaggo, 4. indriyakathā, ga. adhimattaṭṭhaniddeso, para. 1 ⇒
201. kathaṃ adhimattaṭṭhena indriyāni daṭṭhabbāni? saddhindriyassa bhāvanāya chando uppajjati — chandavasena saddhāvasena saddhindriyaṃ adhimattaṃ hoti. chandavasena pāmojjaṃ uppajjati — pāmojjavasena saddhāvasena saddhindriyaṃ adhimattaṃ hoti. pāmojjavasena pīti uppajjati — pītivasena saddhāvasena saddhindriyaṃ adhimattaṃ hoti. pītivasena passaddhi uppajjati — passaddhivasena saddhāvasena saddhindriyaṃ adhimattaṃ hoti. passaddhivasena sukhaṃ uppajjati — sukhavasena saddhāvasena saddhindriyaṃ adhimattaṃ hoti. sukhavasena obhāso uppajjati — obhāsavasena saddhāvasena saddhindriyaṃ adhimattaṃ hoti. obhāsavasena saṃvego uppajjati — saṃvegavasena saddhāvasena saddhindriyaṃ adhimattaṃ hoti. saṃvejetvā cittaṃ samādahati — samādhivasena saddhāvasena saddhindriyaṃ adhimattaṃ hoti. tathā samāhitaṃ cittaṃ sādhukaṃ paggaṇhāti — paggahavasena saddhāvasena saddhindriyaṃ adhimattaṃ hoti. tathāpaggahitaṃ cittaṃ sādhukaṃ ajjhupekkhati — upekkhāvasena saddhāvasena saddhindriyaṃ adhimattaṃ hoti. upekkhāvasena nānattakilesehi cittaṃ vimuccati — vimokkhavasena saddhāvasena saddhindriyaṃ adhimattaṃ hoti. vimuttattā te dhammā ekarasā honti — ekarasaṭṭhena bhāvanāvasena saddhāvasena saddhindriyaṃ adhimattaṃ hoti. bhāvitattā tato paṇītatare vivaṭṭanti — vivaṭṭanāvasena saddhāvasena saddhindriyaṃ adhimattaṃ hoti. vivaṭṭitattā tato vosajjati {vossajjati (syā. ka.)} — vosaggavasena saddhāvasena saddhindriyaṃ adhimattaṃ hoti. vosajjitattā tato nirujjhanti — nirodhavasena saddhāvasena saddhindriyaṃ adhimattaṃ hoti. nirodhavasena dve vosaggā — pariccāgavosaggo ca, pakkhandanavosaggo ca. kilese ca khandhe ca pariccajatīti — pariccāgavosaggo. nirodhanibbānadhātuyā cittaṃ pakkhandatīti — pakkhandanavosaggo. nirodhavasena ime dve vosaggā.
KN Paṭis, 1. mahāvaggo, 4. indriyakathā, ga. adhimattaṭṭhaniddeso, para. 2 ⇒
assaddhiyassa pahānāya chando uppajjati. pe. assaddhiyapariḷāhassa pahānāya chando uppajjati. diṭṭhekaṭṭhānaṃ kilesānaṃ pahānāya chando uppajjati. oḷārikānaṃ kilesānaṃ pahānāya chando uppajjati. anusahagatānaṃ kilesānaṃ pahānāya chando uppajjati. sabbakilesānaṃ pahānāya chando uppajjati — chandavasena saddhāvasena saddhindriyaṃ adhimattaṃ hoti. pe. vīriyindriyassa bhāvanāya chando uppajjati. pe. kosajjassa pahānāya chando uppajjati. kosajjapariḷāhassa pahānāya chando uppajjati. diṭṭhekaṭṭhānaṃ kilesānaṃ pahānāya chando uppajjati. pe. sabbakilesānaṃ pahānāya chando uppajjati. satindriyassa bhāvanāya chando uppajjati. pe. pamādassa pahānāya chando uppajjati. pamādapariḷāhassa pahānāya chando uppajjati. pe. sabbakilesānaṃ pahānāya chando uppajjati. samādhindriyassa bhāvanāya chando uppajjati. pe. uddhaccassa pahānāya chando uppajjati uddhaccapariḷāhassa pahānāya chando uppajjati. pe. sabbakilesānaṃ pahānāya chando uppajjati. paññindriyassa bhāvanāya chando uppajjati. pe. avijjāya pahānāya chando uppajjati. avijjāpariḷāhassa pahānāya chando uppajjati. diṭṭhekaṭṭhānaṃ kilesānaṃ pahānāya chando uppajjati. oḷārikānaṃ kilesānaṃ pahānāya chando uppajjati. anusahagatānaṃ kilesānaṃ pahānāya chando uppajjati. sabbakilesānaṃ pahānāya chando uppajjati — chandavasena paññāvasena paññindriyaṃ adhimattaṃ hoti. chandavasena pāmojjaṃ uppajjati — pāmojjavasena paññāvasena paññindriyaṃ adhimattaṃ hoti. pāmojjavasena pīti uppajjati — pītivasena paññā vasena paññindriyaṃ adhimattaṃ hoti. pītivasena passaddhi uppajjati — passaddhivasena paññāvasena paññindriyaṃ adhimattaṃ hoti. passaddhivasena sukhaṃ uppajjati — sukhavasena paññāvasena paññindriyaṃ adhimattaṃ hoti. sukhavasena obhāso uppajjati — obhāsavasena paññāvasena paññindriyaṃ adhimattaṃ hoti. obhāsavasena saṃvego uppajjati — saṃvegavasena paññāvasena paññindriyaṃ adhimattaṃ hoti. saṃvejetvā cittaṃ samādahati — samādhivasena paññāvasena paññindriyaṃ adhimattaṃ hoti. tathāsamāhitaṃ cittaṃ sādhukaṃ paggaṇhāti — paggahavasena paññāvasena paññindriyaṃ adhimattaṃ hoti. tathāpaggahitaṃ cittaṃ sādhukaṃ ajjhupekkhati — upekkhāvasena paññāvasena paññindriyaṃ adhimattaṃ hoti. upekkhāvasena nānattakilesehi cittaṃ vimuccati — vimokkhavasena paññāvasena paññindriyaṃ adhimattaṃ hoti. vimuttattā te dhammā ekarasā honti — bhāvanāvasena {ekarasaṭṭhena bhāvanāvasena (syā. ka.) aṭṭhakathā oloketabbo} paññāvasena paññindriyaṃ adhimattaṃ hoti. bhāvitattā tato paṇītatare vivaṭṭanti — vivaṭṭanāvasena paññāvasena paññindriyaṃ adhimattaṃ hoti. vivaṭṭitattā tato vosajjati — vosaggavasena paññāvasena paññindriyaṃ adhimattaṃ hoti. vosajjitattā tato nirujjhanti — nirodhavasena paññāvasena paññindriyaṃ adhimattaṃ hoti. nirodhavasena dve vosaggā — pariccāgavosaggo ca, pakkhandanavosaggo ca. kilese ca khandhe ca pariccajatīti — pariccāgavosaggo. nirodhanibbānadhātuyā cittaṃ pakkhandatīti — pakkhandanavosaggo. nirodhavasena ime dve vosaggā. evaṃ adhimattaṭṭhena indriyāni daṭṭhabbāni.
KN Mil, 4. meṇḍakapañho, 5. santhavavaggo, 11. ācariyānācariyapañho, para. 9 ⇒
“puna caparaṃ, mahārāja, yā sā devatā bodhisattaṃ saṃvejesī, yassā vacanaṃ sutvā bodhisatto saṃviggo ubbiggo tasmiṃ yeva khaṇe nekkhammaṃ nikkhamitvā pabbaji, ayaṃ tatiyo ācariyo.
KN Mil, 6. opammakathāpañho, 3. pathavīvaggo, 8. sūriyaṅgapañho, para. 6 ⇒
“puna caparaṃ, mahārāja, sūriyo rāhubhayā bhīto carati, evameva kho, mahārāja, yoginā yogāvacarena duccaritaduggativisamakantāravipākavinipātakilesajālajaṭite diṭṭhisaṅghāṭapaṭimukke kupathapakkhande kummaggapaṭipanne {kumaggapaṭipanne (syā. ka.)} satte disvā mahatā saṃvegabhayena mānasaṃ saṃvejetabbaṃ. idaṃ, mahārāja, sūriyassa chaṭṭhaṃ aṅgaṃ gahetabbaṃ.
KN Peṭ, 7. hārasampātabhūmi, para. 16 ⇒
76. tattha katamā upanisā? kalyāṇamittatā jhānassa upanisā. kalyāṇasampavaṅkatā jhānassa upanisā. indriyesu guttadvāratā jhānassa upanisā. asantuṭṭhitā kusalesu dhammesu jhānassa upanisā. saddhammassavanaṃ jhānassa upanisā. saṃvejaniye ṭhāne saṃviggassa yoniso padhānaṃ. ayaṃ jhānopanisā.