+MN 107 Gaṇaka-moggallāna:
To Gaṇaka Moggallāna
all
To Gaṇaka Moggallāna

Opening
+With Moggallāna the Accountant
| (derived from B. Sujato 2018/12) | ||
| Evaṃ me sutaṃ— | So I have heard. | 我曾這樣聽說: |
| ekaṃ samayaṃ bhagavā sāvatthiyaṃ viharati pubbārāme migāramātupāsāde. | At one time the Buddha was staying near Sāvatthī in the Eastern Monastery, the stilt longhouse of Migāra’s mother. | 那時,佛陀住在舍衛城,在彌伽羅母親的東園重閣堂。 |
| Atha kho gaṇakamoggallāno brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. | Then the brahmin Moggallāna the Accountant went up to the Buddha, and exchanged greetings with him. | 於是,計財的婆羅門目犍連前來見佛陀,並與佛陀互相問候。 |
| Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho gaṇakamoggallāno brāhmaṇo bhagavantaṃ etadavoca: | When the greetings and polite conversation were over, he sat down to one side and said to the Buddha: | 問候和禮貌的交談結束後,他坐在一邊,對佛陀說: |
| “Seyyathāpi, bho gotama, imassa migāramātupāsādassa dissati anupubbasikkhā anupubbakiriyā anupubbapaṭipadā yadidaṃ— | “Master Gotama, in this stilt longhouse we can see gradual progress | “喬達摩大師,在這重閣堂裡,我們能看到循序漸進的進步, |
| yāva pacchimasopānakaḷevarā; | down to the last step of the staircase. | 直到樓梯的最後一級。 |
| imesampi hi, bho gotama, brāhmaṇānaṃ dissati anupubbasikkhā anupubbakiriyā anupubbapaṭipadā yadidaṃ— | Among the brahmins we can see gradual progress | 在婆羅門中,我們能看到循序漸進的進步, |
| ajjhene; | in learning the chants. | 學習吟誦。 |
| imesampi hi, bho gotama, issāsānaṃ dissati anupubbasikkhā anupubbakiriyā anupubbapaṭipadā yadidaṃ— | Among archers we can see gradual progress | 在弓箭手中,我們能看到循序漸進的進步, |
| issatthe. | in archery. | 射箭。 |
| Amhākampi hi, bho gotama, gaṇakānaṃ gaṇanājīvānaṃ dissati anupubbasikkhā anupubbakiriyā anupubbapaṭipadā yadidaṃ— | Among us accountants, who earn a living by accounting, we can see gradual progress | 在我們這些靠會計謀生的會計師中,我們能看到循序漸進的進步, |
| saṅkhāne. | in mathematics. | 數學。 |
| Mayañhi, bho gotama, antevāsiṃ labhitvā paṭhamaṃ evaṃ gaṇāpema: | For when we get an apprentice we first make them count: | 因為當我們收徒時,我們首先讓他們數: |
| ‘ekaṃ ekakaṃ, dve dukā, tīṇi tikā, cattāri catukkā, pañca pañcakā, cha chakkā, satta sattakā, aṭṭha aṭṭhakā, nava navakā, dasa dasakā’ti; | ‘One one, two twos, three threes, four fours, five fives, six sixes, seven sevens, eight eights, nine nines, ten tens.’ | ‘一一,二二,三三,四四,五五,六六,七七,八八,九九,十十。’ |
| satampi mayaṃ, bho gotama, gaṇāpema, bhiyyopi gaṇāpema. | We even make them count up to a hundred. | 我們甚至讓他們數到一百。 |
| Sakkā nu kho, bho gotama, imasmimpi dhammavinaye evameva anupubbasikkhā anupubbakiriyā anupubbapaṭipadā paññapetun”ti? | Is it possible to similarly describe a gradual training, gradual progress, and gradual practice in this Dharma and training?” | 在這教導和訓練中,是否也能同樣地描述漸進的訓練、漸進的進步和漸進的實踐呢?” |
| “Sakkā, brāhmaṇa, imasmimpi dhammavinaye anupubbasikkhā anupubbakiriyā anupubbapaṭipadā paññapetuṃ. | “It is possible, brahmin. | “婆羅門,這是可能的。 |
| Seyyathāpi, brāhmaṇa, dakkho assadammako bhaddaṃ assājānīyaṃ labhitvā paṭhameneva mukhādhāne kāraṇaṃ kāreti, atha uttariṃ kāraṇaṃ kāreti; | Suppose an expert horse trainer were to obtain a fine thoroughbred. First of all he’d make it get used to wearing the bit. | 假如一個熟練的馴馬師得到一匹優秀的純種馬。首先他會訓練它習慣戴嚼子。 |
| evameva kho, brāhmaṇa, tathāgato purisadammaṃ labhitvā paṭhamaṃ evaṃ vineti: | In the same way, when the Realized One gets a person for training they first guide them like this: | 同樣地,當如來訓練一個人時,他們首先這樣引導他們: |
| ‘ehi tvaṃ, bhikkhu, sīlavā hohi, pātimokkhasaṃvarasaṃvuto viharāhi ācāragocarasampanno aṇumattesu vajjesu bhayadassāvī, samādāya sikkhassu sikkhāpadesū’ti. | ‘Come, monk, be ethical and restrained in the monastic code, with appropriate behavior and means of collecting alms. Seeing danger in the slightest flaw, keep the rules you’ve undertaken.’ | ‘來,比丘,在戒律中保持倫理和約束,舉止得體,乞食方式合宜。看到最微小的過失也有危險,遵守你所承擔的戒律。’ |
| Yato kho, brāhmaṇa, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu, tamenaṃ tathāgato uttariṃ vineti: | When they have ethical conduct, the Realized One guides them further: | 當他們具備道德行為時,如來進一步引導他們: |
| ‘ehi tvaṃ, bhikkhu, indriyesu guttadvāro hohi, cakkhunā rūpaṃ disvā mā nimittaggāhī hohi mānubyañjanaggāhī. | ‘Come, monk, guard your sense doors. When you see a sight with your eyes, don’t get caught up in the features and details. | ‘來,比丘,守護你的感官之門。當你的眼睛看到景象時,不要被特徵和細節所迷惑。 |
| Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjāhi; rakkhāhi cakkhundriyaṃ, cakkhundriye saṃvaraṃ āpajjāhi. | If the faculty of sight were left unrestrained, bad unskillful Dharmas of desire and aversion would become overwhelming. For this reason, practice restraint, protect the faculty of sight, and achieve restraint over it. | 如果視覺器官不受約束,貪欲和嗔恚的壞不善法就會變得壓倒一切。因此,要練習約束,保護視覺器官,並對其實現約束。 |
| Sotena saddaṃ sutvā … pe … | When you hear a sound with your ears … | 當你的耳朵聽到聲音時…… |
| ghānena gandhaṃ ghāyitvā … pe … | When you smell an odor with your nose … | 當你的鼻子聞到氣味時…… |
| jivhāya rasaṃ sāyitvā … pe … | When you taste a flavor with your tongue … | 當你的舌頭嚐到味道時…… |
| kāyena phoṭṭhabbaṃ phusitvā … pe … | When you feel a touch with your body … | 當你的身體感受到觸覺時…… |
| manasā dhammaṃ viññāya mā nimittaggāhī hohi mānubyañjanaggāhī. | When you know a thought with your mind, don’t get caught up in the features and details. | 當你的心知道一個念頭時,不要被特徵和細節所迷惑。 |
| Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjāhi; rakkhāhi manindriyaṃ, manindriye saṃvaraṃ āpajjāhī’ti. | If the faculty of mind were left unrestrained, bad unskillful Dharmas of desire and aversion would become overwhelming. For this reason, practice restraint, protect the faculty of mind, and achieve its restraint.’ | 如果意根不受約束,貪欲和嗔恚的壞不善法就會變得壓倒一切。因此,要練習約束,保護意根,並實現對其的約束。’ |
| Yato kho, brāhmaṇa, bhikkhu indriyesu guttadvāro hoti, tamenaṃ tathāgato uttariṃ vineti: | When they guard their sense doors, the Realized One guides them further: | 當他們守護感官之門時,如來進一步引導他們: |
| ‘ehi tvaṃ, bhikkhu, bhojane mattaññū hohi. | ‘Come, monk, eat in moderation. | ‘來,比丘,飲食適度。 |
| Paṭisaṅkhā yoniso āhāraṃ āhāreyyāsi— | Reflect properly on the food that you eat: | 正確地反思你所吃的食物: |
| neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya—iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’ti. | ‘Not for fun, indulgence, adornment, or decoration, but only to continue and sustain this body, avoid harm, and support spiritual practice. So that I will put an end to old discomfort and not give rise to new discomfort, and so that I will keep on living blamelessly and at ease.’ | ‘不為玩樂、放縱、裝飾或裝點,而只是為了維持和支撐這個身體,避免傷害,並支持精神修行。這樣我將結束舊的不適,不再產生新的不適,這樣我將無咎且自在地生活下去。’ |
| Yato kho, brāhmaṇa, bhikkhu bhojane mattaññū hoti, tamenaṃ tathāgato uttariṃ vineti: | When they eat in moderation, the Realized One guides them further: | 當他們飲食適度時,如來進一步引導他們: |
| ‘ehi tvaṃ, bhikkhu, jāgariyaṃ anuyutto viharāhi, divasaṃ caṅkamena nisajjāya āvaraṇīyehi dhammehi cittaṃ parisodhehi, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodhehi, rattiyā majjhimaṃ yāmaṃ dakkhiṇena passena sīhaseyyaṃ kappeyyāsi pāde pādaṃ accādhāya sato sampajāno uṭṭhānasaññaṃ manasikaritvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodhehī’ti. | ‘Come, monk, be committed to wakefulness. Practice walking and sitting meditation by day, purifying your mind from obstacles. In the evening, continue to practice walking and sitting meditation. In the middle of the night, lie down in the lion’s posture—on the right side, placing one foot on top of the other—rememberful and aware, and focused on the time of getting up. In the last part of the night, get up and continue to practice walking and sitting meditation, purifying your mind from obstacles.’ | ‘來,比丘,致力於覺醒。白天修習行禪和坐禪,淨化你的心免於障礙。晚上,繼續修習行禪和坐禪。在半夜,以獅子臥姿——右側臥,雙腳交疊——保持正念和覺知,專注於起床的時間。在黎明時分,起床繼續修習行禪和坐禪,淨化你的心免於障礙。’ |
| Yato kho, brāhmaṇa, bhikkhu jāgariyaṃ anuyutto hoti, tamenaṃ tathāgato uttariṃ vineti: | When they are committed to wakefulness, the Realized One guides them further: | 當他們致力於覺醒時,如來進一步引導他們: |
| ‘ehi tvaṃ, bhikkhu, satisampajaññena samannāgato hohi, abhikkante paṭikkante sampajānakārī, ālokite vilokite sampajānakārī, samiñjite pasārite sampajānakārī, saṅghāṭipattacīvaradhāraṇe sampajānakārī, asite pīte khāyite sāyite sampajānakārī, uccārapassāvakamme sampajānakārī, gate ṭhite nisinne sutte jāgarite bhāsite tuṇhībhāve sampajānakārī’ti. | ‘Come, monk, have remembering and lucid-discerning. Act with lucid-discerning when going out and coming back; when looking ahead and aside; when bending and extending the limbs; when bearing the outer robe, bowl and robes; when eating, drinking, chewing, and tasting; when urinating and defecating; when walking, standing, sitting, sleeping, waking, speaking, and keeping silent.’ | ‘來,比丘,具足正念和正知。外出和回來時,瞻前顧後時,屈伸肢體時,穿袈裟、持缽和著衣時,飲食嚼嘗時,大小便時,行、住、坐、臥、醒、語、默時,都要正知而行。’ |
| Yato kho, brāhmaṇa, bhikkhu satisampajaññena samannāgato hoti, tamenaṃ tathāgato uttariṃ vineti: | When they have remembering and lucid-discerning, the Realized One guides them further: | 當他們具足正念和正知時,如來進一步引導他們: |
| ‘ehi tvaṃ, bhikkhu, vivittaṃ senāsanaṃ bhajāhi araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjan’ti. | ‘Come, monk, frequent a secluded lodging—a wilderness, the root of a tree, a hill, a ravine, a mountain cave, a charnel ground, a forest, the open air, a heap of straw.’ | ‘來,比丘,經常去僻靜處——荒野、樹下、山丘、山谷、山洞、墳場、森林、曠野、草堆。’ |
| So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. | And they do so. | 他們就這樣做了。 |
| So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. | After the meal, they return from alms-round, sit down cross-legged with their body straight, and establish remembering right there. | 飯後,他們從乞食中回來,盤腿而坐,身體挺直,就在那裡安住正念。 |
| So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; | Giving up desire for the world, they meditate with a heart rid of desire, cleansing the mind of desire. | 捨棄對世間的貪欲,他們以離欲之心禪修,淨化貪欲之心。 |
| byāpādapadosaṃ pahāya abyāpannacitto viharati sabbapāṇabhūtahitānukampī, byāpādapadosā cittaṃ parisodheti; | Giving up ill will and malevolence, they meditate with a mind rid of ill will, full of compassion for all living beings, cleansing the mind of ill will. | 捨棄瞋恚和惡意,他們以離瞋恚之心禪修,對一切眾生充滿慈悲,淨化瞋恚之心。 |
| thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti; | Giving up dullness and drowsiness, they meditate with a mind rid of dullness and drowsiness, perceiving light, rememberful and aware, cleansing the mind of dullness and drowsiness. | 捨棄昏沉和睡眠,他們以離昏沉和睡眠之心禪修,觀照光明,具足正念和覺知,淨化昏沉和睡眠之心。 |
| uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; | Giving up restlessness and remorse, they meditate without restlessness, their mind peaceful inside, cleansing the mind of restlessness and remorse. | 捨棄掉舉和懊悔,他們無掉舉地禪修,內心平靜,淨化掉舉和懊悔之心。 |
| vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti. | Giving up doubt, they meditate having gone beyond doubt, not undecided about skillful Dharmas, cleansing the mind of doubt. | 捨棄疑慮,他們禪修,超越疑慮,對善法不再猶豫,淨化疑慮之心。 |
| So ime pañca nīvaraṇe pahāya cetaso upakkilese paññāya dubbalīkaraṇe | They give up these five hindrances, corruptions of the heart that weaken wisdom. | 他們捨棄了這五蓋,這些染汙心識、削弱智慧的障礙。 |
| vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. | Then, quite secluded from sensual pleasures, secluded from unskillful Dharmas, they enter and remain in the first jhāna, which has the mental-joy and pleasure born of seclusion, while directing-thought and evaluation. | 然後,全然地遠離感官享樂,遠離不善法,他們進入並安住於初禪,其中有離欲而生的喜和樂,以及尋和伺。 |
| Vitakkavicārānaṃ vūpasamā ajjhattaṃ sampasādanaṃ … pe … dutiyaṃ jhānaṃ upasampajja viharati. | As the directed-thought and evaluation are stilled, they enter and remain in the second jhāna, which has the mental-joy and pleasure born of undistractible-lucidity, with internal clarity and confidence, and unified mind, without directing-thought and evaluation. | 隨著尋和伺的平息,他們進入並安住於第二禪,其中有由不散亂的明晰而生的喜和樂,內心清明自信,心念統一,沒有尋和伺。 |
| Pītiyā ca virāgā … tatiyaṃ jhānaṃ upasampajja viharati. | And with the fading away of mental-joy, they enter and remain in the third jhāna, where they meditate with equanimous-observation, rememberful and aware, personally experiencing pleasure with the flesh and blood physical body of which the noble ones declare, ‘Equanimous and rememberful, one meditates in pleasure.’ | 隨著喜的消逝,他們進入並安住於第三禪,在那裡他們以捨心禪修,具足正念和覺知,親身體驗聖者所宣稱的“平等心和正念,禪修於樂”的快樂。 |
| Sukhassa ca pahānā … catutthaṃ jhānaṃ upasampajja viharati. | Giving up pleasure and pain, and ending former happiness and sadness, they enter and remain in the fourth jhāna, without pleasure or pain, with pure equanimous-observation and remembering. | 捨棄樂和苦,並結束先前的快樂和悲傷,他們進入並安住於第四禪,沒有樂或苦,只有純淨的平等心和正念。 |
| Ye kho te, brāhmaṇa, bhikkhū sekkhā apattamānasā anuttaraṃ yogakkhemaṃ patthayamānā viharanti tesu me ayaṃ evarūpī anusāsanī hoti. | That’s how I instruct the monks who are trainees—who haven’t achieved their heart’s desire, but live aspiring to the supreme sanctuary. | 我就是這樣指導那些受訓的比丘——他們尚未實現內心的願望,但渴望著至高的庇護所。 |
| Ye pana te bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññāvimuttā tesaṃ ime dhammā diṭṭhadhammasukhavihārāya ceva saṃvattanti, satisampajaññāya cā”ti. | But for those monks who are perfected—who have ended the defilements, completed the spiritual journey, done what had to be done, laid down the burden, achieved their own goal, utterly ended the fetters of rebirth, and are rightly freed through enlightenment—these things lead to pleasureful meditation in the present life, and to remembering and awareness.” | 至於那些已經圓滿的比丘——他們已斷盡煩惱,完成了靈性之旅,做了該做的事,卸下了重擔,實現了自己的目標,徹底斷盡了輪迴的束縛,並透過證悟而正確地解脫——這些事能讓他們在今生享受禪修的快樂,並保持正念和覺知。” |
| Evaṃ vutte, gaṇakamoggallāno brāhmaṇo bhagavantaṃ etadavoca: | When he had spoken, Moggallāna the Accountant said to the Buddha: | 他說完後,計財的婆羅門目犍連對佛陀說: |
| “kiṃ nu kho bhoto gotamassa sāvakā bhotā gotamena evaṃ ovadīyamānā evaṃ anusāsīyamānā sabbe accantaṃ niṭṭhaṃ nibbānaṃ ārādhenti udāhu ekacce nārādhentī”ti? | “When his disciples are instructed and advised like this by Master Gotama, do all of them achieve the ultimate goal, nirvana, or do some of them fail?” | “當喬達摩大師如此教導和勸告弟子時,他們都能達到涅槃的最終目標,還是有些人會失敗?” |
| “Appekacce kho, brāhmaṇa, mama sāvakā mayā evaṃ ovadīyamānā evaṃ anusāsīyamānā accantaṃ niṭṭhaṃ nibbānaṃ ārādhenti, ekacce nārādhentī”ti. | “Some succeed, while others fail.” | “有些人成功,有些人失敗。” |
| “Ko nu kho, bho gotama, hetu ko paccayo yaṃ tiṭṭhateva nibbānaṃ, tiṭṭhati nibbānagāmī maggo, tiṭṭhati bhavaṃ gotamo samādapetā; | “What is the cause, Master Gotama, what is the reason why, though nirvana is present, the path leading to nirvana is present, and Master Gotama is present to encourage them, | “喬達摩大師,原因何在?為什麼涅槃存在,通往涅槃的道路存在,喬達摩大師也在場鼓勵他們, |
| atha ca pana bhoto gotamassa sāvakā bhotā gotamena evaṃ ovadīyamānā evaṃ anusāsīyamānā appekacce accantaṃ niṭṭhaṃ nibbānaṃ ārādhenti, ekacce nārādhentī”ti? | still some succeed while others fail?” | 但仍然有些人成功,有些人失敗呢?” |
| “Tena hi, brāhmaṇa, taṃyevettha paṭipucchissāmi. Yathā te khameyya tathā naṃ byākareyyāsi. | “Well then, brahmin, I’ll ask you about this in return, and you can answer as you like. | “婆羅門,那我就反問你,你可以隨意回答。 |
| Taṃ kiṃ maññasi, brāhmaṇa, | What do you think, brahmin? | 婆羅門,你認為呢? |
| kusalo tvaṃ rājagahagāmissa maggassā”ti? | Are you skilled in the road to Rājagaha?” | 你熟悉通往王舍城的道路嗎?” |
| “Evaṃ, bho, kusalo ahaṃ rājagahagāmissa maggassā”ti. | “Yes, I am.” | “是的,我熟悉。” |
| “Taṃ kiṃ maññasi, brāhmaṇa, | “What do you think, brahmin? | “婆羅門,你認為呢? |
| idha puriso āgaccheyya rājagahaṃ gantukāmo. | Suppose a person was to come along who wanted to go to Rājagaha. | 假如有一個人想去王舍城。 |
| So taṃ upasaṅkamitvā evaṃ vadeyya: | He’d approach you and say: | 他會走過來對你說: |
| ‘icchāmahaṃ, bhante, rājagahaṃ gantuṃ; | ‘Sir, I wish to go to Rājagaha. | ‘先生,我想去王舍城。 |
| tassa me rājagahassa maggaṃ upadisā’ti. | Please point out the road to Rājagaha.’ | 請指點通往王舍城的道路。’ |
| Tamenaṃ tvaṃ evaṃ vadeyyāsi: | Then you’d say to them: | 然後你會對他們說: |
| ‘ehambho purisa, ayaṃ maggo rājagahaṃ gacchati. | ‘Here, mister, this road goes to Rājagaha. | ‘先生,這條路通往王舍城。 |
| Tena muhuttaṃ gaccha, tena muhuttaṃ gantvā dakkhissasi amukaṃ nāma gāmaṃ, tena muhuttaṃ gaccha, tena muhuttaṃ gantvā dakkhissasi amukaṃ nāma nigamaṃ; | Go along it for a while, and you’ll see a certain village. Go along a while further, and you’ll see a certain town. | 沿著它走一段路,你會看到一個村莊。再走一段路,你會看到一個城鎮。 |
| tena muhuttaṃ gaccha, tena muhuttaṃ gantvā dakkhissasi rājagahassa ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyakan’ti. | Go along a while further and you’ll see Rājagaha with its delightful parks, woods, meadows, and lotus ponds.’ | 再走一段路,你就會看到王舍城,那裡有令人愉悅的公園、樹林、草地和荷花池。’ |
| So tayā evaṃ ovadīyamāno evaṃ anusāsīyamāno ummaggaṃ gahetvā pacchāmukho gaccheyya. | Instructed like this by you, they might still take the wrong road, heading west. | 經你如此指導,他們可能仍然走錯了路,向西走去。 |
| Atha dutiyo puriso āgaccheyya rājagahaṃ gantukāmo. So taṃ upasaṅkamitvā evaṃ vadeyya: ‘icchāmahaṃ, bhante, rājagahaṃ gantuṃ; tassa me rājagahassa maggaṃ upadisā’ti. Tamenaṃ tvaṃ evaṃ vadeyyāsi: ‘ehambho purisa, ayaṃ maggo rājagahaṃ gacchati. Tena muhuttaṃ gaccha, tena muhuttaṃ gantvā dakkhissasi amukaṃ nāma gāmaṃ; tena muhuttaṃ gaccha, tena muhuttaṃ gantvā dakkhissasi amukaṃ nāma nigamaṃ; tena muhuttaṃ gaccha, tena muhuttaṃ gantvā dakkhissasi rājagahassa ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyakan’ti. |
But a second person might come with the same question and receive the same instructions. | 但第二個人可能帶著同樣的問題前來,並得到同樣的指導。 |
| So tayā evaṃ ovadīyamāno evaṃ anusāsīyamāno sotthinā rājagahaṃ gaccheyya. | Instructed by you, they might safely arrive at Rājagaha. | 在你的指導下,他們可能安全抵達王舍城。 |
| Ko nu kho, brāhmaṇa, hetu ko paccayo yaṃ tiṭṭhateva rājagahaṃ, tiṭṭhati rājagahagāmī maggo, tiṭṭhasi tvaṃ samādapetā; | What is the cause, brahmin, what is the reason why, though Rājagaha is present, the path leading to Rājagaha is present, and you are there to encourage them, | 婆羅門,原因何在?為什麼王舍城存在,通往王舍城的道路存在,你也在那裡鼓勵他們, |
| atha ca pana tayā evaṃ ovadīyamāno evaṃ anusāsīyamāno eko puriso ummaggaṃ gahetvā pacchāmukho gaccheyya, eko sotthinā rājagahaṃ gaccheyyā”ti? | one person takes the wrong path and heads west, while another arrives safely at Rājagaha?” | 一個人走錯了路,向西走去,而另一個人安全抵達王舍城呢?” |
| “Ettha kyāhaṃ, bho gotama, karomi? | “What can I do about that, Master Gotama? | “喬達摩大師,我能做什麼呢? |
| Maggakkhāyīhaṃ, bho gotamā”ti. | I am the one who shows the way.” | 我只是指路的人。” |
| “Evameva kho, brāhmaṇa, tiṭṭhateva nibbānaṃ, tiṭṭhati nibbānagāmī maggo, tiṭṭhāmahaṃ samādapetā; | “In the same way, though nirvana is present, the path leading to nirvana is present, and I am present to encourage them, | “同樣地,涅槃存在,通往涅槃的道路存在,我也在場鼓勵他們, |
| atha ca pana mama sāvakā mayā evaṃ ovadīyamānā evaṃ anusāsīyamānā appekacce accantaṃ niṭṭhaṃ nibbānaṃ ārādhenti, ekacce nārādhenti. | still some of my disciples, instructed and advised like this, achieve the ultimate goal, nirvana, while some of them fail. | 但我的一些弟子,經我如此教導和勸告,仍然有些人達到了涅槃的最終目標,有些人失敗了。 |
| Ettha kyāhaṃ, brāhmaṇa, karomi? | What can I do about that, brahmin? | 婆羅門,我能做什麼呢? |
| Maggakkhāyīhaṃ, brāhmaṇa, tathāgato”ti. | The Realized One is the one who shows the way.” | 如來只是指路的人。” |
| Evaṃ vutte, gaṇakamoggallāno brāhmaṇo bhagavantaṃ etadavoca: | When he had spoken, Moggallāna the Accountant said to the Buddha: | 他說完後,計財的婆羅門目犍連對佛陀說: |
| “yeme, bho gotama, puggalā assaddhā jīvikatthā na saddhā agārasmā anagāriyaṃ pabbajitā saṭhā māyāvino ketabino uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaṃ ananuyuttā sāmaññe anapekkhavanto sikkhāya na tibbagāravā bāhulikā sāthalikā okkamane pubbaṅgamā paviveke nikkhittadhurā kusītā hīnavīriyā muṭṭhassatino asampajānā asamāhitā vibbhantacittā duppaññā eḷamūgā, na tehi bhavaṃ gotamo saddhiṃ saṃvasati. | “Master Gotama, there are those justifiable-trustless people who went forth from the lay life to homelessness not out of justifiable-trust but to earn a livelihood. They’re devious, deceitful, and sneaky. They’re restless, insolent, fickle, gossipy, and loose-tongued. They do not guard their sense doors or eat in moderation, and they are not committed to wakefulness. They don’t care about the ascetic life, and don’t ardently respect the training. They’re indulgent and slack, leaders in backsliding, neglecting seclusion, lazy, and lacking vigor. They’re unrememberful, lacking lucid-discerning and undistractible-lucidity, with straying minds, witless and stupid. Master Gotama doesn’t live together with these. | “喬達摩大師,有些人是沒有信心的,他們從世俗生活出家,不是出於信心,而是為了謀生。他們詭詐、虛偽、狡猾。他們躁動不安、傲慢無禮、反覆無常、喜歡八卦、口無遮攔。他們不守護感官之門,飲食不節制,也不致力於覺醒。他們不關心苦行生活,也不熱切地尊重修行。他們放縱懶散,是退步的領袖,忽視獨處,懶惰,缺乏精力。他們缺乏正念,缺乏正知和不散亂的明晰,心意散亂,愚鈍無知。喬達摩大師不與這些人同住。 |
| Ye pana te kulaputtā saddhā agārasmā anagāriyaṃ pabbajitā asaṭhā amāyāvino aketabino anuddhatā anunnaḷā acapalā amukharā avikiṇṇavācā indriyesu guttadvārā bhojane mattaññuno jāgariyaṃ anuyuttā sāmaññe apekkhavanto sikkhāya tibbagāravā nabāhulikā nasāthalikā okkamane nikkhittadhurā paviveke pubbaṅgamā āraddhavīriyā pahitattā upaṭṭhitassatino sampajānā samāhitā ekaggacittā paññavanto aneḷamūgā, tehi bhavaṃ gotamo saddhiṃ saṃvasati. | But there are those people from good families who went forth from the lay life to homelessness out of justifiable-trust. They’re not devious, deceitful, and sneaky. They’re not restless, insolent, fickle, gossipy, and loose-tongued. They guard their sense doors and eat in moderation, and they are committed to wakefulness. They care about the ascetic life, and ardently respect the training. They’re not indulgent or slack, nor are they leaders in backsliding, neglecting seclusion. They’re energetic and determined. They’re rememberful, with lucid-discerning, undistractible-lucidity, and unified minds; wise, not stupid. Master Gotama does live together with these. | 但也有一些良善家族的人,出於信心從世俗生活出家。他們不詭詐、虛偽、狡猾。他們不躁動不安、傲慢無禮、反覆無常、喜歡八卦、口無遮攔。他們守護感官之門,飲食適度,並致力於覺醒。他們關心苦行生活,並熱切地尊重修行。他們不放縱或懶散,也不是退步的領袖,不忽視獨處。他們精力充沛,意志堅定。他們具足正念,有正知、不散亂的明晰和統一的心智;聰明,不愚蠢。喬達摩大師與這些人同住。 |
| Seyyathāpi, bho gotama, ye keci mūlagandhā, kālānusāri tesaṃ aggamakkhāyati; | Of all kinds of fragrant root, spikenard is said to be the best. | 所有香根中,據說是甘松香最好。 |
| ye keci sāragandhā, lohitacandanaṃ tesaṃ aggamakkhāyati; | Of all kinds of fragrant heartwood, red sandalwood is said to be the best. | 所有香心材中,據說是紅檀香最好。 |
| ye keci pupphagandhā, vassikaṃ tesaṃ aggamakkhāyati; | Of all kinds of fragrant flower, jasmine is said to be the best. | 所有香花中,據說是茉莉花最好。 |
| evameva bhoto gotamassa ovādo paramajjadhammesu. | In the same way, Master Gotama’s advice is the best of contemporary Dharmas. | 同樣地,喬達摩大師的教導是當代教法中最好的。 |
| Abhikkantaṃ, bho gotama, abhikkantaṃ, bho gotama. | Excellent, Master Gotama! Excellent! | 太好了,喬達摩大師!太好了! |
| Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya: ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. | As if he were righting the overturned, or revealing the hidden, or pointing out the path to the lost, or lighting a lamp in the dark so people with good eyes can see what’s there, Master Gotama has made The Dharma clear in many ways. | 就像扶正了顛倒的,揭示了隱藏的,指明了迷失者的道路,或者在黑暗中點亮了一盞燈,讓眼睛好的人能看到那裡有什麼,喬達摩大師以多種方式闡明了教法。 |
| Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. | I go for refuge to Master Gotama, to The Dharma, and to the monk Saṅgha. | 我皈依喬達摩大師,皈依教法,皈依僧伽。 |
| Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan”ti. | From this day forth, may Master Gotama remember me as a lay follower who has gone for refuge for life.” | 從今天起,願喬達摩大師記住我是一個終身皈依的在家信徒。” |
❧