4👑☸KN Ps 1.5

(8 vimokkha)

(1. Has form sees form)


♦ 212.	18
kathaṃ rūpī rūpāni passatīti — vimokkho?	What is the liberation described thus: possessed of materiality, he sees instances of materiality?
idhekacco ajjhattaṃ paccattaṃ nīlanimittaṃ manasikaroti, nīlasaññaṃ paṭilabhati.	Here someone gives attention to the sign of blue-black internally in himself {e.g. his hair, PsA}. He obtains perception of blue-black.
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.	He thoroughly apprehends, thoroughly bears in mind, thoroughly defines1, that sign.
so taṃ nimittaṃ suggahitaṃ katvā sūpadhāritaṃ {supadhāritaṃ (ka.)}	Having thoroughly apprehended, thoroughly borne in mind, thoroughly defined, that sign,
upadhāretvā svāvatthitaṃ avatthāpetvā bahiddhā nīlanimitte cittaṃ upasaṃharati,	he applies his consciousness to the sign of blue-black externally.
nīlasaññaṃ paṭilabhati.	He obtains perception of blue-black.
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.	He thoroughly apprehends, thoroughly bears in mind, thoroughly defines, that sign.
so taṃ nimittaṃ suggahitaṃ katvā upadhāretvā svāvatthitaṃ avatthāpetvā āsevati bhāveti bahulīkaroti.	Having thoroughly apprehended, thoroughly borne in mind, thoroughly defined, that sign, he repeats, develops and makes much of it.
tassa evaṃ hoti — “ajjhattañca bahiddhā ca ubhayamidaṃ rūpan”ti,	It appears to him thus: 4 This is materiality internally and externally and both'.
rūpasaññī hoti.	Thus he is percipient of materiality.
idhekacco ajjhattaṃ paccattaṃ pītanimittaṃ .	Here someone gives attention to the sign of yellow internally in himself.
.. pe .	..
.. lohitanimittaṃ .	Here someone gives attention to the sign of red internally in himself.
.. pe .	..
.. odātanimittaṃ manasikaroti, odātasaññaṃ paṭilabhati.	Here someone gives attention to the sign of white internally in him self .
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.	..
so taṃ nimittaṃ suggahitaṃ katvā sūpadhāritaṃ upadhāretvā svāvatthitaṃ avatthāpetvā bahiddhā odātanimitte cittaṃ upasaṃharati, odātasaññaṃ paṭilabhati.	..
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.	..
so taṃ nimittaṃ suggahitaṃ katvā sūpadhāritaṃ upadhāretvā svāvatthitaṃ avatthāpetvā āsevati bhāveti bahulīkaroti.	..
tassa evaṃ hoti — “ajjhattañca bahiddhā ca ubhayamidaṃ rūpan”ti, rūpasaññī hoti.	It appears to him thus: 'This is materiality internally and externally and both'. Thus he is percipient of materiality.
evaṃ rūpī rūpāni passatīti — vimokkho.	Such is the liberation described thus: possessed of materiality he sees instances of materiality.

(2. can’t perceive form internally, sees external form)


♦ kathaṃ ajjhattaṃ arūpasaññī bahiddhā rūpāni passatīti — vimokkho?	19. What is the liberation described thus: Unpercipient of materiality internally, he sees instances of materiality externally?
idhekacco ajjhattaṃ paccattaṃ nīlanimittaṃ na manasikaroti,	Here someone gives attention [39] to the sign of blue-black internally in himself.
nīlasaññaṃ na paṭilabhati;	He does not obtain perception of blue-black.
bahiddhā nīlanimitte cittaṃ upasaṃharati,	He applies his cognizance to the sign of blue-black externally.
nīlasaññaṃ paṭilabhati.	He obtains perception of blue-black.
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.	He thoroughly apprehends...
so taṃ nimittaṃ suggahitaṃ katvā sūpadhāritaṃ upadhāretvā svāvatthitaṃ avatthāpetvā āsevati bhāveti bahulīkaroti.	Having thoroughly apprehended, ... makes much of it.
tassa evaṃ hoti — “ajjhattaṃ arūpaṃ, bahiddhā rūpamidan”ti,	It appears to him thus: 'There is no materiality internally, this is materiality externally'.
rūpasaññī hoti.	Thus he is percipient of an instance of materiality.

idhekacco ajjhattaṃ paccattaṃ pītanimittaṃ .	Here someone gives attention to the sign of yellow internally .
.. pe .	..
.. lohitanimittaṃ .	Here someone gives attention to the sign of red internally .
.. pe .	..
.. odātanimittaṃ na manasikaroti, odātasaññaṃ na paṭilabhati; bahiddhā odātanimitte cittaṃ upasaṃharati, odātasaññaṃ paṭilabhati.	Here someone gives attention to the sign of white internally ...
so taṃ nimittaṃ suggahitaṃ karoti, sūpadhāritaṃ upadhāreti, svāvatthitaṃ avatthāpeti.
so taṃ nimittaṃ suggahitaṃ katvā sūpadhāritaṃ upadhāretvā svāvatthitaṃ avatthāpetvā āsevati bhāveti bahulīkaroti.
tassa evaṃ hoti — “ajjhattaṃ arūpaṃ bahiddhā rūpamidan”ti,	It appears to him thus: 'There is no materiality internally; this is an instance of materiality externally'.
rūpasaññī hoti.	Thus he is percipient of an instance of materiality.

evaṃ ajjhattaṃ arūpasaññī bahiddhā rūpāni passatīti — vimokkho.	Such is the liberation described thus: Unpercipient of materiality inter nally, he sees instances of materiality externally.

(3. ‘subha’ beautiful refer to STED 4bv brahmavihara practice)

(4bv☮️)

♦ kathaṃ “subha”nteva adhimutto hotīti — vimokkho?	20. What is the liberation described thus: He is resolved upon only what is beautiful?
idha bhikkhu mettāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ.	Here a bhikkhu dwells intent upon one quarter with his will endued with lovingkindness, likewise the second quarter, likewise the third quarter, likewise the fourth quarter;
iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena {abyāpajjhena (syā. )} pharitvā viharati.	so above and below and around; he dwells intent on the entire world everywhere and equally with his will endued with lovingkindness, abundant, exalted, measureless, free from affliction.

mettāya bhāvitattā sattā appaṭikūlā honti.	Because of the development of lovingkindness beings are unrepulsive.
karuṇāsahagatena cetasā .	He dwells intent upon one quarter with his will endued with compassion
.. pe .	...
.. karuṇāya bhāvitattā sattā appaṭikūlā honti.	Because of the development of compassion beings are unrepulsive.
muditāsahagatena cetasā .	He dwells intent upon one quarter with his will endued with gladness
.. pe .	...
.. muditāya bhāvitattā sattā appaṭikūlā honti.	Because of the development of gladness beings are unrepulsive.
upekkhāsahagatena cetasā ekaṃ disaṃ pharitvā viharati .	He dwells intent upon one quarter with his will endued with equanimity
.. pe .	...
.. upekkhāya bhāvitattā sattā appaṭikūlā honti.	Because of the development of equanimity beings are unrepulsive.
evaṃ “subhaṃ” teva adhimutto hotīti — vimokkho.	Such is the liberation described thus: He is resolved upon only what is beautiful.

(4. Space infinity base attainment)


♦ 213.
katamo ākāsānañcāyatanasamāpatti vimokkho?
idha bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā “ananto ākāso”ti ākāsānañcāyatanaṃ upasampajja viharati — ayaṃ ākāsānañcāyatanasamāpatti vimokkho.

(5. Consciosness infinity base attainment)


♦ katamo viññāṇañcāyatanasamāpatti vimokkho?
idha bhikkhu sabbaso ākāsānañcāyatanaṃ samatikkamma “anantaṃ viññāṇan”ti viññāṇañcāyatanaṃ upasampajja viharati — ayaṃ viññāṇañcāyatanasamāpatti vimokkho.

(6. Nothingness base attainment)


♦ katamo ākiñcaññāyatanasamāpatti vimokkho?
idha bhikkhu sabbaso viññāṇañcāyatanaṃ samatikkamma “natthi kiñcī”ti ākiñcaññāyatanaṃ upasampajja viharati — ayaṃ ākiñcaññāyatanasamāpatti vimokkho .

(7. neither perception nor non perception attainment)


♦ katamo nevasaññānāsaññāyatanasamāpatti vimokkho?
idha bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati — ayaṃ nevasaññānāsaññāyatanasamāpatti vimokkho.

(8. Perception and feelings cessation attainment)


♦ katamo saññāvedayitanirodhasamāpatti vimokkho?
idha bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati — ayaṃ saññāvedayitanirodhasamāpatti vimokkho.


♦ katamo samayavimokkho?
cattāri ca jhānāni catasso ca arūpasamāpattiyo — ayaṃ samayavimokkho.


♦ katamo asamayavimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ asamayavimokkho.


♦ katamo sāmayiko vimokkho?
cattāri ca jhānāni, catasso ca arūpasamāpattiyo — ayaṃ sāmayiko vimokkho.


♦ katamo asāmayiko vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ asāmayiko vimokkho.


♦ katamo kuppo vimokkho?
cattāri ca jhānāni, catasso ca arūpasamāpattiyo — ayaṃ kuppo vimokkho.


♦ katamo akuppo vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ akuppo vimokkho.


♦ katamo lokiyo vimokkho?
cattāri ca jhānāni, catasso ca arūpasamāpattiyo — ayaṃ lokiyo vimokkho.


♦ katamo lokuttaro vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ lokuttaro vimokkho.


♦ katamo sāsavo vimokkho?
cattāri ca jhānāni, catasso ca arūpasamāpattiyo — ayaṃ sāsavo vimokkho.


♦ katamo anāsavo vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ anāsavo vimokkho.


♦ katamo sāmiso vimokkho?
rūpappaṭisaññutto vimokkho — ayaṃ sāmiso vimokkho.


♦ katamo nirāmiso vimokkho?
arūpappaṭisaññutto vimokkho — ayaṃ nirāmiso vimokkho.


♦ katamo nirāmisā nirāmisataro vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ nirāmisānirāmisataro vimokkho.


♦ katamo paṇihito vimokkho?
cattāri ca jhānāni, catasso ca arūpasamāpattiyo — ayaṃ paṇihito vimokkho.
katamo appaṇihito vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ appaṇihito vimokkho.


♦ katamo paṇihitappaṭippassaddhi vimokkho?
paṭhamassa jhānassa paṭilābho vā vipāko vā .
.. pe .
.. nevasaññānāsaññāyatanasamāpattiyā paṭilābho vā vipāko vā — ayaṃ paṇihitappaṭippassaddhi vimokkho.


♦ katamo saññutto vimokkho?
cattāri ca jhānāni, catasso ca arūpasamāpattiyo — ayaṃ saññutto vimokkho.


♦ katamo visaññutto vimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ visaññutto vimokkho.


♦ katamo ekattavimokkho?
cattāro ca ariyamaggā, cattāri ca sāmaññaphalāni, nibbānañca — ayaṃ ekattavimokkho.


♦ katamo nānattavimokkho?
cattāri ca jhānāni, catasso ca arūpasamāpattiyo — ayaṃ nānattavimokkho.


♦ 214.
katamo saññāvimokkho?
siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti, vatthuvasena pariyāyena.
kathañca siyā?
aniccānupassanāñāṃ niccato saññāya muccatīti — saññāvimokkho .
dukkhānupassanāñāṃ sukhato saññāya muccatīti — saññāvimokkho.
anattānupassanāñāṇaṃ attato saññāya muccatīti — saññāvimokkho.
nibbidānupassanāñāṇaṃ nandiyā saññāya muccatīti — saññāvimokkho.
virāgānupassanāñāṇaṃ rāgato saññāya muccatīti — saññāvimokkho.
nirodhānupassanāñāṇaṃ samudayato saññāya muccatīti — saññāvimokkho.
paṭinissaggānupassanāñāṇaṃ ādānato saññāya muccatīti — saññāvimokkho.
animittānupassanāñāṇaṃ nimittato saññāya muccatīti — saññāvimokkho.
appaṇihitānupassanāñāṇaṃ paṇidhiyā saññāya muccatīti — saññāvimokkho.
suññatānupassanāñāṇaṃ abhinivesato saññāya muccatīti — saññāvimokkho.
evaṃ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena.


♦ rūpe aniccānupassanāñāṇaṃ niccato saññāya muccatīti — saññāvimokkho .
.. pe .
.. rūpe suññatānupassanāñāṇaṃ abhinivesato saññāya muccatīti — saññāvimokkho.
evaṃ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena.


♦ vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanāñāṇaṃ niccato saññāya muccatīti — saññāvimokkho .
.. pe .
.. jarāmaraṇe suññatānupassanāñāṇaṃ abhinivesato saññāya muccatīti — saññāvimokkho .
evaṃ siyā, eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena — ayaṃ saññāvimokkho.


♦ 215.
katamo ñāṇavimokkho?
siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena siyāti .
kathañca siyā?
aniccānupassanā yathābhūtaṃ ñāṇaṃ niccato sammohā aññāṇā muccatīti — ñāṇavimokkho.
dukkhānupassanā yathābhūtaṃ ñāṇaṃ sukhato sammohā aññāṇā muccatīti — ñāṇavimokkho.
anattānupassanā yathābhūtaṃ ñāṇaṃ attato sammohā aññāṇā muccatīti — ñāṇavimokkho.
nibbidānupassanā yathābhūtaṃ ñāṇaṃ nandiyā sammohā aññāṇā muccatīti — ñāṇavimokkho.
virāgānupassanā yathābhūtaṃ ñāṇaṃ rāgato sammohā aññāṇā muccatīti — ñāṇavimokkho.
nirodhānupassanā yathābhūtaṃ ñāṇaṃ samudayato sammohā aññāṇā muccatīti — ñāṇavimokkho.
paṭinissaggānupassanā yathābhūtaṃ ñāṇaṃ ādānato sammohā aññāṇā muccatīti — ñāṇavimokkho.
animittānupassanā yathābhūtaṃ ñāṇaṃ nimittato sammohā aññāṇā muccatīti — ñāṇavimokkho.
appaṇihitānupassanā thābhūtaṃ ñāṇaṃ paṇidhiyā sammohā aññāṇā muccatīti — ñāṇavimokkho.
suññatānupassanā yathābhūtaṃ ñāṇaṃ abhinivesato sammohā aññāṇā muccatīti — ñāṇavimokkho.
evaṃ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena.


♦ rūpe aniccānupassanā yathābhūtaṃ ñāṇaṃ niccato sammohā aññāṇā muccatīti — ñāṇavimokkho .
.. pe .
.. rūpe suññatānupassanā yathābhūtaṃ ñāṇaṃ abhinivesato sammohā aññāṇā muccatīti — ñāṇavimokkho.
evaṃ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena.


♦ vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanā yathābhūtaṃ ñāṇaṃ niccato sammohā aññāṇā muccatīti — ñāṇavimokkho .
.. pe .
.. jarāmaraṇe suññatānupassanā yathābhūtaṃ ñāṇaṃ abhinivesato sammohā aññāṇā muccatīti — ñāṇavimokkho.
evaṃ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena — ayaṃ ñāṇavimokkho.


♦ 216.
katamo sītisiyāvimokkho?
siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena siyāti.
kathañca siyā?
aniccānupassanā anuttaraṃ sītibhāvaṃ ñāṇaṃ niccato santāpapariḷāhadarathā muccatīti — sītisiyāvimokkho.
dukkhānupassanā anuttaraṃ sītibhāvaṃ ñāṇaṃ sukhato santāpapariḷāhadarathā muccatīti — sītisiyāvimokkho.
anattānupassanā anuttaraṃ sītibhāvaṃ ñāṇaṃ attato santāpapariḷāhadarathā muccatīti — sītisiyāvimokkho.
nibbidānupassanā anuttaraṃ sītibhāvaṃ ñāṇaṃ nandiyā santāpapariḷāhadarathā muccatīti — sītisiyāvimokkho.
virāgānupassanā anuttaraṃ sītibhāvaṃ ñāṇaṃ rāgato santāpapariḷāhadarathā muccatīti — sītisiyāvimokkho .
nirodhānupassanā anuttaraṃ sītibhāvaṃ ñāṇaṃ samudayato santāpapariḷāhadarathā muccatīti — sītisiyāvimokkho.
paṭinissaggānupassanā anuttaraṃ sītibhāvaṃ ñāṇaṃ ādānato santāpapariḷāhadarathā muccatīti — sītisiyāvimokkho.
animittānupassanā anuttaraṃ sītibhāvaṃ ñāṇaṃ nimittato santāpapariḷāhadarathā muccatīti — sītisiyāvimokkho.
appaṇihitānupassanā anuttaraṃ sītibhāvaṃ ñāṇaṃ paṇidhiyā santāpapariḷāhadarathā muccatīti — sītisiyāvimokkho.
suññatānupassanā anuttaraṃ sītibhāvaṃ ñāṇaṃ abhinivesato santāpapariḷāhadarathā muccatīti — sītisiyāvimokkho.
evaṃ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena.


♦ rūpe aniccānupassanā anuttaraṃ sītibhāvaṃ ñāṇaṃ niccato santāpapariḷāhadarathā muccatīti — sītisiyāvimokkho .
.. pe .
.. rūpe suññatānupassanā anuttaraṃ sītibhāvaṃ ñāṇaṃ abhinivesato santāpapariḷāhadarathā muccatīti — sītisiyāvimokkho.
evaṃ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena.


♦ vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanā anuttaraṃ sītibhāvaṃ ñāṇaṃ niccato santāpapariḷāhadarathā muccatīti — sītisiyāvimokkho .
.. pe .
.. jarāmaraṇe suññatānupassanā anuttaraṃ sītibhāvaṃ ñāṇaṃ abhinivesato santāpapariḷāhadarathā muccatīti — sītisiyāvimokkho.
evaṃ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena — ayaṃ sītisiyāvimokkho.


♦ 217.
katamo jhānavimokkho?
nekkhammaṃ jhāyatīti {jāyatīti (syā.
)} jhānaṃ.
kāmacchandaṃ jhāpetīti — jhānaṃ.
jhāyanto {jāyanto (syā.
)} muccatīti — jhānavimokkho.
jhāpento muccatīti — jhānavimokkho.
jhāyantīti — dhammā.
jhāpetīti — kilese.
jhāte ca jhāpe ca jānātīti — jhānavimokkho.
abyāpādo jhāyatīti — jhānaṃ.
byāpādaṃ jhāpetīti — jhānaṃ.
jhāyanto muccatīti — jhānavimokkho.
jhāpento muccatīti — jhānavimokkho.
jhāyantīti — dhammā.
jhāpetīti — kilese.
jhāte ca jhāpe ca jānātīti — jhānavimokkho.
ālokasaññā jhāyatīti — jhānaṃ.
thinamiddhaṃ jhāpetīti — jhānaṃ .
.. pe .
.. avikkhepo jhāyatīti — jhānaṃ.
uddhaccaṃ jhāpetīti — jhānaṃ.
dhammavavatthānaṃ jhāyatīti — jhānaṃ.
vicikicchaṃ jhāpetīti — jhānaṃ.
ñāṇaṃ jhāyatīti — jhānaṃ.
avijjaṃ jhāpetīti — jhānaṃ.
pāmojjaṃ jhāyatīti — jhānaṃ.
aratiṃ jhāpetīti — jhānaṃ.
paṭhamaṃ jhānaṃ jhāyatīti — jhānaṃ.
nīvaraṇe jhāpetīti — jhānaṃ .
.. pe .
.. arahattamaggo jhāyatīti — jhānaṃ.
sabbakilese jhāpetīti — jhānaṃ.
jhāyanto muccatīti — jhānavimokkho.
jhāpento muccatīti — jhānavimokkho.
jhāyantīti — dhammā.
jhāpetīti — kilese.
jhāte ca jhāpe ca jānātīti — jhānavimokkho — ayaṃ jhānavimokkho.


♦ 218.
katamo anupādā cittassa vimokkho?
siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena siyāti .
kathañca siyā?
aniccānupassanāñāṇaṃ niccato upādānā muccatīti — anupādācittassa vimokkho.
dukkhānupassanāñāṇaṃ sukhato upādānā muccatīti — anupādācittassa vimokkho.
anattānupassanāñāṇaṃ attato upādānā muccatīti — anupādācittassa vimokkho.
nibbidānupassanāñāṇaṃ nandiyā upādānā muccatīti — anupādācittassa vimokkho.
virāgānupassanāñāṇaṃ rāgato upādānā muccatīti — anupādācittassa vimokkho.
nirodhānupassanāñāṇaṃ samudayato upādānā muccatīti — anupādācittassa vimokkho.
paṭinissaggānupassanāñāṇaṃ ādānato upādānā muccatīti — anupādācittassa vimokkho.
animittānupassanāñāṇaṃ nimittato upādānā muccatīti — anupādācittassa vimokkho.
appaṇihitānupassanāñāṇaṃ paṇidhiyā upādānā muccatīti — anupādācittassa vimokkho.
suññatānupassanāñāṇaṃ abhinivesato upādānā muccatīti — anupādācittassa vimokkho.
evaṃ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.


♦ rūpe aniccānupassanāñāṇaṃ niccato upādānā muccatīti — anupādācittassa vimokkho .
.. pe .
.. rūpe suññatānupassanāñāṇaṃ abhinivesato upādānā muccatīti — anupādācittassa vimokkho.
evaṃ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.


♦ vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanāñāṇaṃ niccato upādānā muccatīti — anupādācittassa vimokkho .
.. pe .
.. jarāmaraṇe suññatānupassanāñāṇaṃ abhinivesato upādānā muccatīti — anupādācittassa vimokkho.
evaṃ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.


♦ aniccānupassanāñāṇaṃ katihupādānehi muccati?
dukkhānupassanāñāṇaṃ katihupādānehi muccati?
anattānupassanāñāṇaṃ katihupādānehi muccati?
nibbidānupassanāñāṇaṃ .
.. pe .
.. virāgānupassanāñāṇaṃ.
.. nirodhānupassanāñāṇaṃ.
.. paṭinissaggānupassanāñāṇaṃ.
.. animittānupassanāñāṇaṃ.
.. appaṇihitānupassanāñāṇaṃ.
.. suññatānupassanāñāṇaṃ katihupādānehi muccatīti?


♦ aniccānupassanāñāṇaṃ tīhupādānehi muccati.
dukkhānupassanāñāṇaṃ ekupādānā muccati.
anattānupassanāñāṇaṃ tīhupādānehi muccati.
nibbidānupassanāñāṇaṃ ekupādānā muccati.
virāgānupassanāñāṇaṃ ekupādānā muccati.
nirodhānupassanāñāṇaṃ catūhupādānehi muccati.
paṭinissaggānupassanāñāṇaṃ catūhupādānehi muccati.
animittānupassanāñāṇaṃ tīhupādānehi muccati.
appaṇihitānupassanāñāṇaṃ ekupādānā muccati.
suññatānupassanāñāṇaṃ tīhupādānehi muccati.


♦ aniccānupassanāñāṇaṃ katamehi tīhupādānehi muccati?
diṭṭhupādānā, sīlabbatupādānā, attavādupādānā — aniccānupassanāñāṇaṃ imehi tīhupādānehi muccati.
dukkhānupassanāñāṇaṃ katamā ekupādānā {ekūpādānā (sī.
aṭṭha.
)} muccati?
kāmupādānā — dukkhānupassanāñāṇaṃ idaṃ ekupādānā muccati.
{imā ekupādānā (syā.
)} anattānupassanāñāṇaṃ katamehi tīhupādānehi muccati?
diṭṭhupādānā, sīlabbatupādānā, attavādupādānā — anattānupassanāñāṇaṃ imehi tīhupādānehi muccati.
nibbidānupassanāñāṇaṃ katamā ekupādānā muccati?
kāmupādānā — nibbidānupassanāñāṇaṃ idaṃ ekupādānā muccati.
virāgānupassanāñāṇaṃ katamā ekupādānā muccati?
kāmupādānā — virāgānupassanāñāṇaṃ idaṃ ekupādānā muccati.
nirodhānupassanāñāṇaṃ katamehi catūhupādānehi muccati?
kāmupādānā, diṭṭhupādānā, sīlabbatupādānā, attavādupādānā — nirodhānupassanāñāṇaṃ imehi catūhupādānehi muccati.
paṭinissaggānupassanāñāṇaṃ katamehi catūhupādānehi muccati?
kāmupādānā, diṭṭhupādānā, sīlabbatupādānā, attavādupādānā — paṭinissaggānupassanāñāṇaṃ imehi catūhupādānehi muccati.
animittānupassanāñāṇaṃ katamehi tīhupādānehi muccati?
diṭṭhupādānā, sīlabbatupādānā, attavādupādānā — animittānupassanāñāṇaṃ imehi tīhupādānehi muccati.
appaṇihitānupassanāñāṇaṃ katamā ekupādānā muccati?
kāmupādānā — appaṇihitānupassanāñāṇaṃ idaṃ ekupādānā muccati.
suññatānupassanāñāṇaṃ katamehi tīhupādānehi muccati?
diṭṭhupādānā, sīlabbatupādānā, attavādupādānā — suññatānupassanāñāṇaṃ imehi tīhupādānehi muccati.


♦ yañca aniccānupassanāñāṇaṃ, yañca anattānupassanāñāṇaṃ, yañca animittānupassanāñāṇaṃ, yañca suññatānupassanāñāṇaṃ — imāni cattāri ñāṇāni tīhupādānehi muccanti — diṭṭhupādānā, sīlabbatupādānā, attavādupādānā.
yañca dukkhānupassanāñāṇaṃ, yaṃ ca nibbidānupassanāñāṇaṃ, yañca virāgānupassanāñāṇaṃ, yañca appaṇihitānupassanāñāṇaṃ — imāni cattāri ñāṇāni ekupādānā muccanti — kāmupādānā.
yañca nirodhānupassanāñāṇaṃ, yañca paṭinissaggānupassanāñāṇaṃ — imāni dve ñāṇāni catūhupādānehi muccanti — kāmupādānā, diṭṭhupādānā, sīlabbatupādānā, attavādupādānā — ayaṃ anupādācittassa vimokkho.


♦ vimokkhakathāya paṭhamabhāṇavāro.


♦ 219.
tīṇi kho panimāni vimokkhamukhāni lokaniyyānāya saṃvattanti.
sabbasaṅkhāre paricchedaparivaṭumato {paricchedaparivaṭṭumato (syā.
)} samanupassanatāya animittāya ca dhātuyā cittasampakkhandanatāya, sabbasaṅkhāresu manosamuttejanatāya appaṇihitāya ca dhātuyā cittasampakkhandanatāya, sabbadhamme parato samanupassanatāya suññatāya ca dhātuyā cittasampakkhandanatāya — imāni tīṇi vimokkhamukhāni lokaniyyānāya saṃvattanti.


♦ aniccato manasikaroto kathaṃ saṅkhārā upaṭṭhanti?
dukkhato manasikaroto kathaṃ saṅkhārā upaṭṭhanti?
anattato manasikaroto kathaṃ saṅkhārā upaṭṭhanti?
aniccato manasikaroto khayato saṅkhārā upaṭṭhanti, dukkhato manasikaroto bhayato saṅkhārā upaṭṭhanti, anattato manasikaroto suññato saṅkhārā upaṭṭhanti.


♦ aniccato manasikaroto kiṃ bahulaṃ cittaṃ hoti?
dukkhato manasikaroto kiṃ bahulaṃ cittaṃ hoti?
anattato manasikaroto kiṃ bahulaṃ cittaṃ hoti?
aniccato manasikaroto adhimokkhabahulaṃ cittaṃ hoti .
dukkhato manasikaroto passaddhibahulaṃ cittaṃ hoti.
anattato manasikaroto vedabahulaṃ cittaṃ hoti.


♦ aniccato manasikaronto adhimokkhabahulo katamindriyaṃ paṭilabhati?
dukkhato manasikaronto passaddhibahulo katamindriyaṃ paṭilabhati?
anattato manasikaronto vedabahulo katamindriyaṃ paṭilabhati?
aniccato manasikaronto adhimokkhabahulo saddhindriyaṃ paṭilabhati.
dukkhato manasikaronto passaddhibahulo samādhindriyaṃ paṭilabhati.
anattato manasikaronto vedabahulo paññindriyaṃ paṭilabhati.


♦ aniccato manasikaroto adhimokkhabahulassa katamindriyaṃ ādhipateyyaṃ hoti, bhāvanāya katindriyāni tadanvayā {tadanvayāni (syā.
)} honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
dukkhato manasikaroto passaddhibahulassa katamindriyaṃ ādhipateyyaṃ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
anattato manasikaroto vedabahulassa katamindriyaṃ ādhipateyyaṃ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
aniccato manasikaroto adhimokkhabahulassa saddhindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa indriyabhāvanā.
dukkhato manasikaroto passaddhibahulassa samādhindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa indriyabhāvanā.
anattato manasikaroto vedabahulassa paññindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa indriyabhāvanā.


♦ 220.
aniccato manasikaroto adhimokkhabahulassa katamindriyaṃ ādhipateyyaṃ hoti?
bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
paṭivedhakāle katamindriyaṃ ādhipateyyaṃ hoti?
paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
kenaṭṭhena bhāvanā?
kenaṭṭhena paṭivedho?
dukkhato manasikaroto passaddhibahulassa katamindriyaṃ ādhipateyyaṃ hoti?
bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
paṭivedhakāle katamindriyaṃ ādhipateyyaṃ hoti?
paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
kenaṭṭhena bhāvanā?
kenaṭṭhena paṭivedho?
anattato manasikaroto vedabahulassa katamindriyaṃ ādhipateyyaṃ hoti?
bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
paṭivedhakāle katamindriyaṃ ādhipateyyaṃ hoti?
paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
kenaṭṭhena bhāvanā?
kenaṭṭhena paṭivedho?


♦ aniccato manasikaroto adhimokkhabahulassa saddhindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
paṭivedhakāle paññindriyaṃ ādhipateyyaṃ hoti.
paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
dassanaṭṭhena paṭivedho.
evaṃ paṭivijjhantopi bhāveti, bhāventopi paṭivijjhati.
dukkhato manasikaroto passaddhibahulassa samādhindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
paṭivedhakāle paññindriyaṃ ādhipateyyaṃ hoti.
paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
dassanaṭṭhena paṭivedho.
evaṃ paṭivijjhantopi bhāveti, bhāventopi paṭivijjhati.
anattato manasikaroto vedabahulassa paññindriyaṃ ādhipateyyaṃ hoti.
bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
paṭivedhakālepi paññindriyaṃ ādhipateyyaṃ hoti.
paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
dassanaṭṭhena paṭivedho.
evaṃ paṭivijjhantopi bhāveti, bhāventopi paṭivijjhati.


♦ 221.
aniccato manasikaroto katamindriyaṃ adhimattaṃ hoti?
katamindriyassa adhimattattā saddhāvimutto {saddhādhimutto (syā.
)} hoti?
dukkhato manasikaroto katamindriyaṃ adhimattaṃ hoti?
katamindriyassa adhimattattā kāyasakkhī {kāyasakkhi (syā.
ka.
) abhi.
pu.
pa.
95 passitabbā} hoti?
anattato manasikaroto katamindriyaṃ adhimattaṃ hoti?
katamindriyassa adhimattattā diṭṭhippatto hoti?


♦ aniccato manasikaroto saddhindriyaṃ adhimattaṃ hoti.
saddhindriyassa adhimattattā saddhāvimutto hoti.
dukkhato manasikaroto samādhindriyaṃ adhimattaṃ hoti.
samādhindriyassa adhimattattā kāyasakkhī hoti.
anattato manasikaroto paññindriyaṃ adhimattaṃ hoti.
paññindriyassa adhimattattā diṭṭhippatto hoti.


♦ saddahanto vimuttoti — saddhāvimutto.
phuṭṭhattā sacchikatoti {sacchikarotīti (syā.
pī.
)} — kāyasakkhī.
diṭṭhattā pattoti — diṭṭhippatto.
saddahanto vimuccatīti — saddhāvimutto.
jhānaphassaṃ paṭhamaṃ phusati, pacchā nirodhaṃ nibbānaṃ sacchikarotīti — kāyasakkhī.
“dukkhā saṅkhārā, sukho nirodho”ti ñātaṃ hoti diṭṭhaṃ viditaṃ sacchikataṃ phassitaṃ paññāyāti — diṭṭhippatto.
yo cāyaṃ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena siyāti.
kathañca siyā?
aniccato manasikaroto saddhindriyaṃ adhimattaṃ hoti.
saddhindriyassa adhimattattā saddhāvimutto hoti.
dukkhato manasikaroto saddhindriyaṃ adhimattaṃ hoti.
saddhindriyassa adhimattattā saddhāvimutto hoti.
anattato manasikaroto saddhindriyaṃ adhimattaṃ hoti.
saddhindriyassa adhimattattā saddhāvimutto hoti.
evaṃ ime tayo puggalā saddhindriyassa vasena saddhāvimuttā.


♦ dukkhato manasikaroto samādhindriyaṃ adhimattaṃ hoti.
samādhindriyassa adhimattattā kāyasakkhī hoti.
anattato manasikaroto samādhindriyaṃ adhimattaṃ hoti.
samādhindriyassa adhimattattā kāyasakkhī hoti.
aniccato manasikaroto samādhindriyaṃ adhimattaṃ hoti.
samādhindriyassa adhimattattā kāyasakkhī hoti.
evaṃ ime tayo puggalā samādhindriyassa vasena kāyasakkhī.


♦ anattato manasikaroto paññindriyaṃ adhimattaṃ hoti.
paññindriyassa adhimattattā diṭṭhippatto hoti.
aniccato manasikaroto paññindriyaṃ adhimattaṃ hoti.
paññindriyassa adhimattattā diṭṭhippatto hoti.
dukkhato manasikaroto paññindriyaṃ adhimattaṃ hoti.
paññindriyassa adhimattattā diṭṭhippatto hoti.
evaṃ ime tayo puggalā paññindriyassa vasena diṭṭhippattā.


♦ yo cāyaṃ puggalo saddhāvimutto, yo ca kāyasakkhī, yo ca diṭṭhippatto, evaṃ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.
yo cāyaṃ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā .
.. pe .
.. aññoyeva saddhāvimutto, añño kāyasakkhī, añño diṭṭhippatto siyāti.
kathañca siyā?
aniccato manasikaroto saddhindriyaṃ adhimattaṃ hoti.
saddhindriyassa adhimattattā saddhāvimutto hoti.
dukkhato manasikaroto samādhindriyaṃ adhimattaṃ hoti.
samādhindriyassa adhimattattā kāyasakkhī hoti.
anattato manasikaroto paññindriyaṃ adhimattaṃ hoti.
paññindriyassa adhimattattā diṭṭhippatto hoti.
yo cāyaṃ puggalo saddhāvimutto, yo ca kāyasakkhī, yo ca diṭṭhippatto, evaṃ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.
aññoyeva saddhāvimutto, añño kāyasakkhī, añño diṭṭhippatto.


♦ aniccato manasikaroto saddhindriyaṃ adhimattaṃ hoti, saddhindriyassa adhimattattā sotāpattimaggaṃ paṭilabhati; tena vuccati — “saddhānusārī”.
cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
saddhindriyassa vasena catunnaṃ indriyānaṃ bhāvanā hoti.
ye hi keci saddhindriyassa vasena sotāpattimaggaṃ paṭilabhanti, sabbe te saddhānusārino.


♦ aniccato manasikaroto saddhindriyaṃ adhimattaṃ hoti, saddhindriyassa adhimattattā sotāpattiphalaṃ sacchikataṃ hoti; tena vuccati — “saddhāvimutto”.
cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
saddhindriyassa vasena cattārindriyāni bhāvitāni honti subhāvitāni .
yehi keci saddhindriyassa vasena sotāpattiphalaṃ sacchikatā, sabbe te saddhāvimuttā.


♦ aniccato manasikaroto saddhindriyaṃ adhimattaṃ hoti, saddhindriyassa adhimattattā sakadāgāmimaggaṃ paṭilabhati .
.. pe .
.. sakadāgāmiphalaṃ sacchikataṃ hoti .
.. pe .
.. anāgāmimaggaṃ paṭilabhati.
.. anāgāmiphalaṃ sacchikataṃ hoti .
.. pe .
.. arahattamaggaṃ paṭilabhati.
.. arahattaṃ {arahattaphalaṃ (syā.
ka.
) aṭṭhakathā oloketabbā} sacchikataṃ hoti; tena vuccati — “saddhāvimutto”.
cattārindriyāni tadanvayā honti .
.. pe .
.. sampayuttapaccayā honti.
saddhindriyassa vasena cattārindriyāni bhāvitāni honti subhāvitāni.
yehi keci saddhindriyassa vasena arahattaṃ sacchikatā, sabbe te saddhāvimuttā.


♦ dukkhato manasikaroto samādhindriyaṃ adhimattaṃ hoti, samādhindriyassa adhimattattā sotāpattimaggaṃ paṭilabhati; tena vuccati — “kāyasakkhī”.
cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
samādhindriyassa vasena catunnaṃ indriyānaṃ bhāvanā hoti.
ye hi keci samādhindriyassa vasena sotāpattimaggaṃ paṭilabhanti, sabbe te kāyasakkhī.


♦ dukkhato manasikaroto samādhindriyaṃ adhimattaṃ hoti, samādhindriyassa adhimattattā sotāpattiphalaṃ sacchikataṃ hoti .
.. pe .
.. sakadāgāmimaggaṃ paṭilabhati .
.. pe .
.. sakadāgāmiphalaṃ sacchikataṃ hoti .
.. pe .
.. anāgāmimaggaṃ paṭilabhati .
.. pe .
.. anāgāmiphalaṃ sacchikataṃ hoti .
.. pe .
.. arahattamaggaṃ paṭilabhati .
.. pe .
.. arahattaṃ sacchikataṃ hoti; tena vuccati — “kāyasakkhī”.
cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
samādhindriyassa vasena cattārindriyāni bhāvitāni honti subhāvitāni.
yehi keci samādhindriyassa vasena arahattaṃ sacchikatā, sabbe te kāyasakkhī.


♦ anattato manasikaroto paññindriyaṃ adhimattaṃ hoti, paññindriyassa adhimattattā sotāpattimaggaṃ paṭilabhati; tena vuccati — “dhammānusārī”.
cattārindriyāni tadanvayā honti .
.. pe .
.. sampayuttapaccayā honti.
paññindriyassa vasena catunnaṃ indriyānaṃ bhāvanā hoti.
ye hi keci paññindriyassa vasena sotāpattimaggaṃ paṭilabhanti, sabbe te dhammānusārino.


♦ anattato manasikaroto paññindriyaṃ adhimattaṃ hoti, paññindriyassa adhimattattā sotāpattiphalaṃ sacchikataṃ hoti; tena vuccati — “diṭṭhippatto”.
cattārindriyāni tadanvayā honti .
.. pe .
.. sampayuttapaccayā honti.
paññindriyassa vasena cattārindriyāni bhāvitāni honti subhāvitāni.
yehi keci paññindriyassa vasena sotāpattiphalaṃ sacchikatā, sabbe te diṭṭhippattā.


♦ anattato manasikaroto paññindriyaṃ adhimattaṃ hoti, paññindriyassa adhimattattā sakadāgāmimaggaṃ paṭilabhati .
.. pe .
.. sakadāgāmiphalaṃ sacchikataṃ hoti .
.. pe .
.. anāgāmimaggaṃ paṭilabhati .
.. pe .
.. anāgāmiphalaṃ sacchikataṃ hoti .
.. pe .
.. arahattamaggaṃ paṭilabhati .
.. pe .
.. arahattaṃ sacchikataṃ hoti; tena vuccati — “diṭṭhippatto”.
cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
paññindriyassa vasena cattārindriyāni bhāvitāni honti subhāvitāni.
yehi keci paññindriyassa vasena arahattaṃ sacchikatā, sabbe te diṭṭhippattā.


♦ 222.
ye hi keci nekkhammaṃ bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ ye hi keci abyāpādaṃ .
.. pe .
.. ālokasaññaṃ.
.. avikkhepaṃ.
.. dhammavavatthānaṃ.
.. ñāṇaṃ.
.. pāmojjaṃ.
.. paṭhamaṃ jhānaṃ.
.. dutiyaṃ jhānaṃ.
.. tatiyaṃ jhānaṃ.
.. catutthaṃ jhānaṃ.
.. ākāsānañcāyatanasamāpattiṃ.
.. viññāṇañcāyatanasamāpattiṃ .
.. ākiñcaññāyatanasamāpattiṃ.
.. nevasaññānāsaññāyatanasamāpattiṃ.
.. aniccānupassanaṃ.
.. dukkhānupassanaṃ.
.. anattānupassanaṃ.
.. nibbidānupassanaṃ.
.. virāgānupassanaṃ .
.. nirodhānupassanaṃ.
.. paṭinissaggānupassanaṃ.
.. khayānupassanaṃ.
.. vayānupassanaṃ.
.. vipariṇāmānupassanaṃ.
.. animittānupassanaṃ.
.. appaṇihitānupassanaṃ.
.. suññatānupassanaṃ.
.. adhipaññādhammavipassanaṃ.
.. yathābhūtañāṇadassanaṃ.
.. ādīnavānupassanaṃ.
.. paṭisaṅkhānupassanaṃ.
.. vivaṭṭanānupassanaṃ.
.. sotāpattimaggaṃ.
.. sakadāgāmimaggaṃ.
.. anāgāmimaggaṃ.
.. arahattamaggaṃ.
...


♦ ye hi keci cattāro satipaṭṭhāne.
.. cattāro sammappadhāne.
.. cattāro iddhipāde.
.. pañcindriyāni.
.. pañca balāni.
.. satta bojjhaṅge.
.. ariyaṃ aṭṭhaṅgikaṃ maggaṃ.
.. ye hi keci aṭṭha vimokkhe bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ ye hi keci catasso paṭisambhidā pattā vā pāpuṇanti vā pāpuṇissanti vā .
.. pe .
.. sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ ye hi keci tisso vijjā paṭividdhā vā paṭivijjhanti vā paṭivijjhissanti vā .
.. pe .
.. sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ ye hi keci tisso sikkhā sikkhitā vā sikkhanti vā sikkhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ ye hi keci dukkhaṃ parijānanti samudayaṃ pajahanti nirodhaṃ sacchikaronti maggaṃ bhāventi, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.


♦ katihākārehi saccappaṭivedho hoti?
katihākārehi saccāni paṭivijjhati?
catūhākārehi saccappaṭivedho hoti.
catūhākārehi saccāni paṭivijjhati.
dukkhasaccaṃ pariññāpaṭivedhaṃ paṭivijjhati, samudayasaccaṃ pahānappaṭivedhaṃ paṭivijjhati, nirodhasaccaṃ sacchikiriyāpaṭivedhaṃ paṭivijjhati, maggasaccaṃ bhāvanāpaṭivedhaṃ paṭivijjhati.
imehi catūhākārehi saccappaṭivedho hoti.
imehi catūhākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto.


♦ katihākārehi saccappaṭivedho hoti?
katihākārehi saccāni paṭivijjhati ?
navahākārehi saccappaṭivedho hoti, navahākārehi saccāni paṭivijjhati.
dukkhasaccaṃ pariññāpaṭivedhaṃ paṭivijjhati, samudayasaccaṃ pahānappaṭivedhaṃ paṭivijjhati, nirodhasaccaṃ sacchikiriyāpaṭivedhaṃ paṭivijjhati, maggasaccaṃ bhāvanāpaṭivedhaṃ paṭivijjhati.
abhiññāpaṭivedho ca sabbadhammānaṃ, pariññāpaṭivedho ca sabbasaṅkhārānaṃ, pahānappaṭivedho ca sabbākusalānaṃ, bhāvanāpaṭivedho ca catunnaṃ maggānaṃ, sacchikiriyāpaṭivedho ca nirodhassa.
imehi navahākārehi saccappaṭivedho hoti.
imehi navahākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto.


♦ dutiyabhāṇavāro.


♦ 223.
aniccato manasikaroto kathaṃ saṅkhārā upaṭṭhanti?
dukkhato manasikaroto kathaṃ saṅkhārā upaṭṭhanti?
anattato manasikaroto kathaṃ saṅkhārā upaṭṭhanti?
aniccato manasikaroto khayato saṅkhārā upaṭṭhanti.
dukkhato manasikaroto bhayato saṅkhārā upaṭṭhanti.
anattato manasikaroto suññato saṅkhārā upaṭṭhanti.


♦ aniccato manasikaroto kiṃ bahulaṃ cittaṃ hoti?
dukkhato manasikaroto kiṃ bahulaṃ cittaṃ hoti?
anattato manasikaroto kiṃ bahulaṃ cittaṃ hoti?
aniccato manasikaroto adhimokkhabahulaṃ cittaṃ hoti.
dukkhato manasikaroto passaddhibahulaṃ cittaṃ hoti.
anattato manasikaroto vedabahulaṃ cittaṃ hoti.


♦ aniccato manasikaronto adhimokkhabahulo katamaṃ vimokkhaṃ paṭilabhati?
dukkhato manasikaronto passaddhibahulo katamaṃ vimokkhaṃ paṭilabhati?
anattato manasikaronto vedabahulo katamaṃ vimokkhaṃ paṭilabhati?
aniccato manasikaronto adhimokkhabahulo animittaṃ vimokkhaṃ paṭilabhati.
dukkhato manasikaronto passaddhibahulo appaṇihitaṃ vimokkhaṃ paṭilabhati.
anattato manasikaronto vedabahulo suññataṃ vimokkhaṃ paṭilabhati.


♦ 224.
aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
dukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
anattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?


♦ aniccato manasikaroto adhimokkhabahulassa animitto vimokkho ādhipateyyo hoti.
bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa vimokkhabhāvanā.
dukkhato manasikaroto passaddhibahulassa appaṇihito vimokkho ādhipateyyo hoti.
bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa vimokkhabhāvanā.
anattato manasikaroto vedabahulassa suññato vimokkho ādhipateyyo hoti.
bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ekarasaṭṭhena bhāvanā.
yo sammāpaṭipanno so bhāveti; natthi micchāpaṭipannassa vimokkhabhāvanā.


♦ aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?
dukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?
anattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kativimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?


♦ 225.
aniccato manasikaroto adhimokkhabahulassa animitto vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi animitto vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṃ paṭivijjhantopi bhāveti, bhāventopi paṭivijjhati.
dukkhato manasikaroto passaddhibahulassa appaṇihito vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi appaṇihito vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṃ paṭivijjhantopi bhāveti, bhāventopi paṭivijjhati.
anattato manasikaroto vedabahulassa suññato vimokkho ādhipateyyo hoti, bhāvanāya dve vimokkhā tadanvayā honti sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi suññato vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṃ paṭivijjhantopi bhāveti, bhāventopi paṭivijjhati.


♦ 226.
aniccato manasikaroto katamo vimokkho adhimatto hoti?
katamavimokkhassa adhimattattā saddhāvimutto hoti ?
dukkhato manasikaroto katamo vimokkho adhimatto hoti?
katamavimokkhassa adhimattattā kāyasakkhī hoti?
anattato manasikaroto katamo vimokkho adhimatto hoti?
katamavimokkhassa adhimattattā diṭṭhippatto hoti?


♦ aniccato manasikaroto animitto vimokkho adhimatto hoti.
animittavimokkhassa adhimattattā saddhāvimutto hoti.
dukkhato manasikaroto appaṇihito vimokkho adhimatto hoti.
appaṇihitavimokkhassa adhimattattā kāyasakkhī hoti.
anattato manasikaroto suññato vimokkho adhimatto hoti.
suññatavimokkhassa adhimattattā diṭṭhippatto hoti.


♦ saddahanto vimuttoti — saddhāvimutto.
phuṭṭhattā sacchikatoti — kāyasakkhī.
diṭṭhattā pattoti — diṭṭhippatto.
saddahanto vimuccatīti — saddhāvimutto.
jhānaphassaṃ paṭhamaṃ phusati, pacchā nirodhaṃ nibbānaṃ sacchikarotīti — kāyasakkhī.
“dukkhā saṅkhārā, sukho nirodho”ti viññātaṃ hoti diṭṭhaṃ viditaṃ sacchikataṃ phassitaṃ paññāyāti — diṭṭhippatto .
.. pe .
.. ye hi keci nekkhammaṃ bhāvitā vā bhāventi vā bhāvissanti vā .
.. pe .
.. sabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā.


♦ ye hi keci abyāpādaṃ.
.. ālokasaññaṃ.
.. avikkhepaṃ.
.. ye hi keci dukkhaṃ parijānanti, samudayaṃ pajahanti, nirodhaṃ sacchikaronti, maggaṃ bhāventi, sabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā.


♦ katihākārehi saccappaṭivedho hoti?
katihākārehi saccāni paṭivijjhati?
catūhākārehi saccappaṭivedho hoti.
catūhākārehi saccāni paṭivijjhati.
dukkhasaccaṃ pariññāpaṭivedhaṃ paṭivijjhati, samudayasaccaṃ pahānapaṭivedhaṃ paṭivijjhati.
nirodhasaccaṃ sacchikiriyāpaṭivedhaṃ paṭivijjhati.
maggasaccaṃ bhāvanāpaṭivedhaṃ paṭivijjhati.
imehi catūhākārehi saccappaṭivedho hoti.
imehi catūhākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto.


♦ katihākārehi saccappaṭivedho hoti?
katihākārehi saccāni paṭivijjhati?
navahākārehi saccappaṭivedho hoti.
navahākārehi saccāni paṭivijjhati.
dukkhasaccaṃ pariññāpaṭivedhaṃ paṭivijjhati .
.. pe .
.. sacchikiriyāpaṭivedho ca nirodhassa.
imehi navahākārehi saccappaṭivedho hoti.
imehi navahākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto.


♦ 227.
aniccato manasikaronto katame dhamme yathābhūtaṃ jānāti passati?
kathaṃ sammādassanaṃ hoti?
kathaṃ tadanvayena sabbe saṅkhārā aniccato sudiṭṭhā honti?
kattha kaṅkhā pahīyati?
dukkhato manasikaronto katame dhamme yathābhūtaṃ jānāti passati?
kathaṃ sammādassanaṃ hoti?
kathaṃ tadanvayena sabbe saṅkhārā dukkhato sudiṭṭhā honti?
kattha kaṅkhā pahīyati?
anattato manasikaronto katame dhamme yathābhūtaṃ jānāti passati?
kathaṃ sammādassanaṃ hoti?
kathaṃ tadanvayena sabbe dhammā anattato sudiṭṭhā honti?
kattha kaṅkhā pahīyati?


♦ aniccato manasikaronto nimittaṃ yathābhūtaṃ jānāti passati; tena vuccati — sammādassanaṃ.
evaṃ tadanvayena sabbe saṅkhārā aniccato sudiṭṭhā honti.
ettha kaṅkhā pahīyati.
dukkhato manasikaronto pavattaṃ yathābhūtaṃ jānāti passati; tena vuccati — sammādassanaṃ.
evaṃ tadanvayena sabbe saṅkhārā dukkhato sudiṭṭhā honti.
ettha kaṅkhā pahīyati.
anattato manasikaronto nimittañca pavattañca yathābhūtaṃ jānāti passati; tena vuccati — sammādassanaṃ.
evaṃ tadanvayena sabbe dhammā anattato sudiṭṭhā honti.
ettha kaṅkhā pahīyati.


♦ yañca yathābhūtaṃ ñāṇaṃ yañca sammādassanaṃ yā ca kaṅkhāvitaraṇā, ime dhammā nānatthā ceva nānābyañjanā ca, udāhu ekatthā, byañjanameva nānanti?
yañca yathābhūtaṃ ñāṇaṃ yañca sammādassanaṃ yā ca kaṅkhāvitaraṇā, ime dhammā ekatthā, byañjanameva nānaṃ.


♦ aniccato manasikaroto kiṃ bhayato upaṭṭhāti?
dukkhato manasikaroto kiṃ bhayato upaṭṭhāti?
anattato manasikaroto kiṃ bhayato upaṭṭhāti?
aniccato manasikaroto nimittaṃ bhayato upaṭṭhāti .
dukkhato manasikaroto pavattaṃ bhayato upaṭṭhāti.
anattato manasikaroto nimittañca pavattañca bhayato upaṭṭhāti.


♦ yā ca bhayatupaṭṭhāne paññā yañca ādīnave ñāṇaṃ yā ca nibbidā, ime dhammā nānatthā ceva nānābyañjanā ca, udāhu ekatthā, byañjanameva nānanti?
yā ca bhayatupaṭṭhāne paññā yañca ādīnave ñāṇaṃ yā ca nibbidā, ime dhammā ekatthā, byañjanameva nānaṃ.


♦ yā ca anattānupassanā yā ca suññatānupassanā, ime dhammā nānatthā ceva nānābyañjanā ca, udāhu ekatthā, byañjanameva nānanti?
yā ca anattānupassanā yā ca suññatānupassanā, ime dhammā ekatthā, byañjanameva nānaṃ.


♦ aniccato manasikaroto kiṃ paṭisaṅkhā ñāṇaṃ uppajjati?
dukkhato manasikaroto kiṃ paṭisaṅkhā ñāṇaṃ uppajjati?
anattato manasikaroto kiṃ paṭisaṅkhā ñāṇaṃ uppajjati?
aniccato manasikaroto nimittaṃ paṭisaṅkhā ñāṇaṃ uppajjati.
dukkhato manasikaroto pavattaṃ paṭisaṅkhā ñāṇaṃ uppajjati.
anattato manasikaroto nimittañca pavattañca paṭisaṅkhā ñāṇaṃ uppajjati.


♦ yā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā nānatthā ceva nānābyañjanā ca, udāhu ekatthā, byañjanameva nānanti?
yā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā ekatthā, byañjanameva nānaṃ.


♦ aniccato manasikaroto kuto cittaṃ vuṭṭhāti, kattha cittaṃ pakkhandati?
dukkhato manasikaroto kuto cittaṃ vuṭṭhāti, kattha cittaṃ pakkhandati?
anattato manasikaroto kuto cittaṃ vuṭṭhāti, kattha cittaṃ pakkhandati?
aniccato manasikaroto nimittā cittaṃ vuṭṭhāti, animitte cittaṃ pakkhandati.
dukkhato manasikaroto pavattā cittaṃ vuṭṭhāti, appavatte cittaṃ pakkhandati.
anattato manasikaroto nimittā ca pavattā ca cittaṃ vuṭṭhāti, animitte appavatte nirodhe nibbānadhātuyā {nirodhanibbānadhātuyā (sī.
)} cittaṃ pakkhandati.


♦ yā ca bahiddhāvuṭṭhānavivaṭṭane paññā ye ca gotrabhū dhammā, ime dhammā nānatthā ceva nānābyañjanā ca, udāhu ekatthā, byañjanameva nānanti?
yā ca bahiddhāvuṭṭhānavivaṭṭane paññā ye ca gotrabhū dhammā, ime dhammā ekatthā, byañjanameva nānaṃ.


♦ aniccato manasikaronto katamena vimokkhena vimuccati?
dukkhato manasikaronto katamena vimokkhena vimuccati?
anattato manasikaronto katamena vimokkhena vimuccati?
aniccato manasikaronto animittavimokkhena vimuccati.
dukkhato manasikaronto appaṇihitavimokkhena vimuccati.
anattato manasikaronto suññatavimokkhena vimuccati.
yā ca dubhatovuṭṭhānavivaṭṭane paññā yañca magge ñāṇaṃ, ime dhammā nānatthā ceva nānābyañjanā ca, udāhu ekatthā, byañjanameva nānanti?
yā ca dubhatovuṭṭhānavivaṭṭane paññā yañca magge ñāṇaṃ, ime dhammā ekatthā, byañjanameva nānaṃ.


♦ 228.
katihākārehi tayo vimokkhā nānākkhaṇe {nānākhaṇe (syā.
ka.
)} honti?
katihākārehi tayo vimokkhā ekakkhaṇe honti?
catūhākārehi tayo vimokkhā nānākkhaṇe honti.
sattahākārehi tayo vimokkhā ekakkhaṇe honti.


♦ katamehi catūhākārehi tayo vimokkhā nānākkhaṇe honti?
ādhipateyyaṭṭhena, adhiṭṭhānaṭṭhena, abhinīhāraṭṭhena, niyyānaṭṭhena.
kathaṃ ādhipateyyaṭṭhena tayo vimokkhā nānākkhaṇe honti?
aniccato manasikaroto animitto vimokkho ādhipateyyo hoti, dukkhato manasikaroto appaṇihito vimokkho ādhipateyyo hoti, anattato manasikaroto suññato vimokkho ādhipateyyo hoti.
evaṃ ādhipateyyaṭṭhena tayo vimokkhā nānākkhaṇe honti.


♦ kathaṃ adhiṭṭhānaṭṭhena tayo vimokkhā nānākkhaṇe honti?
aniccato manasikaronto animittavimokkhassa vasena cittaṃ adhiṭṭhāti, dukkhato manasikaronto appaṇihitavimokkhassa vasena cittaṃ adhiṭṭhāti, anattato manasikaronto suññatavimokkhassa vasena cittaṃ adhiṭṭhāti.
evaṃ adhiṭṭhānaṭṭhena tayo vimokkhā nānākkhaṇe honti.


♦ kathaṃ abhinīhāraṭṭhena tayo vimokkhā nānākkhaṇe honti?
aniccato manasikaronto animittavimokkhassa vasena cittaṃ abhinīharati, dukkhato manasikaronto appaṇihitavimokkhassa vasena cittaṃ abhinīharati, anattato manasikaronto suññatavimokkhassa vasena cittaṃ abhinīharati.
evaṃ abhinīhāraṭṭhena tayo vimokkhā nānākkhaṇe honti.


♦ kathaṃ niyyānaṭṭhena tayo vimokkhā nānākkhaṇe honti?
aniccato manasikaronto animittavimokkhassa vasena nirodhaṃ nibbānaṃ niyyāti, dukkhato manasikaronto appaṇihitavimokkhassa vasena nirodhaṃ nibbānaṃ niyyāti, anattato manasikaronto suññatavimokkhassa vasena nirodhaṃ nibbānaṃ niyyāti.
evaṃ niyyānaṭṭhena tayo vimokkhā nānākkhaṇe honti.
imehi catūhākārehi tayo vimokkhā nānākkhaṇe honti.


♦ katamehi sattahākārehi tayo vimokkhā ekakkhaṇe honti ?
samodhānaṭṭhena, adhigamanaṭṭhena, paṭilābhaṭṭhena paṭivedhaṭṭhena, sacchikiriyaṭṭhena, phassanaṭṭhena, abhisamayaṭṭhena.
kathaṃ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti?
aniccato manasikaronto nimittā muccatīti — animitto vimokkho.
yato muccati, tattha na paṇidahatīti — appaṇihito vimokkho.
yattha na paṇidahati, tena suññoti — suññato vimokkho.
yena suñño, tena nimittena animittoti — animitto vimokkho.
evaṃ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.


♦ dukkhato manasikaronto paṇidhiyā muccatīti — appaṇihito vimokkho.
yattha na paṇidahati, tena suññoti — suññato vimokkho.
yena suñño, tena nimittena animittoti — animitto vimokkho.
yena nimittena animitto, tattha na paṇidahatīti — appaṇihito vimokkho.
evaṃ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.


♦ anattato manasikaronto abhinivesā muccatīti — suññato vimokkho.
yena suñño, tena nimittena animittoti — animitto vimokkho.
yena nimittena animitto, tattha na paṇidahatīti — appaṇihito vimokkho.
yattha na paṇidahati, tena suññoti — suññato vimokkho.
evaṃ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.
imehi sattahākārehi tayo vimokkhā ekakkhaṇe honti.


♦ 229.
atthi vimokkho, atthi mukhaṃ, atthi vimokkhamukhaṃ, atthi vimokkhapaccanīkaṃ, atthi vimokkhānulomaṃ, atthi vimokkhavivaṭṭo, atthi vimokkhabhāvanā, atthi vimokkhappaṭippassaddhi.


♦ katamo vimokkho?
suññato vimokkho, animitto vimokkho, appaṇihito vimokkho.
katamo suññato vimokkho?
aniccānupassanāñāṇaṃ niccato abhinivesā muccatīti — suññato vimokkho.
dukkhānupassanāñāṇaṃ sukhato abhinivesā muccatīti — suññato vimokkho.
anattānupassanāñāṇaṃ attato abhinivesā muccatīti — suññato vimokkho.
nibbidānupassanāñāṇaṃ nandiyā abhinivesā muccatīti — suññato vimokkho.
virāgānupassanāñāṇaṃ rāgato abhinivesā muccatīti — suññato vimokkho.
nirodhānupassanāñāṇaṃ samudayato abhinivesā muccatīti — suññato vimokkho.
paṭinissaggānupassanāñāṇaṃ ādānato abhinivesā muccatīti — suññato vimokkho.
animittānupassanāñāṇaṃ nimittato abhinivesā muccatīti — suññato vimokkho.
appaṇihitānupassanāñāṇaṃ paṇidhiyā abhinivesā muccatīti — suññato vimokkho.
suññatānupassanāñāṇaṃ sabbābhinivesehi muccatīti — suññato vimokkho.


♦ rūpe aniccānupassanāñāṇaṃ niccato abhinivesā muccatīti — suññato vimokkho .
.. pe .
.. rūpe suññatānupassanāñāṇaṃ sabbābhinivesehi muccatīti — suññato vimokkho.
vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanāñāṇaṃ niccato abhinivesā muccatīti — suññato vimokkho .
.. pe .
.. jarāmaraṇe suññatānupassanāñāṇaṃ sabbābhinivesehi muccatīti — suññato vimokkho.
ayaṃ suññato vimokkho.


♦ katamo animitto vimokkho?
aniccānupassanāñāṇaṃ niccato nimittā muccatīti — animitto vimokkho.
dukkhānupassanāñāṇaṃ sukhato nimittā muccatīti — animitto vimokkho.
anattānupassanāñāṇaṃ attato nimittā muccatīti — animitto vimokkho.
nibbidānupassanāñāṇaṃ nandiyā nimittā muccatīti — animitto vimokkho.
virāgānupassanāñāṇaṃ rāgato nimittā muccatīti — animitto vimokkho.
nirodhānupassanāñāṇaṃ samudayato nimittā muccatīti — animitto vimokkho.
paṭinissaggānupassanāñāṇaṃ ādānato nimittā muccatīti — animitto vimokkho.
animittānupassanāñāṇaṃ sabbanimittehi muccatīti — animitto vimokkho.
appaṇihitānupassanāñāṇaṃ paṇidhiyā nimittā muccatīti — animitto vimokkho.
suññatānupassanāñāṇaṃ abhinivesato nimittā muccatīti — animitto vimokkho.


♦ rūpe aniccānupassanāñāṇaṃ niccato nimittā muccatīti — animitto vimokkho .
.. pe .
.. rūpe animittānupassanāñāṇaṃ sabbanimittehi muccatīti — animitto vimokkho.
rūpe appaṇihitānupassanāñāṇaṃ paṇidhiyā nimittā muccatīti — animitto vimokkho.
rūpe suññatānupassanāñāṇaṃ abhinivesato nimittā muccatīti — animitto vimokkho.
vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanāñāṇaṃ niccato nimittā muccatīti — animitto vimokkho .
.. pe .
.. jarāmaraṇe aniccānupassanāñāṇaṃ sabbanimittehi muccatīti — animitto vimokkho.
jarāmaraṇe appaṇihitānupassanāñāṇaṃ paṇidhiyā nimittā muccatīti — animitto vimokkho.
jarāmaraṇe suññatānupassanāñāṇaṃ abhinivesato nimittā muccatīti — animitto vimokkho.
ayaṃ animitto vimokkho.


♦ katamo appaṇihito vimokkho?
aniccānupassanāñāṇaṃ niccato paṇidhiyā muccatīti — appaṇihito vimokkho.
dukkhānupassanāñāṇaṃ sukhato paṇidhiyā muccatīti — appaṇihito vimokkho.
anattānupassanāñāṇaṃ attato paṇidhiyā muccatīti — appaṇihito vimokkho.
nibbidānupassanāñāṇaṃ nandiyā paṇidhiyā muccatīti — appaṇihito vimokkho.
virāgānupassanāñāṇaṃ rāgato paṇidhiyā muccatīti — appaṇihito vimokkho.
nirodhānupassanāñāṇaṃ samudayato paṇidhiyā muccatīti — appaṇihito vimokkho.
paṭinissaggānupassanāñāṇaṃ ādānato paṇidhiyā muccatīti — appaṇihito vimokkho.
animittānupassanāñāṇaṃ nimittato paṇidhiyā muccatīti — appaṇihito vimokkho.
appaṇihitānupassanāñāṇaṃ sabbapaṇidhīhi muccatīti — appaṇihito vimokkho.
suññatānupassanāñāṇaṃ abhinivesato paṇidhiyā muccatīti — appaṇihito vimokkho.


♦ rūpe aniccānupassanāñāṇaṃ niccato paṇidhiyā muccatīti — appaṇihito vimokkho .
.. pe .
.. rūpe appaṇihitānupassanāñāṇaṃ sabbapaṇidhīhi muccatīti — appaṇihito vimokkho.
rūpe suññatānupassanāñāṇaṃ abhinivesato paṇidhiyā muccatīti — appaṇihito vimokkho.
vedanāya .
.. pe .
.. saññāya.
.. saṅkhāresu.
.. viññāṇe.
.. cakkhusmiṃ .
.. pe .
.. jarāmaraṇe aniccānupassanāñāṇaṃ niccato paṇidhiyā muccatīti — appaṇihito vimokkho .
.. pe .
.. jarāmaraṇe appaṇihitānupassanāñāṇaṃ sabbapaṇidhīhi muccatīti — appaṇihito vimokkho.
jarāmaraṇe suññatānupassanāñāṇaṃ abhinivesato paṇidhiyā muccatīti — appaṇihito vimokkho.
ayaṃ appaṇihito vimokkho.
ayaṃ vimokkho.


♦ 230.
katamaṃ mukhaṃ?
ye tattha jātā anavajjā kusalā bodhipakkhiyādhammā, idaṃ mukhaṃ.


♦ katamaṃ vimokkhamukhaṃ?
yaṃ tesaṃ dhammānaṃ ārammaṇaṃ nirodho nibbānaṃ, idaṃ vimokkhamukhaṃ.
vimokkhañca mukhañca vimokkhamukhaṃ, idaṃ vimokkhamukhaṃ.


♦ katamaṃ vimokkhapaccanīkaṃ?
tīṇi akusalamūlāni vimokkhapaccanīkāni, tīṇi duccaritāni vimokkhapaccanīkāni, sabbepi akusalā dhammā vimokkhapaccanīkā, idaṃ vimokkhapaccanīkaṃ.


♦ katamaṃ vimokkhānulomaṃ?
tīṇi kusalamūlāni vimokkhānulomāni, tīṇi sucaritāni vimokkhānulomāni, sabbepi kusalā dhammā vimokkhānulomā, idaṃ vimokkhānulomaṃ.


♦ katamo vimokkhavivaṭṭo?
saññāvivaṭṭo, cetovivaṭṭo, cittavivaṭṭo, ñāṇavivaṭṭo, vimokkhavivaṭṭo, saccavivaṭṭo.
sañjānanto vivaṭṭatīti — saññāvivaṭṭo.
cetayanto vivaṭṭatīti — cetovivaṭṭo.
vijānanto vivaṭṭatīti — cittavivaṭṭo.
ñāṇaṃ karonto vivaṭṭatīti — ñāṇavivaṭṭo.
vosajjanto vivaṭṭatīti — vimokkhavivaṭṭo.
tathaṭṭhena vivaṭṭatīti — saccavivaṭṭo.


♦ yattha saññāvivaṭṭo tattha cetovivaṭṭo, yattha cetovivaṭṭo tattha saññāvivaṭṭo, yattha saññāvivaṭṭo cetovivaṭṭo tattha cittavivaṭṭo, yattha cittavivaṭṭo tattha saññāvivaṭṭo cetovivaṭṭo.
yattha saññāvivaṭṭo cetovivaṭṭo cittavivaṭṭo tattha ñāṇavivaṭṭo, yattha ñāṇavivaṭṭo tattha saññāvivaṭṭo cetovivaṭṭo cittavivaṭṭo.
yattha saññāvivaṭṭo cetovivaṭṭo cittavivaṭṭo ñāṇavivaṭṭo tattha vimokkhavivaṭṭo, yattha vimokkhavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo.
yattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo tattha saccavivaṭṭo, yattha saccavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo.
ayaṃ vimokkhavivaṭṭo.


♦ katamā vimokkhabhāvanā?
paṭhamassa jhānassa āsevanā bhāvanā bahulīkammaṃ, dutiyassa jhānassa āsevanā bhāvanā bahulīkammaṃ, tatiyassa jhānassa āsevanā bhāvanā bahulīkammaṃ, catutthassa jhānassa āsevanā bhāvanā bahulīkammaṃ, ākāsānañcāyatanasamāpattiyā āsevanā bhāvanā bahulīkammaṃ, viññāṇañcāyatanasamāpattiyā .
.. pe .
.. ākiñcaññāyatanasamāpattiyā.
.. nevasaññānāsaññāyatanasamāpattiyā āsevanā bhāvanā bahulīkammaṃ, sotāpattimaggassa āsevanā bhāvanā bahulīkammaṃ, sakadāgāmimaggassa āsevanā bhāvanā bahulīkammaṃ, anāgāmimaggassa āsevanā bhāvanā bahulīkammaṃ, arahattamaggassa āsevanā bhāvanā bahulīkammaṃ, ayaṃ vimokkhabhāvanā.


♦ katamā vimokkhappaṭippassaddhi?
paṭhamassa jhānassa paṭilābho vā vipāko vā, dutiyassa jhānassa paṭilābho vā vipāko vā, tatiyassa jhānassa .
.. pe .
.. catutthassa jhānassa.
.. ākāsānañcāyatanasamāpattiyā.
.. viññāṇañcāyatanasamāpattiyā.
.. ākiñcaññāyatanasamāpattiyā.
.. nevasaññānāsaññāyatanasamāpattiyā paṭilābho vā vipāko vā, sotāpattimaggassa sotāpattiphalaṃ, sakadāgāmimaggassa sakadāgāmiphalaṃ, anāgāmimaggassa anāgāmiphalaṃ, arahattamaggassa arahattaphalaṃ, ayaṃ vimokkhappaṭippassaddhīti.


♦ tatiyabhāṇavāro.


♦ vimokkhakathā niṭṭhitā.


	(Eng. Derived from Nanamoli path of discrimination)
KN 18 - 5.
Vimokkha-kathā	Liberation-talk
♦ paṭisambhidā-magga-pāḷi	Discrimination-path-pali
♦ 1. mahā-vaggo	Great-chapter
♦ 5. vimokkha-kathā	Liberation-talk
♦ 1. uddeso	recitation/exposition/propounding


♦ 209.
Purima-nidānaṃ .	Previous-foundation
“tayome, bhikkhave, vimokkhā.	monks, there are three of these liberations.
katame tayo?	what three?
suññato vimokkho, animitto vimokkho, appaṇihito vimokkho — ime kho, bhikkhave, tayo vimokkhā.	emptiness liberation, sign-less liberation, un-directed liberation – monks, these are the three liberations.








♦ “api ca, aṭṭhasaṭṭhi vimokkhā — suññato vimokkho, animitto vimokkho, appaṇihito vimokkho;	2. Furthermore, there are sixty-eight liberations. [As well as] the liberation by voidness, the liberation by signlessness, the liberation by desirelessness; [not counted — included above;]

ajjhattavuṭṭhāno vimokkho, bahiddhāvuṭṭhāno vimokkho, dubhato vuṭṭhāno vimokkho;	There are liberation as emergence internally, liberation as emergence externally, liberation as emergence in both ways; [count 3;]

ajjhattavuṭṭhānā cattāro vimokkhā, bahiddhāvuṭṭhānā cattāro vimokkhā, dubhato vuṭṭhānā cattāro vimokkhā;	Four liberations as emergence internally, four liberations as emergence externally, four liberations as emergence in both ways; [count 9 — the 1st of each set included in previous 3;]

ajjhattavuṭṭhānānaṃ anulomā cattāro vimokkhā, bahiddhāvuṭṭhānānaṃ anulomā cattāro vimokkhā, dubhato vuṭṭhānānaṃ anulomā cattāro vimokkhā;	Four liberations in conformity with emergence internally, four liberations in conformity with emergence externally, four liberations in conformity with emergence in both ways; [count 12;]

ajjhattavuṭṭhānapaṭippassaddhī {ajjhattavuṭṭhānā paṭippassddhī (syā.)} cattāro vimokkhā, bahiddhāvuṭṭhānapaṭippassaddhī cattāro vimokkhā, dubhato vuṭṭhānapaṭippassaddhī cattāro vimokkhā;	Four liberations as tranquillization of emergence internally, four liberations as tranquillization of emergence externally, four liberations as tranquillization of emergence in both ways; [count 12;]

rūpī rūpāni passatīti vimokkho,	Liberation described thus, Possessed of materiality, he sees instances of materiality;
ajjhattaṃ arūpasaññī bahiddhā rūpāni passatīti vimokkho,	the liberation described thus, Unpercipient of materiality internally (in himself)* he sees instances of materiality externally;
subhaṃ teva adhimutto hotīti vimokkho;	the liberation described thus, He is resolved upon only the beautiful;
ākāsānañcāyatanasamāpatti vimokkho,	liberation as the attainment of the base consisting of boundless space;
viññāṇañcāyatanasamāpatti vimokkho,	liberation as the attainment of the base consisting of boundless consciousness;
ākiñcaññāyatanasamāpatti vimokkho;	liberation as the attainment of the base consisting of nothingness;
nevasaññānāsaññāyatanasamāpatti vimokkho,	liberation as the attainment of the base consisting of neither perception nor non-perception;
saññāvedayitanirodhasamāpatti vimokkho;	liberation as the attainment of the cessation of perception and feeling;
---	[count 8;]

samayavimokkho, asamayavimokkho;	Occasional liberation, non-occasional liberation; [count 2;]
sāmayiko vimokkho, asāmayiko vimokkho;	Liberation belonging to an occasion, liberation not belonging to an occasion; [count 2;]
kuppo vimokkho, akuppo vimokkho;	Assailable liberation, unassailable liberation; [count 2;]
lokiyo vimokkho, lokuttaro vimokkho;	Mundane liberation, supramundane liberation; [count 2;]
sāsavo vimokkho, anāsavo vimokkho;	Liberation that is subject to cankers, liberation that is not subject to cankers; [count 2;]
sāmiso vimokkho, nirāmiso vimokkho; nirāmisānirāmisataro vimokkho,	Materialistic liberation, unmaterialistic liberation, liberation more unmaterialistic than the unmaterialistic; [count 3;]
paṇihito vimokkho, appaṇihito vimokkho, paṇihitappaṭippassaddhi vimokkho;	Liberation by desire, liberation by desirelessness, liberation by tranquillized desire; [count 2 — the 2nd already included above;]
saññutto vimokkho, visaññutto vimokkho;	Fettered liberation, unfettered liberation; [count 2;]
ekattavimokkho, nānattavimokkho,	Liberation based on unity, liberation based on difference; [count 2;]
saññāvimokkho, ñāṇavimokkho; sītisiyāvimokkho {sītīsiyāvimokkho (sī. aṭṭha.)},	[36] liberation of perception, liberation of knowledge, liberation described thus: [All that is experienced here] can become cool; [count 3;]
jhānavimokkho, anupādācittassa vimokkho”.	Jhana liberation, liberation of cognizance through not clinging, [count 2.]



♦ 2.
niddeso
♦ 210.
katamo suññato vimokkho?	3. What is liberation by voidness?
idha bhikkhu araññagato vā rukkhamūlagato vā suññāgāragato vā iti paṭisañcikkhati — “suññamidaṃ attena vā attaniyena vā”ti.	Here, bhikkhus, a bhikkhu, gone to the forest or to the root of a tree or to an empty place, considers thus: 'This is void of self or of what belongs to self.
so tattha abhinivesaṃ na karotīti — suññato vimokkho.	He contrives no misinterpretation thereon, thus it is liberation by voidness.
ayaṃ suññato vimokkho.	This is liberation by voidness.


♦ katamo animitto vimokkho?	4. What is liberation by signlessness?
idha bhikkhu araññagato vā rukkhamūlagato vā suññāgāragato vā iti paṭisañcikkhati — “suññamidaṃ attena vā attaniyena vā”ti.	Here, bhikkhus, a bhikkhu, gone to the forest or to the root of a tree or to an empty place, considers thus: 'This is void of self or of what belongs to self.
so tattha nimittaṃ na karotīti — animitto vimokkho.	He contrives no sign thereon, thus it is liberation by signlessness.
ayaṃ animitto vimokkho.	This is liberation by signlessness.


♦ katamo appaṇihito vimokkho?	5. What is liberation by desirelessness?
idha bhikkhu araññagato vā rukkhamūlagato vā suññāgāragato vā iti paṭisañcikkhati — “suññamidaṃ attena vā attaniyena vā”ti.	Here, bhikkhus, a bhikkhu, gone to the forest or to the root of a tree or to an empty place, considers thus: 'This is void of self or of what belong to self.
so tattha paṇidhiṃ na karotīti — appaṇihito vimokkho.	He contrives no desire thereon, thus it is liberation by desirelessness.
ayaṃ appaṇihito vimokkho.	This is liberation by desirelessness.


♦ katamo ajjhattavuṭṭhāno vimokkho?	6. What is liberation as emergence [from defilements] internally?
cattāri jhānāni — ayaṃ ajjhattavuṭṭhāno vimokkho.	The four jhanas. This is liberation as emergence internally.
katamo bahiddhāvuṭṭhāno vimokkho?	7. What is liberation as emergence [from the object] externally?
catasso arūpasamāpattiyo — ayaṃ bahiddhāvuṭṭhāno vimokkho.	The four immaterial attainments. This is liberation as emergence externally.
katamo dubhato vuṭṭhāno vimokkho?	8. What is liberation as emergence in both ways?
cattāro ariyamaggā — ayaṃ dubhato vuṭṭhāno vimokkho.	The four noble paths. This is liberation as emergence in both ways.

4👑☸ Cattāri Ariya-saccaṃ 四聖諦

KN Ps 1.5

KN Ps 1.5 vimokkha-kathā

liberation-talk

(emptiness)

(sign-less)

(un-directed)

(internal, external emergence)

(4 internal emergences)

(4 external emergences)

(both way emergence, 4 paths fruits)

(4 liberations with conformity in internal emergence)

(8 vimokkha)

(1. Has form sees form)

(2. can’t perceive form internally, sees external form)

(3. ‘subha’ beautiful refer to STED 4bv brahmavihara practice)

(4. Space infinity base attainment)

(5. Consciosness infinity base attainment)

(6. Nothingness base attainment)

(7. neither perception nor non perception attainment)

(8. Perception and feelings cessation attainment)

☸ Lucid 24.org 🐘🐾‍


♦ katame ajjhattavuṭṭhānā cattāro vimokkhā?	9. What are the four liberations as emergence internally?
paṭhamaṃ jhānaṃ nīvaraṇehi vuṭṭhāti.	The first jhana emerges from the hindrances.
dutiyaṃ jhānaṃ vitakkavicārehi vuṭṭhāti.	The secondjhana emerges from directed thought and evaluation.
tatiyaṃ jhānaṃ pītiyā vuṭṭhāti.	The third jhana emerges from rapture.
catutthaṃ jhānaṃ sukhadukkhehi vuṭṭhāti.	The fourth jhana emerges from pleasure and pain.
ime ajjhattavuṭṭhānā cattāro vimokkhā.	These are the four liberations in conformity with emergence internally


♦ katame bahiddhāvuṭṭhānā cattāro vimokkhā?	10. What are the four liberations as emergence externally?
ākāsānañcāyatanasamāpatti rūpasaññāya paṭighasaññāya nānattasaññāya vuṭṭhāti.	The attainment of the base consisting of boundless space emerges from perception of materiality, from perception of resistance and from perception of difference.
viññāṇañcāyatanasamāpatti ākāsānañcāyatanasaññāya vuṭṭhāti.	The attainment of the base consisting of boundless consciousness emerges from perception of the base consisting of boundless space.
ākiñcaññāyatanasamāpatti viññāṇañcāyatanasaññāya vuṭṭhāti.	The attainment of the base consisting of nothingness emerges from perception of the base consisting of boundless consciousness.
nevasaññānāsaññāyatanasamāpatti ākiñcaññāyatanasaññāya vuṭṭhāti.	The attainment of the base consisting of neither perception nor non-perception emerges from perception of the base consisting of nothingness.
ime bahiddhāvuṭṭhānā cattāro vimokkhā.	These are the four liberations as emergence externally.


♦ katame dubhato vuṭṭhānā cattāro vimokkhā?	11. What are the four liberations as emergence in both ways?
sotāpattimaggo sakkāyadiṭṭhivicikicchāsīlabbataparāmāsā diṭṭhānusayā vicikicchānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.	The stream-entry path emerges from [wrong] view of individuality, from uncertainty, and from misapprehension of virtue and duty, and also from the underlying tendencies to [wrong] view and to uncertainty, and it emerges from defilements and aggregates that occur consequent upon them, and it emerges externally [37] from all signs.
sakadāgāmimaggo oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti .	The once-return path emerges from the gross fetters of greed for sensual-desires and of resistance, and from the gross underlying tendencies to greed for sensual-desires and to resistance, and it emerges from defilements and from aggregates that occur consequent upon them, and it emerges externally from all signs.
anāgāmimaggo anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.	The non-return path emerges from the secondary fetters of greed for sensual-desires and of resistance, and from the secondary underlying tendencies to greed for sensual-desires and to resistance, and it emerges from defilements and from aggregates that occur consequent upon them, and it emerges externally from all signs.
arahattamaggo rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.	The arahant path emerges from greed for material [being], from greed for immaterial [being], from conceit (pride), from agitation, from ignorance, and from the underlying tendencies to conceit (pride), greed for being, and ignorance, and it emerges from defilements and from aggregates that occur consequent upon them, and it emerges externally from all signs.
ime dubhato vuṭṭhānā cattāro vimokkhā.	These are the four liberations as emergence in both ways.

♦ 211.
katame ajjhattavuṭṭhānānaṃ anulomā cattāro vimokkhā?	12. What are the four liberations in conformity with emergence internally?
paṭhamaṃ jhānaṃ paṭilābhatthāya vitakko ca vicāro ca pīti ca sukhañca cittekaggatā ca, dutiyaṃ jhānaṃ paṭilābhatthāya .	The directed-thought and evaluation and happiness and pleasure and unification of cognizance that have the purpose of obtaining the first jhana.
.. pe .	The applied-thought .
.. tatiyaṃ jhānaṃ paṭilābhatthāya .	.. the second jhana .
.. pe .	.. the third jhana.
.. catutthaṃ jhānaṃ paṭilābhatthāya vitakko ca vicāro ca pīti ca sukhañca cittekaggatā ca —	The directed-thought and evaluation and happiness and pleasure and unification of cognizance that have the purpose of obtaining the fourth jhana.
ime ajjhattavuṭṭhānānaṃ anulomā cattāro vimokkhā.	These are the four liberations in conformity with emergence internally.
	13
♦ katame bahiddhāvuṭṭhānānaṃ anulomā cattāro vimokkhā?	What are the four liberations in conformity with emergence externally?
ākāsānañcāyatanasamāpattiṃ paṭilābhatthāya vitakko ca vicāro ca pīti ca sukhañca cittekaggatā ca, viññāṇañcāyatanasamāpattiṃ .	The applied-thought and sustained-thought and happiness and pleasure and unification of cognizance that have the purpose of obtaining the base consisting of boundless space.
.. pe .	The applied-thought.
.. ākiñcaññāyatanasamāpattiṃ .	.. the base consisting of boundless consciousness .
.. pe .	.. the base consisting of nothingness .
.. nevasaññānāsaññāyatanasamāpattiṃ paṭilābhatthāya vitakko ca vicāro ca pīti ca sukhañca cittekaggatā ca —	.. The applied-thought and sustained-thought and happiness and pleasure and unification of cognizance that have the purpose of obtaining the base consisting of neither perception nor non-perception.
ime bahiddhāvuṭṭhānānaṃ anulomā cattāro vimokkhā.	These are the four liberations in conformity with emergence externally.
	14.
♦ katame dubhato vuṭṭhānānaṃ anulomā cattāro vimokkhā?	What are the four liberations in conformity with emergence in both ways?
sotāpattimaggaṃ paṭilābhatthāya aniccānupassanā, dukkhānupassanā, anattānupassanā.	The contemplation of impermanence and contemplation of pain and contemplation of not self that have the purpose of obtaining the stream entry path.
sakadāgāmimaggaṃ paṭilābhatthāya .	once-return path .
.. pe .	..
.. anāgāmimaggaṃ paṭilābhatthāya .	.. non-return path.
.. pe .	..
.. arahattamaggaṃ paṭilābhatthāya aniccānupassanā, dukkhānupassanā, anattānupassanā —	The contemplation of impermanence and contemplation of pain and contemplation of not self that have the purpose of obtaining the arahant path.
ence in both ways.	These are the four liberations in conformity with emerg





♦ katame ajjhattavuṭṭhānapaṭippassaddhī cattāro vimokkhā?	15. What are the four liberations as tranquillization of emergence internally?
paṭhamassa jhānassa paṭilābho vā vipāko vā, dutiyassa jhānassa .	The obtainment of thefirst jhana or its result.
.. pe .	The obtainment of the second jhana or its result.
.. tatiyassa jhānassa .	The obtainment of the third jhana or its result.
.. pe .	The obtainment of the fourth jhana or its result.
.. catutthassa jhānassa paṭilābho vā vipāko vā — ime ajjhattavuṭṭhānapaṭippassaddhī cattāro vimokkhā.	These [38] are the four liberations as tranquillization of emergence internally.


♦ katame bahiddhāvuṭṭhānapaṭippassaddhī cattāro vimokkhā?	16. What are the four liberations as tranquillization of emergence externally?
ākāsānañcāyatanasamāpattiyā paṭilābho vā vipāko vā, viññāṇañcāyatanasamāpattiyā .	The obtainment of the attainment of the base consisting of boundless space or its result.
.. pe .	The obtainment of the attainment of the base consisting of boundless consciousness or its result.
.. ākiñcaññāyatanasamāpattiyā .	The obtainment of the attainment of the base consisting of nothingness or its result.
.. pe .	The obtainment of the attainment of the base consisting of neither perception nor non perception or its result.
.. nevasaññānāsaññāyatanasamāpattiyā paṭilābho vā vipāko vā — ime bahiddhāvuṭṭhānapaṭippassaddhī cattāro vimokkhā.	These are the four liberations as tranquillization of emergence externally.


♦ katame dubhato vuṭṭhānapaṭippassaddhī cattāro vimokkhā?	17. What are the four liberations as tranquillization of emergence in both ways*?
sotāpattimaggassa sotāpattiphalaṃ,	The stream-entry fruition of the stream-entry path.
sakadāgāmimaggassa sakadāgāmiphalaṃ,	The once-return fruition of the once-return path.
anāgāmimaggassa anāgāmiphalaṃ,	The non-return fruition of the non return path.
arahattamaggassa arahattaphalaṃ —	The arahant fruition of the arahant path.
ime dubhato vuṭṭhānapaṭippassaddhī cattāro vimokkhā.	These are the four liberations as tranquillization of emergence in both ways.